2021-03-02 21:26
Марина МКРТЧЯН
0
ՎԱՐՉԱՊԵՏԸ ԵՎ ԱՆՎՏԱՆԳՈՒԹՅԱՆ ԽՈՐՀՈՒՐԴԸ ՇԱՆՏԱԺԻ ԵՆ ԵԹԱՐԿԵԼ ՆԱԽԱԳԱՀԻՆ
ԱԽ-ն խախտել է Սահմանադրությունը
ՀՀ Սահմանադրության 14-րդ հոդվածը (1-ին կետը) ամրագրում է. «Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը»: Իսկ ի՞նչ պետք է անի ԶՈՒ ղեկավարությունը, երբ տեսնում է, որ կառավարության ղեկավարը վտանգ է ներկայացնում անվտանգության, տարածքային ամբողջականության և սահմանների անձեռնմխելիության համար, որ նա չի կարող կամ չի ուզում ապահովել այդ սահմանների պաշտպանությունը։
Ահա եվ ձեզ այն հարցի պատասխանը, թե ինչու Գլխավոր շտաբի պետ Օնիկ Գասպարյանը և շուրջ 40 գեներալներ հանդես եկան վարչապետի հրաժարականի պահանջով։ Նրանց հայտարարությունը չի կարելի գնահատել որպես միջամտություն քաղաքական գործընթացներին, Գլխավոր շտաբի պետ Օնիկ Գասպարյանն ու 40 գեներալները մնացել են Զինված ուժերի սահմանադրաբար նախորոշված լիազորությունների շրջանակներում։ Նման կարծիք է հայտնում սահմանադրական իրավունքի մասնագետ Վարդան Պողոսյանը։
Ի տարբերություն Գլխավոր շտաբի, սահմանված լիազորությունների շրջանակներից դուրս է եկել Անվտանգության խորհուրդը (քարտուղար Արմեն Գրիգորյան)։ Մարտի 1-ին կայացած նիստում ԱԽ-ն կոչ արեց նախագահին ստորագրել վարչապետ Օնիկ Գասպարյանի հրաժարականի մասին հրամանագիրը: Պողոսյանը կարծիք է հայտնում, որ Անվտանգության խորհուրդը լիազորված չէ դիմել նախագահին հակասահմանադրական բնույթի կոչերով: Ավելի ուշ ԱԽ-ն մտափոխվեց և փոխարինեց «կոչ» բառը «առաջարկ»-ով։
Ըստ իրավաբանի, եթե նախագահը ստորագրեր Գլխավոր շտաբի պետի հրաժարականի մասին վարչապետի հրամանագիրը, ապա այդպիսով կկատարեր հակասահմանադրական գործողություն։ Իսկ Անվտանգության խորհրդի առաջարկը (նախագահին ուղղված կոչը), Պողոսյանի կարծիքով, սահմանադրական նորմերի խախտում է և կարող է որակվել որպես շանտաժ և պետության առաջին դեմքի վրա գործադրվող ճնշում։
Վարչապետը չի՛ կարող պաշտոնանկ անել Գլխավոր շտաբի պետին
Իրավաբանն ուշադրություն է հրավիրում այն հանգամանքի վրա, որ վարչապետն օժտված չէ Գլխավոր շտաբի պետին պաշտոնանկ անելու իրավունքով։
Ի տարբերություն պաշտպանության նախարարի, Գլխավոր շտաբի պետը քաղաքական պաշտոն չէ, ուստի, ըստ Սահմանադրության, վարչապետը կարող է միայն առաջարկել նախագահին այդ պաշտոնում նշանակել կոնկրետ անձի, սակայն Գլխավոր շտաբի պետին նախքան նրա լիազորությունների ժամկետի ավարտը պաշտոնանկ անելու իրավունք վարչապետը չունի: Որպես հաստատում Պողոսյանը վկայակոչում Է Սահմանադրության 155-րդ հոդվածը (3-րդ կետ), որտեղ ասվում է. «Զինված ուժերի զինվորական ամենաբարձր պաշտոնատար անձը գլխավոր շտաբի պետն է, որին վարչապետի առաջարկությամբ նշանակում է Հանրապետության նախագահը՝ օրենքով սահմանված ժամկետով»:
Ուշադրություն դարձրեք, հարգելի ընթերցողներ, լոկ նշանակո՛ւմ է։ Այն մասին, թե ով և ինչպես կարող է պաշտոնանկ անել Գլխավոր շտաբի պետին, խոսք անգամ չկա։ Սա պատահական հանգամանք չէ, Սահմանադրության այս կետը կոչված է պաշտպանելու ԶՈՒ բարձրագույն զինվորական պաշտոնյային քաղաքական կամայականությունից։
Գլխավոր շտաբի պետի պաշտոնավարման ժամկետը սահմանված է «Պաշտպանության մասին» օրենքով և կազմում է 5 տարի: Վարչապետը լիազորություն չունի պաշտոնանկ անելու նրան քաղաքական դրդապատճառներով։ Նախագահ Արմեն Սարգսյանին Փաշինյանի հղած առաջարկը հակասում է Սահմանադրությանը. Գասպարյանի հարկադիր հրաժարականի համար սահմանադրական նորմեր գոյություն չունեն։ ԱԽ-ն դուրս է եկել լիազորությունների շրջանակներից, նախագահը Սահմանադրությամբ նախանշված ժամկետում կարող է դիմել Սահմանադրական դատարան։ Այդ դիմումին, հիշեցնեմ, նախորդել է Գասպարյանի հրաժարականի մասին առաջարկի վերադարձը Փաշինյանին։ Նախագահը հետ ուղարկեց փաստաթուղթը՝ առարկություններով, սակայն Փաշինյանն անմիջապես վերահղեց դա նախագահին, ինչով մեկ անգամ ևս խախտեց սահմանադրական իրավունքի նորմը։
Իրավաբանը կասկածի տակ է առնում ՍԴ որոշումը
Իսկ բացի այդ, դավաճան վարչապետը հայտարարեց, թե Գասպարյանի հրաժարականի առաջարկը ստորագրելուց նախագահի հրաժարումը վերջինիս դարձնում է ռազմական հեղաշրջման փորձի մասնակից։ Հիշեցնեմ, որ Գասպարյանի և մոտ 40 գեներալների կողմից ստորագրված հայտարարությունը իբրև ռազմական հեղաշրջման փորձ են որակել միայն Նիկոլը և Թուրքիայի նախագահն ու արտգործնախարարը։
Պողոսյանը մեծ է համարում հավանականությունը, որ նախագահ Սարգսյանը կդիմի ՍԴ, սակայն կասկածի տակ է առնում ՍԴ որոշումը, որտեղ Փաշինյանի երկարատև ու հետևողական ջանքերի արդյունքում գերիշխում են նրա համախոհները: Իրավաբանն ընդգծում է, որ ՍԴ-ն կարող է կայացնել միայն մեկ իրավազոր որոշում, սակայն չի բացառում, որ կառավարության ճնշման տակ որոշումը կարող է կայացվել ի շահ Փաշինյանի: Հիշեցնեմ, որ Գասպարյանից առաջ Նիկոլը հարկադրել է Գլխավոր շտաբի պետի պաշտոնից հրաժարական տալ գեներալներ Մովսես Հակոբյանին և Արտակ Դավթյանին։
Նախօրեին Փաշինյանն այցելեց նախագահ Սարգսյանին, որը վատ ինքնազգացողության պատրվակով անտեսել էր Անվտանգության խորհրդի նիստը: Միանգամից հայտնի դարձավ, որ դավաճան վարչապետը փորձել է ճնշում գործադրել նախագահի վրա՝ ստիպելով նրան ստորագրել Գասպարյանի հրաժարականի մասին առաջարկը։ Ավելի վաղ, հիշեցնեմ, Արմեն Սարգսյանն այցելել էր Գլխավոր շտաբ, որտեղ Գասպարյանը հանգամանորեն ներկայացրել էր նրան այն մարտական գործողությունների նկարագրությունը, որոնք տապալվել են գերագույն գլխավոր հրամանատարի մեղքով։ Նախագահին ներկայացվել են հարյուրավոր փաստաթղթեր, Սարգսյանը Գլխավոր շտաբից դուրս է եկել ծայրահեղ ապշահար վիճակում…
Երեկ հակասահմանադրական բոլոր օրենքների հեղինակ, «Իմ քայլը» խմբակցության պատգամավոր Վահագն Հովակիմյանն առաջարկեց սկսել նախագահի պաշտոնանկության գործընթաց։ Հովակիմյանը մոռացել է, որ խմբակցությունում կա արդեն ոչ թե 88, այլ 83 պատգամավորական միավոր, ուստի խորհրդարանը իմպիչմենտի գործընթաց սկսել չի կարող։ Մեկ անգամ ևս կրկնեմ, որ նախագահն ունի երկու ելք. կա՛մ ստորագրել Գասպարյանի հրաժարականի մասին փաստաթուղթը, կա՛մ ուղարկել դա ՍԴ։
ПОСЛЕДНИЕ ОТ АВТОРА
-
2024-04-27 11:24История всегда повторяется в виде фарса: когда под Пашиняном закачался стул после подписания 3-стороннего заявления 9 ноября 2020 г., то он выступил с проектом экономического развития, на реализацию которого попросил у народа 6 месяцев. Потом о проекте все забыли. На днях, поняв, что под ним опять зашатался стул, Пашинян объявил, что он и ГД "положили на стол реальную карту Армении на ближайшие десятилетия", дескать, сегодня решается не вопрос отдельных деревень, а вопрос будущих десятилетий. Этот фарс никак не повлиял на уличную борьбу, которая набирает обороты…
-
2024-04-27 10:42Среди "избранных" монологов Пашиняна до последнего времени лидировало обращение к народу в FB о том, что он (Никол) владеет навыками верховного главнокомандующего, и пусть никто не сомневается в этом. Обращение было озвучено сразу после начала 44-дневной войны. На 2-м месте был монолог о том, что "пришло время мести со стороны народа", озвученный сразу после подписания 3-стороннего заявления 9 ноября 2020 г. Пашинян заговорил о мести, как только пришло известие о жестоком избиении в то время спикера парламента Арарата Мирзояна.
-
2024-04-26 10:17После того, как весной 2018 г. массы поддержали антиконституционный захват власти под вывеской "революции любви и согласия", Пашинян и его команда стали общаться с народом на языке дешевых манипуляций. Самый свежий образчик - насаждение тезиса, дескать, благодаря стараниям Пашиняна, в Тавуше азербайджанцам будут сданы не 4, а 2,5 деревни. Расчет сделан на то, что жители приграничного марза придут в неописуемый восторг, возрадуются и прославят Никола! Верхушка режима делает ставку на массовую деградацию…
-
2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։