ԱՐԴՇԻՆԲԱՆԿՆ ԱՐԺԱՆԱՑԵԼ Է ՀԱՅԱՍՏԱՆԻ «ԼԱՎԱԳՈՒՅՆ ԿՈՐՊՈՐԱՏԻՎ» ԵՎ «ԼԱՎԱԳՈՒՅՆ ESG-ԲԱՆԿ» ԱՆՎԱՆԱԿԱՐԳԵՐԻՆ EUROMONEY ԱՄՍԱԳՐԻ ԿՈՂՄԻՑ
Euromoney բրիտանական ֆինանսական ամսագիրը Արդշինբանկին շնորհել է ևս 2 անվանակարգ. «Best corporate bank» (Լավագույն կորպորատիվ բանկ) և «Best Bank for ESG» (Լավագույնը սոցիալական, էկոլոգիական պատասխանատվության և կորպորատիվ կառավարման մեջ): Ավելի վաղ 2023թ.-ի արդյունքներով Euromoney ամսագիրը երրորդ անգամ Արդշինբանկը ճանաչել է լավագույն բանկը Հայաստանում: «Euromoney Awards for Excellence» մրցույթն անց է կացվում ամեն տարի, և դրա արդյունքներով միջազգային հեղինակավոր փորձագետներն ընտրում են տարբեր անվանակարգերում լավագույններին աշխարհի 100 երկրներից:
Ինչպես նշեց Արդշինբանկի Վարչության նախագահ Արտակ Անանյանը, այս մրցանակները հաստատում են վստահության այն բարձր մակարդակը, որ ցուցաբերում են Արդշինբանկի հանդեպ իր հաճախորդներն ու միջազգային գործընկերները:
«Կորպորատիվ բիզնեսի սպասարկման հարցում մեր գլխավոր խնդիրը չի փոխվել. մշտապես զարգացնել այն ծառայությունները, որոնք օգնում են հաճախորդներին բարձրացնել ֆինանսական գործառույթների արդյունավետությունը և նվազեցնել վերջիններիս հետ կապված ռիսկերը: Աճող մրցակցության պայմաններում սա գլոբալ խնդիր է, այդ պատճառով մենք կշարունակենք ներդրումներ կատարել թվայնացման ոլորտում, լավացնել սպասարկման որակը, ներքին գործընթացների կառավարման արդյունավետությունը, և, իհարկե, մնալ հաճախորդամետ բանկ: Ինչ վերաբերում է լավագույն սոցիալական, էկոլոգիական պատասխանատվության և կորպորատիվ կառավարման մրցանակին, ապա այն շատ կարևոր ցուցիչ է առ այն, որ մենք շարժվում ենք ճիշտ ուղղությամբ՝ հավատարիմ մնալով կայուն զարգացման քաղաքականությանը:
Դա մեր աշխատանքի բարձր գնահատականն է կանաչ բանկինգի վերափոխման և զարգացման ուղղությամբ, ինչպես նաև ESG-սկզբունքների ներդրման շնորհիվ էներգետիկ բալանսն ավելի ժամանակակից դարձնելու, դեպի ավելի ինովացիոն և արդյունավետ տնտեսություն անցում կատարելու ուղղությամբ: Բանկը հանրապետությունում առաջիններից մեկն էր, որ սկսեց ֆինանսավորել արհեստական բանականությամբ օժտված արևային էլեկտրակայանների կառուցումը: Այլընտրանքային էներգետիկայի ոլորտում մենք արդեն 40 մլն ԱՄՆ դոլարի ներդրում ենք կատարել, որի շնորհիվ կառուցվել է 14 էլեկտրակայան: Մասնավորապես, Արագածոտնի մարզում գտնվող ամենամեծ արևային էլեկտրակայանը, որն ինչպես սպասվում է կապահովի մարզը 200 մեգավատ/ժամ էներգիայով։
2023թ.-ին մենք նույնպես սկսեցինք անցում կատարել արևի էներգիայի օգտագործմանը՝ մասնաճյուղերի տանիքներին տեղակայելով արևային պանելներ: Նախագիծը գլոբալ է, եթե հաշվի առնենք մեր մասնաճյուղերի քանակը՝ 64: Դա թույլ կտա մեզ արդեն 2025թ.-ին նվազեցնել ածխաթթու գազի արտանետումը միջավայր 38.2 տոննայով: Ինչ վերաբերում է սոցիալական պատասխանատվությանը, ապա Արդշինբանկը վաղուց և հաջողությամբ ֆինանսավորում է մշակույթի և կրթության ոլորտների զարգացումը, ակտիվորեն աջակցում Զինվորի տուն վերականգնողական կենտրոնին, մասնակցում բազմաթիվ բարեգործական նախագծերի, այդ թվում՝ միջազգային: Եվս մեկ կարևորագույն խնդիր ենք համարում լավագույն գործատուն դառնալը: Իսկ դա նշանակում է աշխատավարձի, աշխատանքային պայմանների, աշխատակիցների պրոֆեսիոնալ ուսուցման արժանի մակարդակի ապահովում, նոր աշխատատեղերի ստեղծում, ինֆրակառուցվածքի զարգացում՝ հատկապես շրջաններում:
Այնպես որ, ապագայում մենք կշարունակենք զարգացնել ESG ծրագրերը, մեծացնել ներդրումները վերականգնվող էներգիայի աղբյուրների ստեղծման, թափոնների վերամշակման մեջ, ինչպես նաև զարգացնել սոցիալական ծրագրերը թե՛ հաճախորդների, թե՛ աշխատակիցների համար»:
Բանկը վերահսկվում է ՀՀ Կենտրոնական բանկի կողմից:
ПОСЛЕДНИЕ ОТ АВТОРА
-
2025-07-10 18:29
«Турция официально вошла на территорию Армении. Она никогда не уйдет и постепенно «переварит» Армению, – пишет на своей странице в Фейсбук доктор политологии Артур Хачикян.
-
2025-07-10 17:56
Уважаемый Kлиент В Правилах платежных карт внесены изменения, с которыми можете ознакомиться по следующей ссылке․
-
2025-07-10 10:02
Сегодня Ереванский государственный университет превращается в контролируемую площадку, где идеи и принципиальность подавляются в пользу подконтрольности и приспособленчества, написал на своей странице в Фейсбук председатель студенческой организации РПА Армен Арутюнян. Публикацию полностью приводим ниже.
-
2025-07-10 09:16
Пашиняну позволено все, потому что он сегодня фактически является реализатором большого геополитического плана по экспорту Южного Кавказа на Запад, сказал 168.am политолог Грант Мелик-Шахназарян, подчеркнув, что народ должен начать уличную борьбу, чтобы остановить действия властей, а от оппозиции потребовать, чтобы она выполнила свою часть работы. Публикацию полностью приводим ниже.
ПОСЛЕДНЕЕ ПО ТЕМЕ
-
2025-07-10 17:57
Հարգելի Հաճախորդ Վճարային քարտերի կանոններում կատարվել են փոփոխություններ, որոնց կարող եք ծանոթանալ հետևյալ հղումով:
-
2025-07-03 14:58
Հունիսի 16-ին Արդշինբանկն ամփոփեց Mastercard Business քարտապանների համար կազմակերպված խաղարկությունը։ Բանկի Youtube-յան պաշտոնական ալիքում կազմակերպվեց և անցկացվեց նվերների օնլայն խաղարկություն։ Պատահականության սկզբունքով ընտրված հաջողակները շահեցին 3 հատ Apple MacBook Air 13 M4, իսկ գլխավոր մրցանակն էր 5-օրյա ուղևորություն դեպի Արաբական Միացյալ Էմիրություններ՝ երկու անձի համար։
-
2025-07-02 16:16
Արդշինբանկը շարունակում է զարգացնել իր տեխնոլոգիական առաջարկները, ներդնում է նորարարական լուծումներ և կատարելագործում իր թվային միջավայրը։ Յուրաքանչյուր նոր ծառայություն կամ լուծում բանկում նախագծում են առաջին հերթին կարևորելով անվտանգությունը, քանի որ հաճախորդների տվյալների պաշտպանությունը բոլոր մակարդակներում և նրանց վստահությունն առաջին տեղում են։
-
2025-06-18 15:50
Հունիսի 17-ին տեղի ունեցավ Արդշինբանկի նոր՝ «Սեբաստիա» մասնաճյուղի բացման հանդիսավոր արարողությունը։