2021-02-02 21:14
Марина МКРТЧЯН
ԱՐՏԱՀԵՐԹ ԸՆՏՐՈՒԹՅՈՒՆՆԵՐՆ Ի ՍԿԶԲԱՆԵ ԶՈՒՐԿ ԵՆ ԼԵԳԻՏԻՄՈՒԹՅՈՒՆԻՑ
Առաջիկայում Հիմնական օրենքի հերթական վերանայումն է
Փաշինյանը ճակատագրական նմանություն ունի կորոնավիրուսի հետ. բոլորը սպասում են, թե նա ուր որ է կհեռանա, բայց առաջին ալիքին հաջորդում է երկրորդը, իսկ հիմա արդեն նաև երրորդն է մոտենում:
«ՀԱՅՐԵՆԻՔԻ ՓՐԿՈՒԹՅԱՆ ՇԱՐԺՄԱՆ» ՁԵՎԱՎՈՐՄԱՆ ԱՐՇԱԼՈՒՅՍԻՆ Փաշինյանը պնդում էր, թե արտահերթ ընտրությունների հանրային պահանջարկ չկա, իսկ հետո հանկարծ որոշեց կազմակերպել դրանք՝ առանց հրաժարական տալու։ Դավաճան վարչապետը հանդես է գալու որպես արտահերթ ընտրությունների կազմակերպիչ՝ Սահմանադրության տառի ու ոգու դեմ հերթական ոտնձգության գնով։ Ըստ Սահմանադրության՝ արտահերթ ընտրություններ կարող են տեղի ունենալ միայն վարչապետի հրաժարականի պայմաններում և միայն այն դեպքում, եթե խորհրդարանը երկու անգամ չկարողանա այդ պաշտոնում նշանակել մեկ ուրիշին։ Փաշինյանը որոշել է հերթական անգամ խաղալ սեփական կանոններով. առաջիկայում Հիմնական օրենքի հերթական վերանայումն է, «Իմ քայլը» խմբակցությունը նախատեսում է համապատասխան փոփոխություններ կատարել և թողնել Փաշինյանին վարչապետի աթոռին՝ խորհրդարանի ինքնալուծարման դեպքում:
Փոփոխությունները հորինում է հակասահմանադրական բոլոր օրենքների հեղինակ Վահագն Հովակիմյանը։ Ընտրությունները, որոնք տեղի կունենան այդ փոփոխությունների հիման վրա, ի սկզբանե զուրկ են լեգիտիմությունից։ Փաշինյանը որոշել է արտահերթ ընտրությունների նախապատրաստման փուլում պահպանել վարչապետի պաշտոնը՝ Հիմնական օրենքի հանդեպ կոպիտ ոտնձգության գնով։ Այդ իսկ պատճառով նրա հայտարարած արտահերթ ընտրություններն ի սկզբանե խոցելի են լեգիտիմության տեսանկյունից։ Փաշինյանը հրաժարական չի տվել, իսկ դա նշանակում է, որ խորհրդարանի լուծարում (ինքնալուծարում) չի կարող տեղի ունենալ օրինական հիմունքներով։ Դավաճան վարչապետը վախենում է մի պահ անգամ ձեռքից բաց թողնել իշխանությունը, ուստի կդիմի ցանկացած կեղծիքի, որպեսզի ինքնավերարտադրվի որպես վարչապետ։
Այդ կեղծիքները կիրականացվեն եվրոպացի դիտորդների, ԱՄՆ դեսպանատան և այլ ուժերի հավանությամբ, որոնք շահագրգռված են Փաշինյանի թուրքամետ քաղաքականության շարունակման հարցում՝ ուղղված Հարավային Կովկասից Ռուսաստանի դուրսմղմանը։ Եվրոպան և ԱՄՆ-ը աչք կփակեն ընտրությունների նախապատրաստման և անցկացման ընթացքում օրինականության ցանկացած խախտման վրա, նրանք կլռեն, ինչպես լռեցին 2018 թվականի հոկտեմբերի 2-ին խորհրդարանի գրոհի և այնուհետ Փաշինյանի հրամանով ու իր անմիջական մասնակցությամբ դատարանների շրջափակման ժամանակ: Արմատական ընդդիմությունն արդեն հայտարարել է, որ արտահերթ ընտրություններին մասնակցությունը գնահատում է որպես գործարք դավաճան վարչապետի հետ։
Նիկոլի կանոններով խաղալ համաձայնել են գաճաճ կուսակցությունները։ Դրանց առաջնորդները կա՛մ պայմանավորվել են դավաճան վարչապետի հետ մանդատների քանակի վերաբերյալ, կա՛մ որոշել մասնակցել ընտրություններին մասնակցած լինելու համար, կա՛մ էլ չեն գիտակցում ակնհայտ իրողությունները. ապագա խորհրդարանի ցանկն արդեն գրված է։ Ինչպե՞ս կարելի է գնալ ընտրությունների, երբ արդարության երաշխիքներ է տալիս դավաճանը, նույն այն անձնավորությունը, որը գծում է պետության արտաքին սահմանները ՝ հենվելով վարչատարածքային բաժանման մասին օրենքի վրա։ Այս մարդն ընդունակ է ցանկացած կեղծիքի…
Դավաճանն արդեն բաշխել է մեծամասնության և ընդդիմության մանդատները
Առանձնակի անփորձ մարդիկ կհասկանան, թե ինչի մասին էին իրենց զգուշացնում, երբ կհայտնվեն ընտրատեղամասերում՝ ոստիկաններով հոծ շրջապատված։ Ինչպե՞ս կարելի է պահանջել դավաճան վարչապետի հրաժարականը, իսկ հետո մասնակցել արտահերթ ընտրությունների՝ հենվելով դավաճանի տված արդարության ու թափանցիկության երաշխիքների վրա։ Այդ ընտրությունների մասին արդեն այսօր կարելի է ամենայն վստահությամբ հայտարարել, որ դրանց արդյունքները կեղծվելու են և համապատասխանեցվելու նոր խորհրդարանի սխեմային, որտեղ դավաճանն արդեն բաշխել է մեծամասնության և ընդդիմության մանդատները։
Մի՞թե ոմանք կարծում են, թե հրաժարական չտալու համար Սահմանադրությունը փոխել որոշած վարչապետը կհամաձայնի հեռանալ արտահերթ ընտրությունների արդյունքներով: Նա ընտրությունների է գնում ոչ թե պարտվելու, այլ վարչապետի աթոռին մնալու համար։ Եթե առաջիկա 1-2 ամսում նա կասկածներ ունենա, որ կարող է հաղթանակի հասնել ընտրակեղծիքների գնով, ապա անմիջապես կչեղարկի ընտրությունները, ինչպես որ չեղարկեց 2020-ի ապրիլի 5-ի հանրաքվեն: Նիկոլը գնաց այդ քայլին, երբ նրան բացատրեցին, որ ինքը չի կարող 650 հազար ձայն ստանալ հօգուտ «Այո»-ի: Կորոնավիրուսի հետ կապված իրավիճակը լոկ պատրվակ էր հանրաքվեն չեղարկելու համար։
Ո՞վ կհամաձայնի խաղալ դավաճան վարչապետի կանոններով և առաջադրվել Դանիել Իոննիսյանի Ընտրական օրենսգրքով, որը բանակի 29-րդ տարեդարձի կապակցությամբ հայտարարեց, թե հայ գեներալներն իրենց ուսադիրները ստացել են կաշառքի դիմաց։ Չի կարելի թուրք-սորոսական գործակալների հետ խաղալ իրենց խաղերը, չի կարելի հանդես գալ հոծախմբի դերում, որին օգտագործում են կանխահայտ անօրինական ընտրություններին լեգիտիմություն հաղորդելու համար: Այլ բան է, երբ խաղի մեջ ես մտնում անվերապահ հաղթանակ տանելու մտադրությամբ, այսինքն՝ նվաճելու ոչ թե մի քանի մանդատ, այլ քաղաքական մեծամասնություն։ Հենց այդպես պետք է հասկանալ երկրորդ նախագահ Ռոբերտ Քոչարյանի հայտարարությունը։
Փաշինյանը, իհարկե, խելագար է, բայց ոչ այդ աստիճան…
Այս խաղում անհնար է հաղթել, եթե խաղաս Նիկոլի կանոններով: Եթե Փաշինյանը հրաժարական չի տալիս, երբ այդ պահանջը հնչում է ամեն անկյունում, երբ դա են պահանջում Կաթողիկոսներն ու հանրապետության նախագահը, ապա մի՞թե նա կհեռանա ընտրությունների միջոցով։
ՍԱԿԱՅՆ ԴԱՎԱՃԱՆԻՆ ԿԱՐՈՂ ԵՍ ՊԱՐՏԱԴՐԵԼ ՔՈ ՍԵՓԱԿԱՆ ԿԱՆՈՆՆԵՐԸ։ Երկրորդ նախագահի հայտնի հայտարարությունից հետո շատերն այն կարծիքին են, որ բանը չի հասնի արտահերթ ընտրությունների։ Փաշինյանը, իհարկե, խելագար է, բայց ոչ այն աստիճան, որ մրցակցի Քոչարյանի հետ։
Իշխանական ճամբարից արդեն տեղեկություն է արտահոսել, որ արտահերթ ընտրություններին (եթե դրանք այնուամենայնիվ տեղի ունենան) նախորդելու են զանգվածային ձերբակալություններ և տոտալ բռնաճնշումներ։ Ընդդիմության բոլոր առաջնորդներն ու ակտիվիստները կհայտնվեն ճաղերի հետևում, հասարակությունը կահաբեկվի, իսկ ընտրական հանձնաժողովներն ամբողջությամբ հնազանդեցված կլինեն թուրք-սորոսական 5-րդ շարասյան կողմից։ Երբ Վազգեն Մանուկյանը չբացառեց ապստամբության հնարավորությունը և բացատրեց, որ դրա տակ հասկանում է պետական շենքերի գրավումը, փոխխոսնակ Ալեն Սիմոնյանը մեկնաբանեց այդ խոսքերը ցինիկ սառնասրտությամբ։ Նա ասաց. «Թող փորձե՛ն»։ Արտահերթ ընտրություններին հնարավոր մասնակցության և հաղթանակի մասին Քոչարյանի հայտարարությունից հետո իշխանության ճամբարից ծպտուն անգամ չլսվեց։ Թուրք-սորոսական գործակալական ցանցը շվարել է…
Ոչ ոք չգիտի՝ տեղի կունենա՞ն արդյոք արտահերթ ընտրություններ խորը ճգնաժամի պայմաններում։ Ոչ ոք չգիտի՝ հրաժարական կտա՞ արդյոք Փաշինյանը զանգվածների ճնշման տակ։ Ոչ ոք չգիտի՝ կհաջողվի՞ արդյոք Հայաստանին խուսափել նոր պատերազմից, որը կանխատեսում են արդեն այս գարնանը։ Ոչ ոք չգիտի՝ կհասնի՞ արդյոք Հայաստան համավարակի երրորդ ալիքը։ Բայց բոլորը հաստատ գիտեն, որ եթե Քոչարյանը որոշի մասնակցել արտահերթ ընտրություններին, ապա կհաղթի, իսկ թուրք-սորոսական իշխանությունը՝ դավաճան վարչապետի գլխավորությամբ, մեկընդմիշտ կտապալվի։ Տվյալ նյութի հրապարակումից բառացիորեն հաշված ժամեր առաջ տեղեկատվություն արտասորեց այն մասին, որ Հովակիմյանին ներքին կարգով առաջարկել են հետաձգել Սահմանադրության փոփոխությունների նախագծի մշակումը…
ПОСЛЕДНИЕ ОТ АВТОРА
-
2025-05-02 10:08В апрельские дни 2022 г. сидячая демонстрация бывшего руководителя СНБ лидера партии "Айреник" Артура Ванецяна послужила триггером для мощного оппозиционного движения. Оно ознаменовалось шествием с участием второго президента Роберта Кочаряна и первых лиц РПА. Партия Сержа Саргсяна в 2022 г. начала свои акции с 25 апреля, а Эдуард Шармазанов опроверг слухи о том, что первый, второй и третий президенты, якобы, планируют совместное заявление об уходе из активной политики, дабы уступить место молодым. Определенные круги с тех пор никак не дождутся подобного заявления, пытаясь свалить на трех президентов вину за собственную политическую несостоятельность…
-
2025-04-30 10:45В ночь с 30 апреля на 1 мая 2018 г. Пашинян выступил на FB с сообщением о ночном совещании у Сержа Саргсяна, который, напомню, подал в отставку 23 апреля. Главарь уличных беспорядков сообщил своим сторонникам, что республиканцы приняли решение провалить голосование по его кандидатуре. Он призвал соратников собраться утром на площади Республики. Сегодня многие забыли о деталях тех дней, а потому сошлюсь на слова экс-амайнкапета общины "Центр" лидера некогда возрожденной партии АОД Арарата Зурабяна: "Если бы Гагик Царукян не встал рядом с движением, то Серж Саргсян не подал бы в отставку, и не стоит говорить о предательстве!".
-
2025-04-30 09:1617 апреля с трибуны парламента Пашинян провозгласил "начало социально-психологической революции". В переводе с языка популистских лозунгов на язык простых смертных заявление ознаменовало старт подготовки к общегосударственным выборам. Апрельские тезисы "социально-психологической революции" подразумевают отказ от внешнеполитического приоритета в виде международного признания и осуждения Геноцида армян в Западной Армении 1915 г., отказ от Карабахского движения и от ссылки в преамбуле новой Конституции на Декларацию о независимости Армении. Речь идет об отказе от исторической памяти в пользу "реальной Армении" без Арцаха в условиях оккупации 240 кв. км территории 3-х марзов. Население в лице "3 млн премьер-министров" вот уже 7 лет является свидетелем политических репрессий, которые стали нормой жизни в "бастионе демократии".
-
2025-04-29 09:46В 2024 г. глава оборонной комиссии парламента Андраник Кочарян как минимум дважды в эфире Общественного телеканала рассказал на всю страну о работах по оснащению и укреплению переднего края и пограничных инфраструктур РА "по последнему слову инженерной науки". В 2025 г. стало очевидным, что работы по укреплению переднего края ведутся с противоположной стороны границы, их проводит азербайджанская армия, оснащая боевые позиции, прокладывая коммуникации для поставки вооружений и боеприпасов. С 22 марта не прекращаются обстрелы приграничных районов на фоне заявлений о том, что Севан должен стать приграничной территорией, Сюник, Тавуш и Вайоц дзор должны принадлежать азербайджанцам, а Ереван и вовсе "древний азербайджанский город".
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։