2021-10-06 08:54
Марина МКРТЧЯН
ԿԱՊԱՆԸ ՍՅՈՒՆԻՔԻ ՎԵՐՋԻՆ ԲԱՍՏԻՈՆՆ Է
Ավագանու հրաժարականի պատճառը «քաղաքական ճգնաժամն» էր
Գորիսի քաղաքապետ Առուշ Առուշանյանի, Մեղրիի նախկին քաղաքապետ Մխիթար Զաքարյանի, Սիսիանի նախկին քաղաքապետ Արթուր Սարգսյանի սկանդալային կալանավորումների, ինչպես նաև Քաջարանի քաղաքապետ Մանվել Փարամազյանին, Քարահունջ և Որոտան տարածքային միավորների ղեկավարներին ներկայացված մեղադրանքների խորապատկերին Կապանի մասին միառժամանակ մոռացան:
Մոռացան ոչ թե անփութության հետեվանքով, այլ ելնելով այն հանգամանքից, որ Գևորգ Փարսյանի լիազորությունների ժամկետը լրանում է ոչ ընթացիկ տարում։ Ուստի շատերը համարեցին, որ ներկայիս ՏԻՄ ընտրությունները չեն վերաբերելու Կապանին։ Գործնականում պարզվեց, որ դա ամենևին էլ այդպես չէ։ Իշխանությունը, գործելով պարտիզանական մեթոդներով, յուրաժամանակ «ապահովեց» Կապան համայնքի խորհրդի 8 անդամների հրաժարականը։ Այդ հրաժարականները (օրինական հիմքով) հանգեցրին այս տարի արտահերթ ընտրություններ անցկացնելու անհրաժեշտության։ Աղմկահարույց կալանավորումներից հետո Կապանը ընդդիմության վերջին բաստիոնն է…
Ի տարբերություն Սյունիքի մյուս ղեկավարների, Փարսյանին չկարողացան մեղադրանք ներկայացնել ծառայողական դիրքը չարաշահելու և ընտրողների վրա ճնշում գործադրելու մեջ։ Կապանում հունիսի 20-ի արտահերթ ընտրություններում հաղթել է «Քաղաքացիական պայմանագիր» կուսակցությունը, սակայն իշխանությունը չհամակերպվեց որպես համայնքի ղեկավար Փարսյանի պաշտոնավարման հետ։ Նրան հիշեցրին համակիրներին ուղղված կոչը՝ ոչ մի դեպքում չքվեարկելու Նիկոլ Փաշինյանի կուսակցության օգտին, և սկսվե՜ց։
Սկզբում ավագանու անդամներին հրահրեցին սաբոտաժի, այնուհետ սկսվեց չհայտարարված քարոզչությունը։ Իշխող կուսակցությունը դե ֆակտո ընտրությունների գործուղեց «Քաղաքացիական պայմանագիր» խմբակցության պատգամավոր, Կապանի բնակիչ Դավիթ Դանիելյանին։ Այդ մասին հայտնի դարձավ, երբ պատգամավորի այցելությունները հայրենի քաղաք սկսեցին սքողված քարոզչության ուրվագծեր ստանալ։
Երբ այդ տեղեկությունները արտահոսեցին մամուլ, Դանիելյանը դեռ որոշ ժամանակ շարունակում էր ձևացնել, թե պարզապես այցելում է հարազատներին։ Կապանում տիրող իրական վիճակի և ավագանու անդամների հրաժարականի պատճառների վերաբերյալ հայտարարությամբ հանդես եկավ «Հայաստան» խմբակցության պատգամավոր Աննա Գրիգորյանը: Ի պատասխան՝ Դանիելյանը հայտարարեց, թե հրաժարականների պատճառը «քաղաքական ճգնաժամն» է, որը պայմանավորված է նրանով, որ Փարսյանը, իբր, չի վայելում համայնքի բնակիչների հարգանքը: Պատգամավորի խոսքերով՝ հարգանքի բացակայությունը դրսևորվել է նրանով, որ կապանցիները չեն հետևել Փարսյանի նախընտրական կոչին և քվեարկել են Փաշինյանի կուսակցության օգտին:
Այս բացատրությունը «սրա՛ն էլ հասանք» շարքից է։ Ստացվում է, որ ավագանու անդամները լքել են քաղաքապետին այն բանի համար, որ նա չի չարաշահել վարչական ռեսուրսը և ճնշում չի գործադրել համայնքի բնակիչների վրա՝ ստիպելով նրանց չքվեարկել Փաշինյանի կուսակցության օգտին։ Այ, եթե Փարսյանը վարվեր այնպես, ինչպես վարվում էին մարզպետներն ու նրանց աշխատակազմի անդամները՝ քշելով մարդկանց Փաշինյանի նախընտրական հանրահավաքներին, ապա Կապանի ավագանին հարգանքի արժանի կհամարեր քաղաքապետին ...
Մարզպետ Մելիքսեթին վստահում են, իսկ Փարսյանին՝ ո՞չ
Հունիսի 20-ի ընտրություններից հետո Սյունիքի մարզպետ Մելիքսեթ Պողոսյանը խզել է աշխատանքային հարաբերությունները Կապանի վարչակազմի հետ:
Այլ կերպ ասած՝ մարզպետը սաբոտաժի է ենթարկում պետական սուբսիդիաների հատկացումը համայնքին։ Դանիելյանը մեկնաբանեց դա հետևյալ կերպ. «Երբ մի քանի տարի առաջ կապանցիներն ընտրեցին Փարսյանին, նրանք չէին կռահում, որ մի քանի տարի անց այդ մարդը հանդես է գալու Ռոբերտ Քոչարյանի օգտին և նրան հայտարարելու է շատ լավ ու պրոֆեսիոնալ քաղաքական գործիչ»: Դանիելյանն, ըստ էության, բացահայտեց իշխանության իրական շարժառիթները։ Համայնքի ղեկավարի պաշտոնից Փարսյանին որոշել են վաղաժամ պաշտոնանկ անել քաղաքական պատճառներով։ Ռեժիմը որոշել է ծախսել պետական փողերը լոկ այն պատճառով, որ Կապանի քաղաքապետը երկրորդ նախագահին համարում է լավ ղեկավար։
Այլ կերպ ասած, պատգամավոր Դանիելյանը խոստովանում է, որ իշխանությունը որոշել է Կապանում արտահերթ ընտրություններ անցկացնել զուտ այն պատճառով, որ քաղաքապետի քաղաքական համակրանքը չի համընկնում իշխող ռեժիմի քաղաքական համակրանքի հետ։ Երբ Դանիելյանին հարց տվեցին ավագանու անդամների հրաժարականի գործում իր անձնական ավանդի մասին, նա չժխտեց, որ անձամբ հանդիպել է նրանց հետ և հաստատեց, որ ավագանին հրաժարականի որոշում է կայացրել՝ ելնելով նրանից, որ քաղաքում «քաղաքական ճգնաժամ» է։
Այսինքն եթե քաղաքապետն ընդդիմադիր հայացքներ ունի, ապա դա ճգնաժա՞մ է։ Իսկ ինչպե՞ս էին հանրապետականների կառավարման տարիներին տեղական իշխանության ղեկավարներ դառնում կոմունիստները, դաշնակցականները, ԲՀԿ-ականները և ընդդիմադիր այլ կուսակցությունների անդամներ, որոնք առաջադրում էին իրենց թեկնածուներին ընդդեմ իշխող ուժի թեկնածուների և հաղթանակ տանում նրանց նկատմամբ։ Եթե Փարսյանը չի չարաշահել վարչական ռեսուրսը, եթե ճնշում չի գործադրել ընտրողների վրա, ապա ինչո՞վ է պայմանավորված քաղաքական ճգնաժամը։ Քաղաքապետի քաղաքական համոզմունքներո՞վ։ Դրա համար հիմա պաշտոնա՛նկ են անում՝ ավագանու անդամների արհեստականորեն սարքած հրաժարականների և արտահերթ ընտրությունների միջոցով։
Փարսյանը բանակցություններ է վարում
Դանիելյանն ասում է, թե համայնքի բնակիչները չեն վստահում Փարսյանին։ Մարզպետ Մելիքսեթին, որը մայիսի 12-ին միտումնավոր ստեց Սև լճի տարածք ներթափանցած զավթիչների թվաքանակի մասին, կապանցիներն ուրեմն վստահում են, իսկ Փարսյանին՝ ո՞չ։ Մարզպետ Մելիքսեթին, որի որդին փախուստի մեջ է՝ մի խումբ անձանց դեմ հրազենով մահափորձի մեղադրանքով, կապանցիները վստահում են, իսկ Փարսյանին՝ ո՞չ։ Մի տեսակ «տարօրինակ» կապանցիներ են…
Երբ լրագրողները Դանիելյանին մեղադրեցին սքողված քարոզչություն իրականացնելու մեջ, պատգամավորը պատասխանեց, թե անում է ամեն ինչ՝ Կապանում ճգնաժամը վերացնելու համար: Օրերս Փարսյանը հաստատեց, որ Դանիելյանը հանդիպում է քաղաքի բնակիչների հետ, ծանոթանում նրանց խնդիրներին և նույնիսկ ինչ-որ խոստումներ տալիս. մի խոսքով՝ փորձում է վերացնել «քաղաքական ճգնաժամը»։ Եթե Դանիելյանը դառնա իշխանության դե յուրե թեկնածուն, այսինքն գլխավորի Կապանում «Քաղաքացիական պայմանագիր» կուսակցության նախընտրական ցուցակը, ապա ակնհայտ կդառնա, որ այսօր նա ոչ պաշտոնական քարոզչություն է իրականացնում, ինչպես իր կուսակցական բոսսը ԱԺ արտահերթ ընտրությունների ժամանակ։ Դատելով ամենից՝ այդպես էլ կլինի։ Ակնհայտ է խախտումը, բայց հետո՞ ինչ։
Հիշո՞ւմ եք ԿԸՀ նախագահ Տիգրան Մուկուչյանի «հանճարեղ» պատասխանը ընդդիմության այն բողոքներին, որ Փաշինյանը սկսել է քարոզչությունը օրենքով սահմանված ժամկետներից շատ առաջ։ Մուկուչյանը պատասխանեց, որ ԿԸՀ-ն ընտրական օրենսդրության խախտումներն արձանագրում է միայն պաշտոնական քարոզչության փուլում: Այ այդպե՛ս։
Իրեն հասցեագրված բոլոր կշտամբանքներին Դանիելյանը պատասխանում է, թե հայրենի քաղաք է այցելում որպես ԱԺ պատգամավոր, նույն կարգավիճակով է նաև հանդիպում ու զրուցում բնակիչների հետ, խորանում նրանց խնդիրների մեջ: Մի խոսքով, ամեն ինչ օրինական է, եթե հաշվի չառնենք, որ այդ այցերը ոչ միայն թաքնված քարոզչության, այլև կանխարգելիչ բնույթ են կրում։ Փարսյանին բացահայտ հասկացնել են տալիս, որ նա կարող է արժանանալ Սյունիքի շնորհազրկված ղեկավարների ճակատագրին, ուստի չարժե, որ առաջադրի իր թեկնածությունը։
Եթե Փարսյանը հրաժարվի ընտրություններին մասնակցելուց, ապա նրան կարելի է հասկանալ. Սյունիքի տեղական մակարդակի գրեթե բոլոր ղեկավարներն անցել են բանտի և նվաստացուցիչ հարցաքննությունների միջով։ Չխնայեցին նույնիսկ Քարահունջ վարչական միավորի կին ղեկավարին՝ Լուսինե Ավետյանին։ Ազատազրկման միջոցով նրան ստիպեցին կեղծ ցուցմունքներ տալ Գորիսի քաղաքապետ Առուշ Առուշանյանի և նրա տեղակալ Մենուա Հովսեփյանի դեմ։
Առաջիկա ծրագրերի մասին բոլոր հարցերին Փարսյանն առայժմ պատասխանում է, որ բանակցություններ է վարում։ Նա չի բացառում, որ ընտրություններում կգլխավորի ընդդիմադիր կուսակցություններից մեկի ցուցակը, բայց թե հատկապես որի՝ առայժմ չի նշում…
ПОСЛЕДНИЕ ОТ АВТОРА
-
2025-07-04 09:197 мая министр юстиции Србуи Галян объявила, что текст новой Конституции будет готов в течение 10 месяцев. 2 месяца уже позади, а 5 июля исполнится 30 лет со дня первого референдума по принятию Конституции. 30 лет назад в этот день состоялись референдум и парламентские выборы. Оппозиция призывала голосовать против проекта Конституции, утверждая, что он сшит по Левону Тер-Петросяну. В тот день даже в страшном сне не привиделось бы, что в 2025 г. проект нового Основного закона будет создаваться под диктовку Баку и Анкары, а из преамбулы будет изъята ссылка на Декларацию о независимости Армении! Тогда никто не мог предположить, что через 30 лет проект новой Конституции будут шить по Ильхаму Алиеву!
-
2025-07-04 09:115 июля Пашинян подведет итоги объявленной 28 июня 5-дневки (с 1 по 5 июля) без ругани, "в рамках общественного консенсуса и дискуссии". Он наложил вето на свой привычный лексикон, однако даже в этом случае приглашение к общественному диалогу в его устах выглядит до смешного нелепо. Репертуар Пашиняна – битье об стены, укладывание лицом на асфальт, вытаскивание за галстуки с руководящих кресел, удары молотком по головам политических противников. Из свежих примеров – озвученная с трибуны парламента угроза бросить в тюрьму руководителя и секретаря фракции "Айастан" Сейрана Оганяна и Арцвика Минасяна. Теперь поговаривают о том, что генпрокурор Анна Вардапетян придет в парламент и за депутатом Артуром Саркисяном…
-
2025-07-03 09:32"Ты увидишь вмешательство, проходимец!", "Навсегда заставлю замолчать!". Эти записи Пашинян сделал в ответ на следующее заявление крупного российского предпринимателя Самвела Карапетяна: "Маленькая группа, забыв армянскую историю, тысячелетнюю историю армянской церкви, набросилась на церковь и на народ. Я всегда был рядом с армянской церковью и армянским народом. Если политическим деятелям не удастся, то мы своим способом вмешаемся в поход властей против церкви". За эти слова Карапетян, по личному указу Пашиняна, помещен под 2-месячный арест. А теперь обратимся к фактам, которые помогут проследить динамику политических репрессий в виде наступления режима на свободу слова за истекшие годы.
-
2025-06-30 09:17Нынешний этап политических репрессий, включая аресты, "Голос" предсказал еще на исходе зимы с указанием главных мишеней главаря правящей верхушки. Поводом для арестов стал "план государственного переворота". При детальном ознакомлении на языке подлинника не покидает ощущение, что текст написан впопыхах на коленке, и это сочинение на уровне начальных классов средней школы Пашинян пытается выдать за сенсационное "разоблачение" и "предотвращение" попытки повторить теракт 27 октября 1999 г.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։