2020-12-31 09:45
Ашот АРАМЯН
0
ԿԿԱՍԵՑՆԻ՞ ԱՐԴՅՈՔ ՍՊԻՏԱԿ ՑՈՒԼԸ «ՍԵՎ ԿԱՐԱՊՆԵՐԻՆ», ԿԱՄ ԱՍՏՂԱԳՈՒՇԱԿՆԵՐՆ ԸՆԴԴԵՄ ՎԵՐԼՈՒԾԱԲԱՆՆԵՐԻ
Աստղագուշակները համարում են, որ գալիք 2021թվականը՝ Մետաղե Սպիտակ Ցլի տարին կայունություն չի բերի տնտեսության ոլորտում, թեև տարվա հովանավոր Ցուլը բորսայում խաղացողների միջավայրում համարվում է վերելքի խորհրդանիշ, ի տարբերություն «արջի», այսինքն անկումային շուկայի (հիշում եմ, թե ինչպես էի փորձում երիտասարդ հասակում մտապահել այդ խորհրդանիշները. արջը թաթով հարվածում է դեպի վար, իսկ ցուլը՝ կոտոշներով գրոհում դեպի վեր):
Վերլուծաբաններն առարկում են՝ ներկայացնելով չափավոր լավատեսություն. 2020 թվականի համաճարակաբանական, սոցիալ-տնտեսական և ռազմաքաղաքական մասշտաբային ցնցումներից հետո Հայաստանը հաջորդ տարի դուրս կգա աճի փուլ (4-5%-ի մակարդակում), թեև ԱՄՀ-ն իր գնահատականներում շատ ավելի զուսպ է (ընդամենը 1% աճ), բայց արտադրության նախճգնաժամային ծավալին (2019 թվականի չորրորդ եռամսյակ) մեզ կհաջողվի հասնել միայն արդեն 2022 թվականի առաջին կեսին, ինչը կապված է անցնող տարվա պատճառած մեծ կորուստների հետ, որը երկիրն ավարտում է մոտ 10% անկումով։ Ամեն դեպքում, առաջվա պես ապրել չի ստացվի…
Փոքր-ինչ մխիթարում է այն, որ ավելի վատ, քան այդքան գեղեցիկ թվերով այս տարին էր, այլևս չի լինի: Միգուցե։ «Ցլի տարին ավելի բարեհաջող կլինի դրամական առումով, քան անցնող տարին, որը ստիպեց հնարավորինս պինդ ձգել գոտին նույնիսկ նրանց, ովքեր երբեք ֆինանսական դժվարություններ չեն ունեցել»,- ասված է ֆինանսական մի հորոսկոպում: Թեև մեր դեպքում, եթե հիշենք Նիկոլի սպառնալիքները՝ ողջ թափով գործարկելու ապօրինի ճանապարհով ձեռք բերված գույքն առանց մեղադրական եզրակացության բռնագանձելու մեխանիզմը, ապա մի քանի հարյուր «երջանիկ ընտանիքների» համար այս աստղագուշական կանխատեսումը կարող է լինել ոչ արդիական, և ավելին՝ ճակատագրական։ Ցուլը կոտոշներով գրոհում է դեպի վեր, իսկ ներքևում կարող է հայտնվել ցանկացած ոք, ով չի կարողանա ինչպես հարկն է բացատրել քննիչներին, թե որտեղից իրեն ողջ այդ շարժական և անշարժ գույքը. ավելորդ արծաթե գդալը կամ լրացուցիչ... դղյակը:
Եվ էլի մի քիչ՝ ունեցվածքի մասին։ Հաջորդ տարվանից ուժի մեջ կմտնեն գույքահարկի կտրուկ ավելացված դրույքաչափերը։ Մեր կյանքը մեծապես բարելավելու բարի մտադրություններով եկած իշխանությունն այս տարի մի լավ ջանաց, որ վերածի դա՝ այդ կյանքը, համատարած տառապանքի, իսկ մեզ բոլորիս ի լրումն վերադարձնի վաղուց մոռացված թերարժեքության բարդույթը։
«Մենք այլընտրանք չունենք. մեր պահանջներն ու կարիքներն աճում են, և դրանց հետևից պետք է հասնեն մեր հարկային մուտքերը»,- խորհրդարանում 2021թ. պետբյուջեի հաստատման ժամանակ այսպես հիմնավորեց ֆինանսների նախարար Ատոմ Ջանջուղազյանը երկրի հարկային օրենսդրությունում շուտափույթ փոփոխություններ կատարելու անհրաժեշտությունը։ Այսպիսով, բիզնեսին օժանդակելու համար 2020 թվականի հունիսին ընդունված հարկային որոշ մեղմացումները նույնպես շուտով կվերացվեն: Հարկային ճեղքվածքը փակելու անհրաժեշտությունը 2021 թվականին կհանգեցնի նաև գործարարների գործունեության և կյանքի պայմանների վատթարացման։ Գումարած փետրվարից իշխանությունների կողմից արդեն հայտարարված էլեկտրաէներգիայի սակագնի բարձրացումը բիզնեսի համար, ինչը կհանգեցնի կյանքի համատարած թանկացման…
2020 թվականին բոլորը պատեհ թե անպատեհ հիշատակում էին Նասիմ Թալեբին՝ աղմկահարույց «Սև կարապը» տեսական-մտահայեցական գրքի հեղինակին։ Խոհանոցային փիլիսոփայության ժանրի մերօրյա այդ շլյագերի լույս տեսնելուն պես՝ բոլորը ախ քաշեցին, ապշելով հեղինակի խորաթափանցությունից, որը մատնանշում է, որ իրականում մենք չենք կարող կանխատեսել ապագան, քանի որ ակնկալում ենք այն, ինչ կարող ենք ակնկալել, և չենք ակնկալում այն, ինչն ակնկալել չենք կարող։ Իսկ հետո, ասես ի հեճուկս մեզ, միշտ տեղի է ունենում երկրորդը և փլուզում մեր բոլոր ծրագրերը, բայց մենք հետին թվով բացատրություն ենք գտնում դրա համար: «Սև կարապ» բուն բառակապակցությունը տնտեսագետների և քաղաքագետների կողմից այնուհետ սկսեց օգտագործվել դժվար կանխատեսելի, անսպասելի իրադարձությունների բնորոշման համար։
Իսկապես, եթե մակերեսային հայացք նետենք, ապա անցնող տարում Հայաստանի հետ տեղի ունեցած իրադարձությունների ողջ շարանը՝ կորոնավիրուսի և ադրբեջանա-թուրքական դաշինքի դեմ անփառունակ պայքարից մինչև հայրենիքի պատկառելի կտոր կորցնելը, գրեթե կատարյալ կերպով տեղավորվում է «սև կարապների» հայեցակարգում։ Ընդ որում այնպիսի տպավորություն է, թե մեր դեպքում այդ «կարապները» երամ են կազմել ու գրոհում են բազմությամբ, ինչպես նույն այն թուրքական ու իսրայելական «անօդաչուները» արցախյան մարտադաշտում։ Այստեղ սաստիկ ցանկություն է առաջանում ասելու, որ իսկական «սև կարապն» ու բոլոր դժբախտությունների սկզբնապատճառը մեր գլխավերևում սկսեց պտտվել դեռևս 2018 թվականի գարնանային արևոտ օրերին, երբ փողոցներում ու հրապարակներում հրճվում ու եռում էր «թավշե հեղափոխությունը»։ Ահա ուր հասցրեց հրճվանքը…
2021 թվականի վերաբերյալ Saxo Bank-ի «ցնցող կանխագուշակումները», որն ահա արդեն 18 տարի շարունակ մասնագիտանում է քիչ հավանական իրադարձությունների, այսինքն հենց «սև կարապների» վրա, պատմում են մեծ քաղաքների գալիք ամայացման մասին, որի պատճառը մագապոլիսների բնակիչների անցումն է հեռավար աշխատանքի և ֆեյքային լուրերի վերացումը որպես որպես երևույթ՝ բլոքչեյնի տեխնոլոգիայի միջոցով։ Սա լավ նորություն է բոլորի համար, բայց վատ է Փաշինյանի թիմի համար, քանզի «հեղափոխական» իշխանության կողմից հիմնադրված ֆեյքերի ֆաբրիկաները սաստիկ ջանացել են ի փառս նույն այդ իշխանության պահպանման։ Իսկ բացի այդ, բանկը զգուշացնում է համավարակից հետո մեծ պարտքերով ծանրաբեռնված (այդ թվում՝ կառավարության օժանդակության «շնորհիվ») ընկերությունների զանգվածային սնանկացման մասին, ընդ որում առաջինը կփլուզվեն արդյունաբերական ձեռնարկությունները, որոնք դժվարությամբ էին գոյատևում նույնիսկ մինչկորոնավիրուսային տնտեսության պայմաններում։
«Այն մարտահրավերները, որոնց բախվում է մեր երկիրն ու առաջիկայում կբախվի, շատ ավելի լուրջ են, քան մենք երևի թե կարող ենք պատկերացնել։ Հայաստանը գտնվում է «իդեալական փոթորկի» պայմաններում, քանի որ բոլոր ոլորտներում ճգնաժամ է դիտարկվում», - զգուշացնում է «Ամերիա» խորհրդատվական ընկերության ղեկավար, հայտնի տնտեսագետ Տիգրան Ջրբաշյանը։
Հաջորդ տարի մենք բոլորս պետք է հոգեպես պատրաստ լինենք գրեթե բոլոր ապրանքատեսակների հետագա թանկացմանը, ինչպես ասվեց վերը, նաև՝ կոմունալ ծառայությունների։ Սակայն ժամանակից շուտ խուճապի մատնվել խորհուրդ չի տրվում. դա միայն է՛լ ավելի կվատթարացնի վիճակը։ Ավելի լավ է այնուամենայնիվ լցվել համբերությամբ ու պահպանել հավատը սեփական ուժերի նկատմամբ։ Մանավանդ որ բնակչության վակցինացման արդյունքում հնարավորություն կա ազատվելու COVID-19-ից, իսկ դեպի Ռուսաստան սահմանների բացումից հետո Հայաստանի համար գումար վաստակելու կնետվեն մեր արտագնա աշխատողները։ Վախենամ, ճիշտ է, որ ոչ միայն նրանք…
ПОСЛЕДНИЕ ОТ АВТОРА
-
New2024-05-03 11:18Налог с оборота… выведут из оборота Правительство на заседании 2 мая приняло неотложное (с точки зрения прохождения в парламенте) решение о внесении изменений в налоговое законодательство, суть которого в постепенном отказе от альтернативной системы налога с оборота и переходу к единой системе налогообложения. Дело в том, что налоговая нагрузка хозсубъектов, действующих в общей системе налогообложения (НДС и налог на прибыль) и в поле налога с оборота, отличается в 2-3 раза, и хозсубъекты не заинтересованы в расширении своего бизнеса и переходе к общей системе налогообложения…
-
2024-05-02 11:34"Мир! Труд! Май!" - хорошо знакомый старшему поколению девиз первомайских праздников советской эпохи. Сегодня от него бесспорным остатком выглядит только название месяца. Первые две цели-"мишени" могут в лучшем случае выступать предметом дискуссий… До перехода в режим домашнего ареста экс-министр экономики Ваан Керобян успел порадовать общественность тем, что безработица в Армении по итогам прошлого года сократилась с 13% в 2022 году до 11%, а средняя зарплата по стране достигла 260 тысяч драмов. Правда, тут следует заметить, что показатель зарплаты приводится в "грязном", до вычета налогов и выплат, варианте, так что при указанной зарплате на руки работник получает около 190 тысяч.
-
2024-05-02 10:26В правительстве замышляют очередной удар по… пенсионерам В Армении за прошедшие 6 лет правления Пашиняна пенсионеров меньше не стало, хотя им приходится буквально выживать на нищенскую пенсию, которая в последний раз повышалась почти год назад, причем на малозаметные и ничего не решающие пару-тройку тысяч драмов. В отличие от многих других стран, в Армении пенсии даже не индексируются по инфляции за неимением соответствующего закона. Вот и приходится большинству стариков довольствоваться скудной суммой в 40 тысяч драмов в месяц. По сложившемуся на сегодня валютному курсу, это примерно 100 долларов.
-
2024-05-01 09:58И чем же так "хороша" стабилизация с/х вокруг… нуля Просто интересно, сколько еще правительство Пашиняна будет дурить головы согражданам в попытках всеми способами скрыть свою крайнюю некомпетентность в хозяйственных (и не только) делах. В частности, весьма жалкий вид имел на днях в интервью 1-му каналу ОТА замминистра экономики Армении, курирующий сельское хозяйство, Арман Ходжоян, который из кожи вон лез, чтобы опровергнуть очевидное: аграрную сферу страны несмотря на потраченные Министерством экономики десятки миллиардов драмов так и не удалось вытащить из хронически депрессивного состояния…
ПОСЛЕДНЕЕ ПО ТЕМЕ
-
2021-03-31 18:44Հայաստանը 2021 թվականին ակնկալում է զբոսաշրջության աճ միանգամից 319%-ով, ուրբաթ օրը լրագրողներին ասաց ՀՀ էկոնոմիկայի նախարար Վահան Քերոբյանը, հաղորդում է ԱՌԿԱ-ն:
-
2021-02-19 18:14Հայաստանի տնտեսությունը հետճգնաժամային վերականգնման առաջին նշաններն է ցուցադրում։ Այս մասին կառավարության նիստում հայտարարել է վարչապետ Նիկոլ Փաշինյանը, հաղորդում է «Արմենպրես»-ը:
-
2021-02-09 21:14Այն, ինչի մասին հայ սպառողը խոսում է ամեն օր, առավոտից երեկո, օրերս պաշտոնապես հաստատեց նաև Վիճակագրական ծառայությունը. գների աստղաբաշխական աճ է արձանագրվել։ Իհարկե, վիճակագրական ցուցանիշները շատ ավելի համեստ են, քան գնապիտակները խանութներում։ Բայց նույնիսկ դրանք (վիճակագրական տվյալները) վկայում են համատարած և արտառոց թանկացման մասին։
-
2021-01-21 19:37Հայաստանի տնտեսական մրցակցության պաշտպանության պետական հանձնաժողովը ուսումնասիրում է բենզինի, կարագի, շաքարավազի և մի շարք այլ ապրանքների գների փոփոխությունները, խորհրդարանում լրագրողներին ասել է գերատեսչության ղեկավար Գեղամ Գևորգյանը, հաղորդում է ԱՌԿԱ-ն: Նա նշել է, որ դեկտեմբերին փոփոխություններ են արձանագրվել մի քանի ապրանքային շուկաներում, մասնավորապես՝ արևածաղկի ձեթի և կարագի, ալյուրի, բենզինի և այլն: «Նախնական տվյալներով՝ համաշխարհային շուկաներում ունենք գների բարձրացում, բայց դրանք պատշաճ ձևով են մեզ մոտ արտացոլվել, թե՝ ոչ, ցույց կտա փորձաքննությունը»,– ասել է Գևորգյանը: Նա նշել է, որ ուսումնասիրությունները շարունակվում են, և արդյունքները կներկայացվեն արդեն հաջորդ շաբաթ ։