2021-03-24 22:09
Марина МКРТЧЯН
0
ՀԱՅԱՍՏԱՆՈՒՄ ԻՇԽԱՆՈՒԹՅՈՒՆԸ ԵՐԲԵՔ ՉԻ ՓՈԽՎԵԼ ԸՆՏՐՈՒԹՅՈՒՆՆԵՐԻ ՄԻՋՈՑՈՎ, ՆՈՒՅՆԻՍԿ 1990-Ի ՄԱՅԻՍԻ 20-ԻՆ
Ընտրություններից հետո՝ դատեր ու բանտեր…
«Ազգային անվտանգություն» կուսակցության առաջնորդ Գառնիկ Իսագուլյանը «ԳԱ»-ի թղթակցի հետ զրույցում հայտարարեց, որ չի ծրագրում մասնակցել արտահերթ ընտրություններին, նման քաղաքական օրակարգ, նրա խոսքերով, գոյություն չունի: ՀՅԴ Գերագույն մարմնի անդամ Արծվիկ Մինասյանը հաստատեց, որ Հայրենիքի փրկության շարժման օրակարգը փոփոխության ենթակա չէ և չի նախատեսում մասնակցություն արտահերթ ընտրություններին:
Մինասյանն այդուհանդերձ փաստեց, որ բնակչության ավելի քան 60%-ը դեմ չէ ընտրություններին, սակայն, ըստ նրա, այդ մարդիկ կոնկրետ քաղաքական նախասիրություններ չունեն: «Արտահերթ ընտրությունները միայն կխորացնեն քաղաքական ճգնաժամը Հայաստանում», - ընդգծեց նա:
Մինասյանը հատուկ ուշադրություն հրավիրեց այն հանգամանքի վրա, որ վերախմբագրած Ընտրական օրենսգրքում իշխանությունը նախատեսում է ներառել այն դրույթը, որ արտահերթ ընտրություններ չեն անցկացվում ռազմական և արտակարգ դրության պայմաններում: «Ինչո՞ւ են ԸՕ-ում ներառում այն, ինչն առանց այդ էլ ամրագրված է Սահմանադրությամբ»,- հարց հնչեցրեց Գերագույն մարմնի անդամը, որից հետո կարծիք հայտնեց, որ դա արվում է բնավ ոչ պատահականորեն, այլ ընտրությունների հնարավոր չեղարկման նկատառումով։ «Փաշինյանը ձգտում է խայտառակ պարտության ողջ մեղքը բարդել ժողովրդի վրա։ Նրանք, ովքեր պատրաստ են իրենց ձայնը տալ նրան, իր հետ կիսելու են պատասխանատվությունը պարտության, տարածքների կորստի և մարդկային զոհերի համար»,- ընդգծեց Մինասյանը։
Բոլորից կտրուկ արտահայտվեց Հայաստանի Հելսինկյան կոմիտեի նախագահ Ավետիք Իշխանյանը։ Նրա խոսքերով՝ հողերի հանձնման մասին նոյեմբերի 9-ի հայտարարությունը խայտառակություն էր, իսկ է՛լ ավելի մեծ խայտառակություն դարձավ այն, որ պարտության մեղավորները 4 ամիս անց դեռ իշխանության ղեկին են և, վերջապես, ամենից անդառնալի խայտառակությունը կլինի ընդդիմության պարտությունը հունիսի 20-ի ընտրություններում: Իշխանության ղեկին Փաշինյանի վերարտադրումը, Իշխանյանի գնահատմամբ, հավասարազոր է պետականության գաղափարից հրաժարման ոչ միայն մտովի, այլև դե-ֆակտո։ Արտահերթ ընտրություններից հետո, ըստ իրավապաշտպանի կանխատեսումների, ընդդիմության գործիչներից շատերին սպասում են դատեր ու բանտեր:
Իրական ընդդիմությունը չի հաղթահարի անցողիկ շեմը
Ըստ Իշխանյանի կանխատեսումների, ընդդիմադիր ուժերից ոչ մեկը հնարավորություն չունի հաղթելու արտահերթ ընտրություններում։
Ավելին, նա համոզված է, որ իրական ընդդիմությունը չի հաղթահարի նույնիսկ անցողիկ շեմը, իսկ հաջորդ գումարման խորհրդարանում, նրա խոսքերով, կհայտնվեն միայն գրպանային ընդդիմության ներկայացուցիչները՝ ի դեմս Գուրգեն Արսենյանի Միավորված աշխատանքային կուսակցության և Արման Բաբաջանյանի («Հանուն հանրապետության») ու Արամ Զավենիչի («Հանրապետություն») կուսակցությունների դաշինքի։ Իշխանյանի վարկածով, Ընտրական օրենսգիրքն առաջիկա ընտրություններում ոչ մի դեր չի խաղալու, ոստիկանությունը պատշաճ կերպով չի արձագանքելու խախտումներին, քանի որ գտնվում է վարչապետի անմիջական ենթակայության տակ, իսկ ընտրությունների արդյունքները Սահմանադրական դատարանում բողոքարկելն անիմաստ է, քանզի դրա կազմում, ինչպես հայտնի է, գերիշխում են Փաշինյանի ներկայացուցիչները:
«Փաշինյանն ինձ հիշեցնում է թերթի խմբագրին՝ Մուսոլինի ազգանունով, որը 30-ականներին իշխանության եկավ Իտալիայում։ Նա հայտարարեց, որ իր ընկերներին ու մտերիմներին թույլատրված է ամեն ինչ, իսկ օրենքները գոյություն ունեն միայն իր թշնամիների համար»,- հայտարարեց Իշխանյանը: Իրավապաշտպանը հիշեցրեց, որ Հայաստանում իշխանությունը երբեք չի փոխվել ընտրությունների միջոցով։ Նույնիսկ 1990-ի մայիսի 20-ի ընտրություններում, երբ պայքարն ընթանում էր կոմունիստների և ՀՀՇ-ի անդամների միջև, առավելությունն ըստ արդյունքների կոմունիստների կողմում էր։ Ուժերի վերաձևումը տեղի ունեցավ խորհրդարանի ներսում, արդյունքում 4-րդ փորձից հետո Գերագույն խորհրդի նախագահ ընտրվեց Տեր-Պետրոսյանը։
Առաջիկա ընտրությունները, Իշխանյանի կանխատեսմամբ, բացառություն չեն լինի. ընդդիմությանը չի հաջողվի վերցնել իշխանությունը։ Իրավապաշտպանը մատնանշեց, որ Հայաստանում, ինչպեսև այլ երկրներում, կա չքաղաքականացված մի որոշակի զանգված, որը բոլոր ժամանակներում ու ցանկացած պարագայում քվեարկում է իշխանության օգտին: «Պարզապես այլ երկրներում այդ ընտրազանգվածը չԷր քվեարկի խայտառակ պարտություն կրած իշխանության օգտին, իսկ մեզ մոտ կքվեարկի»,- ասաց Իշխանյանը:
Հանցագործության դասական օրինակ
«Նա կդիմի ամեն քայլի՝ ձայների ավելի քան 50% հավաքելու համար, իսկ ոստիկանությունը պարզապես չի նկատի խախտումները»,- ընդգծեց իրավապաշտպանը, անդրադառնալով արտահերթ խորհրդարանական մրցավազքի վերաբերյալ Փաշինյանի ծրագրերին։
Ցուցանշական է, որ «Հայրենիք» կուսակցության խորհրդի անդամ Արսեն Բաբայանն օրերս հայտարարեց, որ չի վստահում Փաշինյանի նշանակած արտահերթ ընտրությունների ամսաթվին, և «Հայրենիք» կուսակցության օրակարգը համընկնում է Հայրենիքի փրկության շարժման օրակարգի հետ։ Հիշեցնեմ, որ Արթուր Վանեցյանի կուսակցությունը ընտրություններին մասնակցելու մտադրության մասին հայտարարել է անմիջապես այն բանից հետո, երբ Փաշինյանը հնչեցրեց ամսաթիվը. հունիսի 20։
Սահմանադրական դատարանի աշխատակազմի նախկին ղեկավար Էդգար Ղազարյանն օրերս հայտարարեց, որ եթե ռազմական դրությունը ենթակա է չեղարկման՝ արտահերթ ընտրություններ անցկացնելու համար, ապա դրանից անմիջական հետևություն է բխում, որ ռազմական գործողությունների ավարտից հետո, որոնք, ի դեպ, ընթացել են բնավ ոչ Հայաստանի տարածքում, ռազմական դրությունը պահպանվել է ոչ թե օբյեկտիվ, այլ սուբյեկտիվ պատճառներով։ Ռազմական դրության երկարաձգումն ուղղակիորեն կապված է իշխանության շահերի հետ։
Ղազարյանի կարծիքով, ակներև է հանցագործության դասական օրինակը։ ՍԴ աշխատակազմի նախկին ղեկավարը կարծիք հայտնեց նաև, որ վարչապետի կողմից արտահերթ ընտրությունների անցկացման օրվա հայտարարումը ռազմական դրության պայմաններում, երբ ընտրություններն արգելված են, «հանցագործություն է պետության դեմ» և «իշխանության զավթման կազմակերպված գործընթաց»:
ПОСЛЕДНИЕ ОТ АВТОРА
-
2024-04-27 11:24История всегда повторяется в виде фарса: когда под Пашиняном закачался стул после подписания 3-стороннего заявления 9 ноября 2020 г., то он выступил с проектом экономического развития, на реализацию которого попросил у народа 6 месяцев. Потом о проекте все забыли. На днях, поняв, что под ним опять зашатался стул, Пашинян объявил, что он и ГД "положили на стол реальную карту Армении на ближайшие десятилетия", дескать, сегодня решается не вопрос отдельных деревень, а вопрос будущих десятилетий. Этот фарс никак не повлиял на уличную борьбу, которая набирает обороты…
-
2024-04-27 10:42Среди "избранных" монологов Пашиняна до последнего времени лидировало обращение к народу в FB о том, что он (Никол) владеет навыками верховного главнокомандующего, и пусть никто не сомневается в этом. Обращение было озвучено сразу после начала 44-дневной войны. На 2-м месте был монолог о том, что "пришло время мести со стороны народа", озвученный сразу после подписания 3-стороннего заявления 9 ноября 2020 г. Пашинян заговорил о мести, как только пришло известие о жестоком избиении в то время спикера парламента Арарата Мирзояна.
-
2024-04-26 10:17После того, как весной 2018 г. массы поддержали антиконституционный захват власти под вывеской "революции любви и согласия", Пашинян и его команда стали общаться с народом на языке дешевых манипуляций. Самый свежий образчик - насаждение тезиса, дескать, благодаря стараниям Пашиняна, в Тавуше азербайджанцам будут сданы не 4, а 2,5 деревни. Расчет сделан на то, что жители приграничного марза придут в неописуемый восторг, возрадуются и прославят Никола! Верхушка режима делает ставку на массовую деградацию…
-
2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։