Последние новости

ԿԱՊԻՏՈՒԼՅԱՑԻԱ ԴԱՎՈՍՈՒՄ

Մի շարք փորձագետներ շարունակում են տարակուսել։ Այսպես, «Վալդայ» ակումբի փորձագետ Վասիլի Կաշինն ասում է. «Հայկական կողմից ակնհայտորեն լուրջ վերաբերմունք չի ցուցաբերվել պաշտպանության նախապատրաստմանը, երկարաժամկետ ամրաշինությանը, քողարկմանը, հետախուզությանը... Ընդ որում, հայկական ծրագրման բոլոր այդ թերությունները տեսանելի էին Ադրբեջանի հետ հակամարտության դեռ նախորդ բռնկումների արդյունքներով՝ սկսած 2016 թվականից, բայց ոչ մի եզրահանգում նրանք չարեցին... Կողմերից մեկը շատ լավ պատրաստվել էր, աշխատել այդ ուղղությամբ տասնամյակներ շարունակ, մյուս կողմն ավելի թույլ էր և պատրաստվել էր մի կերպ»։

Ըստ էության, զարմանալի ոչինչ չկա. լավ էին աշխատում Ադրբեջանի հատուկ ծառայությունները՝ շինծու հիմնադրամների միջոցով շռայլորեն հովանավորելով թավշե համակազմին, որի մեծ մասը մինչև հիմա չի հասկանում, որ խաղալիք է եղել ուրիշի ձեռքում: Իսկ ԱԱԾ նախկին տնօրեն Արթուր Վանեցյանը միայն հրաժարականից հետո ասաց, որ Հայաստանում գործում են հիմնադրամներ, որոնց գործունեությունը վնասում է Հայաստանի պետական շահերին։ Մի տեսակ զգուշավոր ասաց պատերազմի սպառնալիքի տակ գտնվող երկրում պացիֆիզմի քարոզչության վտանգավորության մասին։ Մի՞թե միայն պացիֆիզմի, պարոն Վանեցյան:

Շատերը կհիշեն նախորդ տարվա հունվարի 23-ին Դավոսում Փաշինյանի և Ալիևի առաջին բանակցությունների ժամանակ արված լուսանկարը։ Այդ բանակցությունները տևեցին մեկուկես ժամ։ Առանձնապես ոչ մի բանի մասին չեն խոսել, կասի Փաշինյանը, քննարկել են բանակցությունների պատմությունը։ Իսկ ավելի ուշ ընդհանրապես կասի, թե՝ ձեր ի՞նչ գործն է, ինչ որ պետք է, այն էլ բանակցել ենք։ Բայց այդ լուսանկարը կհիշեն շատերը. ծեծված մեղավոր շնիկի տեսքով, վիզը ծուռ նստած է Փաշինյանը, իսկ կողքին գոհ ժպտացող Ալիևն է։ Ինչո՞ւ էր նա այդքան գոհ ժպտում։ Գիտե՞ր, որ կլիենտն արդեն կուլ է տվել խայծը, որ կարթից արդեն չի պոկվի։ Որովհետև այդ հանդիպումն արդեն այն բանից հետո էր, երբ Փաշինյանը էմիսարների միջոցով գաղտնի բանակցություննե՞ր էր վարել տարածքների հանձնման վերաբերյալ, իսկ հետո Դուշանբեում տարկետում խնդրել։

Ալիևը գիտե՞ր, որ ամեն ինչ արդեն վճռված է, և շուտով ինքը հիմքեր կունենա հանդես գալու այսօր հրապարակված հայտարարությամբ. «Մենք թշնամուց մի քանի շրջան ազատագրեցինք մարտի դաշտում ու ստիպեցինք թշնամուն վերադարձնել երեք շրջանները, և այդպիսով լուծեցինք Լեռնային Ղարաբաղի հակամարտությունը։ Այժմ Լեռնային Ղարաբաղի հակամարտություն չկա։ Եթե ոմանք կարծում են, թե այդ հակամարտությունը շարունակվում է, ապա սխալվում են։ Այսօր Լեռնային Ղարաբաղում ապրող մարդիկ Ադրբեջանի քաղաքացիներ են»։

...Այսօր Ալիևը Փաշինյանին անվանում է հարբած խեղկատակ, իսկ վերջինս ի պատասխան լռում է։ Իսկ ի՞նչ անի։ Ստիպված է հանդուրժել, որ Ալիևը չբարկանա. չէ՞ որ նա պատմել է Փաշինյանի էմիսարների հետ գաղտնի բանակցությունների պատմության դեռ լոկ մի մասը, բայց դա բնավ ամենը չէ, ինչ կարող է պատմել Ադրբեջանի նախագահը։

Շատերին արդեն հասկանալի է պատերազմի ժամանակ Փաշինյանի պահվածքը և թե ինչու էր պատերազմի սկսվելու օրը նա ասում՝ «ինչ էլ լինի, մենք մեզ երբեք պարտված չպետք է ճանաչենք»։ Չէ՞ որ մինչ Ալիևը պատրաստվում էր պատերազմի, Փաշինյանը պատրաստվում էր հանձնել տարածքները, քանի որ նրա համար պատերազմն ու պատերազմական կորուստները դրա ամենանպատակահարմար միջոցն էին։ Մի՞թե դա չէ պատճառը, որ չանցկացվեց անհրաժեշտ զորահավաքը, հայկական զինված ուժերի կանոնավոր ստորաբաժանումներն այդպես էլ օգնության չհասան Արցախի Պաշտպանության բանակին, փոխարենը Փաշինյանը խանդավառությամբ կոչ էր անում անօդաչու թռչող սարքերի հարվածների տակ ընկնելու մեկնել ռազմական գործը մոռացած կամավորներին։

Նշենք մի մոռացված, բայց ցուցանշական հանգամանք. Ալիևը սկսեց պատերազմը, երբ Փաշինյանի իշխանությանը սկսեց լրջորեն սպառնալ միավորված ընդդիմությունը։ Հիշենք, որ հոկտեմբերի 8-ին նշանակված էր ընդդիմության միասնական հանրահավաքը, որտեղ ենթադրվում էր տասնյակ հազարավոր մարդկանց ներկայություն։ Բողոքող ընտրազանգվածի համախմբման հարցով զբաղվում էր Գագիկ Ծառուկյանը, որի մասին կատակում էին, թե 10 հազարից պակաս մարդ իր տոնական միջոցառումներին նա չի հրավիրում…

Եվ ահա Փաշինյանը սկսում է Ծառուկյանի քրեական հետապնդումը, նրան կալանավորում են։ Բայց դա բավարար չի թվում, և Ալիևը շտապում է օգնության՝ հասկանալով, որ եթե հանկարծ Փաշինյանը կորցնի իշխանությունը, տարածքների հանձնման մասին կարելի է մոռանալ։ Այդպես սկսվեց պատերազմը, որում կապիտուլյացիայի ստորագրումը Փաշինյանը համապատասխանեցրեց Ադրբեջանի ազգային տոնի օրվան։

... Աղդամը, Քարվաճառն ու Լաչինը առանց մարտի հանձնելու վերաբերյալ հայտնի հայտարարության ստորագրումը Փաշինյանն արդարացնում է նրանով, թե բանակը կարող էր հայտնվել շրջապատման մեջ, Ստեփանակերտը կարող էր ընկնել, և կարող էին հազարավոր զոհեր լինել։ Իսկ ես նայում եմ քարտեզին ու տեսնում, որ Հայաստանը Թուրքիայի ու Ադրբեջանի շրջապատման մեջ է, Նախիջևանից մինչև Երևան մի քայլ է։ Պատերազմի դեպքում կարող են լինել հազարավոր նոր զոհեր, մանավանդ եթե հաշվի առնենք ՀԱԷԿ-ի առկայությունը... Ուրեմն ինչո՞ւ սպասել։ Գուցե Փաշինյանը կառաջարկի միանգամից սպիտակ դրո՞շ բարձրացնել՝ ավելորդ զոհերից խուսափելու համար, և վերջակետ դնել այս պատմությանը։ Շատ ավելի հզոր ժողովուրդներ են վերացել

Основная тема:
Теги:

    ПОСЛЕДНИЕ ОТ АВТОРА

    • МАКУНЦИАДА
      2021-01-25 11:21
      178

      Пашинян выводит из-под удара преданных. Первым ушел пижон, ну тот, кто говорил, что "новая война - новые территории". Ему новой должности не дали, оно и понятно: проигравший войну министр. Потом освободили министра науки, образования, культуры и спорта: "тыковку", как его ласково прозвали студенты. "Тыковка" стала советником премьера.

    • НАШИ ПАВШИЕ - КАК ЧАСОВЫЕ
      2021-01-24 10:13
      762

      Сегодня много критики в адрес оппозиции. Нередко критикуют те, кто в акциях оппозиции принимает наименьшее участие. И когда они сегодня жалуются, что в Армении нет оппозиции, оппозиция бездействует, оппозиция в сговоре с властями, они так просто оправдывают свое неучастие. Дескать, конечно, Никол - ничто, мы прозрели, но и оппозиция… Короче, как сказал бы Владимир Ильич Ульянов-Ленин, «гнилая интеллигенция» во всей своей красе.

    • ОПЯТЬ ВСПЛЫВШИЕ
      2021-01-22 15:27
      1482

      Уходящий Никол и шагающие с ним делают свои последние реверансы в сторону Баку. Для Алиева принципиален один важный момент: не допустить, чтобы вдруг в Армении снова к власти пришел Роберт Кочарян. Тот Кочарян, к которому его отец ездил на поклон, с которым консультировался по поводу передачи власти сыну Ильхаму. Алиев не раз намекал своему опосредованному ставленнику Пашиняну, что возврат Кочаряна для него неприемлем. Не только Пашиняну намекал, Путину тоже.

    • ПАШИНЯН ИДЕТ НА ВЫБОРЫ
      2021-01-21 15:31
      1446

      Многие возмущаются наглыми и циничными заявлениями Никола в ходе правительственного часа в парламенте. Например, про то, что никогда еще Армения не возвращала так много пленных, как при их власти… Как иронизируют в социальных сетях, никогда еще в Армении не было столько выздоровевших от коронавируса, как во время правления Пашиняна: черный армянский юмор.






    ПОСЛЕДНЕЕ ПО ТЕМЕ

    • ԱԼԻԵՎԸ ՓԱՇԻՆՅԱՆԻ ԴԵՄ ԿՈՄՊՐՈՄԱ՞Տ ՈՒՆԻ
      2021-01-13 19:06
      139

      44-օրյա պատերազմի ժամանակ ԱԱԾ տնօրենի պաշտոնակատար Միքայել Համբարձումյանի «5-րդ ալիք»-ին տված հարցազրույցը լրացուցիչ նրբագծեր հաղորդեց Փաշինյանի դեմ մեղադրանքներին: Մեղադրանքներ, որոնք շատերի մոտ ուղղակիորեն կապակցվում են «դավաճանություն» հասկացության հետ։ Ընդ որում՝ արդեն ոչ միայն բառի տարածված, լայն իմաստով, այլ հենց քրեադատավարական ընկալմամբ։

    • ԴԱՏԱՊԱՐՏՎԱԾ «ՕԳՈՒՏ»
      2021-01-13 17:25
      419

      ՀՀ փոխվարչապետ Մհեր Գրիգորյանը կգլխավորի տնտեսական կապերի և Լեռնային Ղարաբաղում ու տարածաշրջանում ենթակառուցվածքային նախագծերի զարգացման հարցերով աշխատանքային խումբը: Այդ մասին Aysor.am-ին հաղորդել է փոխվարչապետի գրասենյակը։ Ռուսաստանի, Հայաստանի և Ադրբեջանի փոխվարչապետների գլխավորած եռակողմ խումբը կզբաղվի Լեռնային Ղարաբաղում տնտեսական, առևտրային և տրանսպորտային կապերի ապաշրջափակման հարցերով, ինչպես նաև սահմանների բացման թեմայով: Այս մասին երեկ հայտնեց ՌԴ նախագահ Վլադիմիր Պուտինը՝ Նիկոլ Փաշինյանի և Իլհամ Ալիևի հետ բանակցությունների արդյունքներով:

    • 2020 ԹՎԱԿԱՆ. ԱՐՏԱԿԱՐԳ ԴՐՈՒԹՅՈՒՆԻՑ ՄԻՆՉԵՎ ՌԱԶՄԱԿԱՆԸ
      2020-12-28 20:57
      95

      Արտակարգ դրություն 2020 թվականը սկսվեց ԱԱԾ նախկին պետ Գեորգի Կուտոյանի մահով. ինքնասպանության պաշտոնական վարկածին մինչ օրս քչերն են հավատում։

    • ՊԱՏԵՐԱԶՄԻՑ 26 ՕՐ ԱՌԱՋ
      2020-12-28 18:30
      181

      Ցանկացած երկրում, որտեղ կա իշխանության և ժողովրդի գոնե նմանություն,այն տեղեկատվությունը, որ շաբաթ օրը հրապարակեց Վատիկանում Հայաստանի նախկին դեսպան Միքայել Մինասյանը, պայթյունային արձագանք կառաջացներ։ Իսկ մեզ մոտ դա (տեղեկատվությունը) առայժմ դարձավ ևս մեկ բացականչական նշան՝ հանցանշանների և ապացույցների այն ահռելի շարանում, որոնք հիմնավորում են իշխանության թիմի կողմից ազգային, պետական շահերի, քաղաքացիների դեմ գործած ծանրագույն հանցագործությունների կասկածները։ Հանցագործություններ, որոնք ունեն, ինչպես պարզվեց, «գլխավոր պատասխանատու», բայց չունեն ոչ մի «մեղավոր»։ Մեղավոր՝ եթե անգամ ոչ դավաճանության, ապա առնվազն հանցավոր անգործության մեջ... Թեպետ այն, թե ինչպես որակել այդ արարքները, առանձին հարց է, որը մտնում է իրավաբանների իրավասության մեջ։ Տվյալ դեպքում ուշադրություն դարձնենք մի շարք փաստերի և իրադարձությունների, որոնք լրացնում են պատկերացումն այն մասին, թե առհասարակ ինչ էր դա։