2020-11-30 20:19
Марина МКРТЧЯН
ԱՆՈՄԱԼԻԱՅԻ ՊԱՏԱՆԴՆԵՐԸ
Բախումնայնությունը՝ բնակության սովորական միջավայր
ԳԱԱ նախագահություն, ԵՊՀ խորհուրդ, Սփյուռքի 20 հասարակական կազմակերպություններ, 17 կուսակցություններ, ընդդիմադիր երկու խմբակցություններ, նախագահ Արմեն Սարգսյան…
Նրանց ցանկը, ովքեր նոյեմբերի 9-ից հետո հանդես են եկել վարչապետի անհապաղ հրաժարականի պահանջով, կարելի է շարունակել, սակայն որքան երկար լինի այդ ցանկը, այնքան ավելի ամուր կկառչի աթոռից Փաշինյանը: Ժամանակն է, որ նրա ընդդիմախոսները վերջապես հասկանան, բախումնայնությունը այն միջավայրն է, որտեղ գունավոր հեղափոխության հայկական ծաղրապատկերի առաջնորդը զգում է իրեն միանգամայն հարմարավետ, նրա համար բախումը բնակության սովորական միջավայրն է։
2,5 տարի առաջ Փաշինյանը հասարակությանը բաժանեց սևերի ու սպիտակների, այսօր նա ասում է, թե իր հրաժարականի պահանջով հանդես են գալիս նրանք, ովքեր ցանկանում են վերադարձնել նախկին իշխանությանը, իսկ որպեսզի դա տեղի չունենա, ինքը մտադիր չէ հեռանալ պաշտոնից։ Ռազմագերիների և փախստականների գործերով նա նույնպես չի ուզում զբաղվել, հազարավոր ընտանիքներ ձմռան շեմին մնացել են անօթևան։ Հայ փախստականների հարցերով զբաղվում Է Պուտինը (այդ նպատակով նա 2 մլն դոլար Է հատկացրել Կարմիր խաչին), Արցախի բնակիչների ջեռուցման հարցերով նույնպես Պուտինն է զբաղվում։ Փաշինյանն ու Արայիկ Հարությունյանն ընդհանրապես պարապության են մատնված։
Նիկոլը խորապես անտարբեր է բոլոր պահանջների նկատմամբ. սոցիալականից մինչև քաղաքական։ Քանի դեռ նա հենարան ունի խորհրդարանում և ուժային կառույցներում, կշարունակի ոչ միայն կառչած մնալ իշխանությունից, այլև կպատասխանի բոլոր մեղադրանքներին ստի նոր հեղեղով։ Արդեն հայտարարել է, թե իրեն պատասխանատու է համարում պետության հետպատերազմյան կյանքի համար, և ներկայացրել միջոցառումների ճանապարհային քարտեզը՝ կես տարվա հեռանկարով. ասել է թե՝ սպասեք, մինչև որ ես հաշվետու լինեմ…
Աննա Հակոբյանը «բարոյահոգեբանական աջակցություն» ցուցաբերեց…
Նոյեմբերի 27-ի հեռուստաուղերձով վարչապետը գերազանցեց ցինիզմի բոլոր ռեկորդները: Նա հայտարարեց, թե իշխանությունը՝ ի դեմս իրեն, ճշմարտությունն է ասել ժողովրդին պատերազմի բոլոր 45 օրերին, սակայն այդ ճշմարտությունը մատուցվել է հատուկ եղանակով, ինչպես դա պահանջում էր ռազմական իրավիճակը: Այլ կերպ ասած, Նիկոլը կրկին ողջ մեղքը բարդեց ժողովրդի վրա, թե իբր՝ ճշմարտությունն ասվել է այնպես, ինչպես պահանջում էին պատերազմի պայմանները, բայց ոչ բոլորն են հասկացել այդ ճշմարտությունը, ուստի հիմա մեղադրում են իրեն նրանում, որ իշխանությունը ստել է ժողովրդին։
Վարչապետի ուղերձից հետեվում էր, թե քաղաքական ուժերի առաջնորդները տեղեկացված են եղել ռազմաճակատում տիրող իրավիճակի մասին, բայց նոյեմբերի 9-ից հետո սկսել են ձևացնել, թե իրենց խաբել են։ Հաշվի առնելով Նիկոլի հռետորական հմտությունները, ինչպես նաև «պողոսների» մթագնած գիտակցությունը, բացառված չէ, որ հասարակության մի որոշակի մաս շատ շուտով մոռանա, որ Նիկոլը կապիտուլյացիայի մասին հայտարարություն է ստորագրել ժողովրդի թիկունքում և ոչ միայն ստորագրել, այլև եղել է այդ փաստաթղթի համահեղինակը, ինչի մասին նշեց ՌԴ նախագահ Պուտինը։
Իսկ բացի այդ իր ուղերձում Փաշինյանն ասաց, թե Աննա Հակոբյանը Ստեփանակերտի հրամանատարական կետ է այցելել իր հանձնարարությամբ՝ «բարոյահոգեբանական աջակցություն ցուցաբերելու համար»: Նա առանձնահատուկ ընդգծեց, որ իր կինը կատարել է հիշյալ աջակցությունը ցուցաբերելու պատվավոր առաքելությունը։ Հետաքրքիր է, իսկ այդ ինչո՞ւ էր Փաշինյանը որոշել, թե մեր գեներալները մարտական գործողությունների ընթացքում ունեին իր կնոջ բարոյահոգեբանական աջակցության սուր կարիքը։ Հիշեցնեմ, որ գեներալ Մովսես Հակոբյանը, որը համարձակվեց տիկին Հակոբյանին մատնացույց անել հրամանատարական կետում նրա գտնվելու անպատեհությունը, 4 ժամ անց հետ կանչվեց Երևան և զրկվեց ռազմական գործողություններին մասնակցելու հնարավորությունից։ Վարչապետի կնոջ «աջակցությունը» հանգեցրեց փորձառու գեներալի հեռացմանը հրամանատարական գործից։
Փորձագետը՝ գաղտնի պայմանավորվածության մասին
Ռազմական փորձագետ Կարեն Վրթանեսյանը հավաստիացնում է, որ Փաշինյանը հրաժարական չի տալիս այն պատճառով, որ դեռ ամբողջությամբ չի կատարել Ալիևին տված խոստումները։ Փորձագետը հայտարարեց, որ վարչապետը ծրագրում է տալ Հայաստանի մաս կազմող տարածքներ, և որ դրա վերաբերյալ գաղտնի պայմանավորվածություն ունի Ալիևի հետ:
Մենք արդեն համակերպվում ենք այն մտքի հետ, որ Ադրբեջանին է հանձնվել Արցախի Հանրապետության տարածքի 70%-ը, իսկ Սոթքում (Վարդենիս, Հայաստան) ադրբեջանցիների հայտնվելուց հետո մեզ այնքան էլ չզարմացրեց նաև այն, որ ոսկու հանքի մի մասը, հավանաբար, կանցնի Ադրբեջանին: Բնակչությանը ներշնչում են, թե հանքի հետագա շահագործումը հնարավոր է, թե իրավիճակը հարվածի տակ չի դնի Արարատի մարզում ոսկու հանքաքարի վերամշակման ֆաբրիկան: Հիշեցնեմ, որ հանքում աշխատում է Վարդենիսի բնակչության 90%-ը, իսկ հանքի հետագա շահագործման վերաբերյալ խոստումները, որի մի մասը, հնարավոր է, կանցնի ադրբեջանցիներին, ջրին են գրած։ Ադրբեջանցիներն արդեն տեր ու տնօրեն են Հայաստանի տարածքում…
Փոխանակ դատելու Փաշինյանին՝ ժողովրդի թիկունքում կապիտուլյացիայի խայտառակ փաստաթուղթ ստորագրելու միջոցով սահմանադրական կարգը տապալելու համար, հասարակության առողջ ուժերը ստիպված են հանդուրժել այդ անոմալիան, որը ժամանակի ընթացքում կարող է վերածվել կյանքի նորմի։ Հապա ի՛նչ էիք կարծում:
Կլինի բռնաճնշումների երկրորդ ալիք
Շուտով մենք կհարմարվենք հասարակական գոյատևման այն պատկերին, երբ ակադեմիկոսները, քաղաքական գործիչները, մշակույթի երևելի գործիչները և պարզապես մտածող մարդիկ տասնական անգամ կպահանջեն Նիկոլի հրաժարականը, իսկ նա կշարունակի անել այն, ինչ անում է՝ հենվելով «պողոսների» բանակի, ուժայինների, Սորոսի հինգերորդ շարասյան, ԼԳԲՏ համայնքի և իր խորհրդարանական մեծամասնության վրա:
Այո, պարոնայք, այսօր մտածող հասարակությունը պատանդ է դարձել կենսազանգվածին, որն ահա արդեն 2,5 տարի շարունակ երկրպագում է Նիկոլին թմբուկների զարկի ներքո և վտանգ ներկայացնում հայկական պետության ապագայի համար։
Նիկոլական ֆեյքերի բանակի կողմից հիմարացված այդ կենսազանգվածը արտառոց ոչինչ չի տեսնում նրանում, որ Ստեփանակերտից դուրս են բերել բոլոր շներին, որոնց վրա կրակում էին ադրբեջանցի դիպուկահարները Շուշիից, բայց մեր տասնյակ զինվորներ դեռևս թաքնվում են անտառներում ու ձորերում, և Հայաստանի տարածք նրանց տեղափոխելու մասին կառավարությունում ոչ ոք չի մտածում։ Ոչ ոք կառավարությունում չի մտածում այն մասին, թե ինչպես ստիպել Ադրբեջանին վերադարձնել հայ ռազմագերիներին, իսկ Երևանում լուրեր են շրջանառվում, որ Ալիևը մտադիր է օգտագործել ռազմագերիներին Բաքվում հաղթանակի շքերթի ժամանակ կամ վաճառել Իսրայելի մասնավոր կլինիկաներին՝ որպես փորձարարական նյութ:
Փաշինյանի հրաժարականի կոչերը հնչում են ամեն օր, սակայն իրավիճակը չի փոխվում։ Թվում է, թե մենք աստիճանաբար վարժվում ենք Նիկոլի հետ կյանքին, միայն թե կյանքն այդ կարճ կլինի, քանզի ոչ ոք չի կարող երաշխավորել, որ արդեն այս գիշեր մեզ չեն արթնացնի այն հաղորդագրությամբ, որ ՀՀ կառավարության ղեկավարը խելահեղության կամ կամազրկության հերթական նոպայի մեջ Ալիևին է հանձնել Սյունիքը կամ Երևանի բանալիները։ Բնավ պատահական չէ, որ ռազմական փորձագետները խոսում են ինչ-որ գաղտնի պայմանավորվածությունների մասին...
Նիկոլը կառչել է կուշտ կյանքին գավառացի տխմարի անհողդողդ համառությամբ, իր ֆոբիաների ու քմահաճույքների պատանդը դարձնելով հայ հասարակությանը։ Եթե ամենամոտ ժամանակներս նա հրաժարական չտա, ապա երկրին սպասվում է բռնաճնշումների նոր ալիք, ընդ որում այդ ալիքն առաջինից ավելի սարսափելի ու անողոք կլինի։ ԱԱԾ-ն արդեն ունի Նիկոլի հրաժարականի ոչ միայն առաջին, այլև երկրորդ և երրորդ էշելոնների ցուցակները։ Դեղին թերթի նախկին խմբագիրը, որն իր հրապարակումներում աղավաղում էր «մտավորական» բառը, պատրաստվում է զտում անցկացնել Եժովի և Բերիայի օրինակով։
Քանի դեռ Նիկոլի քաղաքական ընդդիմախոսներին լոկ մեղադրանքներ են առաջադրվել, քանի դեռ դատական իշխանությունը փորձում է պահպանել դեմքը՝ մերժելով կալանքի միջնորդությունները, դեռ կարելի է ինչ-որ բան փոխել։ Իշխանությունը դա հասկանում է, ուստի ողջ թափով ընթանում է զինված պատժիչ ջոկատների ձևավորումը։ Փաշինյանը հենց այնպես չի զիջի իշխանությունը՝ փափուկ ուժի ճնշման տակ, նա պատրաստվում է քաղաքացիական պատերազմի և զանգվածային բռնաճնշումների։ Նա ուրիշ ոչինչ չգիտի՛ անել։ Վարչապետը անկարող է շտկել իրավիճակը տնտեսության ոլորտում, վաղը նրա կառավարությունը չի կարողանա վճարել թոշակներն ու նպաստները, վաղը չէ մյուս օրը չի կարողանա փոխանցել բժիշկների ու ուսուցիչների աշխատավարձերը, և արտասահմանը նրան չի օգնի։ Մենք բոլորս այսօր պատանդ ենք անոմալ հասարակական-քաղաքական իրավիճակին, որը ձգտում է վատթարացման։ Թե որքան կտևի այն, հայտնի չէ. հայտնի է միայն, որ պետք չէ հուսալ, թե «պողոսների» աչքերը կբացվեն, մանկուրտացումը անշրջելի գործընթաց է։
ПОСЛЕДНИЕ ОТ АВТОРА
-
2025-05-14 09:11"В стране множество проблем – дороги, школы, асфальт, водоснабжение, но в какую бы деревню я не приехал, меня повсюду спрашивают: почему Роберт Кочарян и Серж Саргсян на свободе? Мы не ловим, политическая власть не ловит, но мы должны потребовать, чтобы судебно-правовая система находилась на уровне правового государства!", - объявил Пашинян 7 мая с трибуны пленарного заседания парламента, посвященного ответам членов правительства на вопросы депутатов. Главарь режима (в традиционной манере) провозгласил с самой высокой трибуны страны курс на политические репрессии в отношении тех, кто мешает воспроизводству ГД по итогам парламентских выборов 2026 г.
-
2025-05-13 10:10Руководитель фракции "Айастан" генерал Сейран Оганян ответил на выпад спикера Алена Симоняна в адрес второго президента, дескать, Роберт Кочарян видится ему (Симоняну) в образе "российского шпиона". "Ален Симонян должен понимать, что он сам и вся нынешняя власть являются шпионами азербайджано-турецкого тандема", - заявил Оганян, за что получил от Пашиняна угрозу отправить его (генерала) в подвал СНБ. Впрочем, угроза касалась всех представителей парламентской оппозиции, которые адресовали главарю режима вопросы о коррупции. Пашинян в ответ вышел из себя и закатил истерику в зале пленарных заседаний. Истерика явно требовала медицинского вмешательства, однако скорую помощь никто не вызвал…
-
2025-05-13 09:54"Недопустимо требовать, чтобы оппозиция отказалась от мандатов, ведь ее представители в избиркомах – единственная гарантия недопущения выборных нарушений со стороны власти", - заявила Чрезвычайный и Полномочный Посол Дзюник Агаджанян. Характеризуя инициативу импичмента, она высказала опасение, что эта инициатива может породить необоснованные ожидания в обществе. Спрашивается, а почему эти ожидания изначально выставлять как необоснованные, может, депутаты от оппозиции выйдут, наконец, из зоны комфорта, чтобы поработать над реализацией этой инициативы, например, посредством активизации уличной борьбы?
-
2025-05-12 09:38Заявление Пашиняна о том, что "нам не нужны пограничные посты на заснеженных горных вершинах" из той же серии, что и заявление о том, что он не будет воевать за 30% Черного озера. Про горные вершины вспомнили 13 сентября 2022 г., а заявлению о 30% предшествовало вторжение 12 мая 2021 г. 250 вооруженных азербайджанцев в окрестности Ишханасар и Черного озера в Сюнике.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։