2024-11-28 08:49
Ашот АРАМЯН
ՈՒՐԱՑՈՂՆԵՐԻ ՄՇԱԿՈՒԹԱՅԻՆ ԳԵՐԱԿԱՅՈՒԹՅՈՒՆՆԵՐԸ
«Ցեղասպանություն 2.0» («Էթնիկ զտումներն Արցախում») ֆիլմն առաջադրվել է «Էմմի» մրցանակի
Փաշինյանի կառավարությունը, ըստ երևույթին, անասելի հպարտ է, որ պետբյուջեի և միջազգային դոնորների միջոցների հաշվին 75 մլրդ դրամի աջակցություն է ցուցաբերել Արցախից բռնի տեղահանվածներին: Ճիշտ է, եկող տարվա գարնանից աստիճանաբար կկասեցվի հենց Հայաստանի իշխանությունների ապաշնորհ գործողությունների պատճառով հողից, տներից ու ունեցվածքից զրկված մարդկանց նյութական աջակցության ծրագիրը։ Այս «ավետիսը» Փաշինյանի «շատ լավ է» խրախուսանքի ներքո, կառավարության վերջին նիստում ազդարարեց աշխատանքի և սոցիալական հարցերի նախարար Նարեկ Մկրտչյանը։ Այնպիսի տպավորություն է, որ ուրացողները նպատակադրվել են իսպառ մոռացության գիրկն ուղարկել Արցախը և նրա մասին հիշողությունն անգամ ջնջել մեր ամենքիս մտքից…
ՄԻՆՉԴԵՌ ՀԱՅ ՎԱՎԵՐԱԳՐՈՂ ԿԻՆՈԳՈՐԾԻՉՆԵՐԸ ՇԱՐՈՒՆԱԿՈՒՄ ԵՆ ՋԱՆՔԵՐ ԳՈՐԾԱԴՐԵԼ, որպեսզի, այսպես ասած, թույլ չտան, որ թեման մարի և մոռացության մատնվի. մասնավորապես՝ նկարահանում են ֆիլմեր, որոնք միջազգային հանրության դատին են ներկայացնում հրատապ և հոգեցունց պատմություններն այն մասին, թե ինչպես արմատախիլ արեցին աշխարհի հնագույն քրիստոնեական համայնքը։
Բոլորովին վերջերս «ԳԱ»-ն գրել էր Հայաստանի վավերագրողների հանրության հնչեցրած քննադատության մասին՝ առ այն, որ Ազգային կինոակադեմիան որոշել է «Օսկարի» չառաջադրել հեռախոսով Շողակաթ Վարդանյանի նկարահանած «1489» (Արցախյան 44-օրյա պատերազմում անհետ կորածի մարմնի համարը) դեբյուտային ֆիլմը, այդպիսով զրկելով Հայաստանին իր պատմության մեջ առաջին «Օսկարը» ստանալու հնարավորությունից։
Իհարկե, հիանալի է, որ ամերիկահայ պրոդյուսեր և լրագրող Անուշ Էլբակյանը (հայ դերասան և ռեժիսոր Արթուր Էլբակյանի դուստրը) մեկը մյուսի հետևից շահում է ամերիկյան հեռուստատեսային արդյունաբերության հեղինակավոր Emmy Awards մրցանակներ: Վերջին անգամ դա տեղի ունեցավ 2020 թվականին, երբ նա միանգամից երկու մրցանակ ստացավ վավերագրական տեսանյութի համար... ԱՄՆ-ի Մասաչուսեթս նահանգի մերձփնյա Քեյփ Քոդում կլիմայի փոփոխության մասին:
Այս խորապատկերին մեր հերթական սպասումները կապված են դեկտեմբերի 7-ի հետ, երբ Ֆլորիդայում տեղի կունենա 2024 թվականի Suncoast Emmy մրցանակաբաշխությունը։ ԱՄՆ-ի Հեռուստատեսային արվեստների և գիտությունների ազգային ակադեմիան «Կրոն, կարճամետրաժ կոնտենտ» անվանակարգում մրցանակի է առաջադրել «Էմմի» մրցանակի բազմակի դափնեկիր, ռեժիսոր Բարեդ Մարոնյանի նկարահանած «Ցեղասպանություն 2.0» վավերագրական ֆիլմի հակիրճ, 7-րոպեանոց տարբերակը:
«Ցեղասպանություն 2.0» («Էթնիկ զտումներն Արցախում») վավերագրական ֆիլմը պատմում է Արցախում հայկական ժառանգության ոչնչացման ուղղությամբ Ադրբեջանի շարունակվող արշավի մասին: 2024 թվականին՝ 1700 տարվա մեջ առաջին անգամ, այնտեղ չեն տոնել Զատիկը. սա իրենց նախնիների հողից ավելի քան 120 հազար հայերի բռնի տեղահանման վառ խորհրդանիշն է։ «Հալածանքի դեմքերը» շարքի մեջ մտնող այս ֆիլմի նպատակը միջազգային հանրության ուշադրությունը հրավիրելն է և արդարության հաղթանակի ու մեղավորների պատժման հասնելը:
Սա փաստագրական վկայություն է, թե ինչպես են արցախցիները հազարամյակներ շարունակ կերտել ինքնավար ժողովրդավարական հանրապետություն, որը 2023 թվականի սեպտեմբերին էթնիկ զտման և բռնի տեղահանման ենթարկվեց նավթիշխան Ադրբեջանի ռեժիմի կողմից։ Ֆիլմը, որը բացահայտում է պատմական խորապատկերը պատմաբանների, հումանիտար հարցերով փորձագետների հետ հարցազրույցների և պատերազմի սարսափները վերապրած մարդկանց համոզիչ վկայությունների միջոցով, ցույց է տալիս, թե ինչպես 120 հազար բնիկ հայ քրիստոնյաներ վերապրեցին երեք չհրահրված պատերազմներ, հազարավոր զոհեր, գույքի և կրոնական-մշակութային ժառանգության օբյեկտների ոչնչացում Ադրբեջանի կողմից՝ սովի մատնած 10-ամսյա պաշարման խորապատկերին, ի վերջո Հայաստանի ուխտադրուժ քաղաքականության պատճառով վերածվելով փախստականների:
«Հալածանքի դեմքերը» շարքը ձեռնարկվել է արցախյան ճգնաժամը ողջ աշխարհում Մարդու իրավունքների ոլորտի համանման խնդիրների հետ կապակցելու համար, ինչպիսիք են եզդիների ցեղասպանությունը, բռնությունը Կադունում (Նիգերիա): Այս զուգահեռների միջոցով նախագիծը նպատակ ունի ոգեշնչել միասնական գլոբալ պատասխանի: Շարքի առաջին ֆիլմը՝ «10 տարի անց», պատմում է ԻԼԻՊ-ի տիրապետության տակ եզդիների ողբերգական ճակատագրի մասին և ընդգծում Հայաստանի դերը՝ որպես կրոնական ներդաշնակության վայր, որտեղ գտնվում է եզդիների աշխարհի ամենամեծ տաճարը: Այդ տեսանկյունն ընդգծում է փոքրամասնությունների իրավունքների պահպանման և միջկրոնական փոխըմբռնման Հայաստանի հանձնառությունը: Ի դեպ, «10 տարի անց» ֆիլմը աշխարհում տարածելու է JAVA Films ընկերությունը՝ այնպիսի խոշոր հեռուստաալիքների միջոցով, ինչպիսիք են DW-ն (Deutsche Welle) և իսպանական RTVE-ն, և այն դիտելու են միլիոնավոր հեռուստադիտողներ ողջ աշխարհում:
Ներկայումս «Ցեղասպանություն 2.0»-ի պրոդյուսերները պատրաստ են ավարտին հասցնել աշխատանքը ֆիլմի լիամետրաժ տարբերակի վրա, նպատակ ունենալով հասցնել դա համաշխարհային լսարանին, նվիրատվություններ հավաքելով կինոարտադրության այդ վճռորոշ փուլում: Վերն ասված ամենի լույսի ներքո՝ այս կարևոր գործում Հայաստանի իշխանությունների հովանավորչությունն ակնկալելն անիմաստ է։ Հիշեցնենք, որ Փաշինյանի կառավարությունը մեկ տարի և երեք ամիս առաջ հեշտությամբ բաժանվեց հարկատուների միջոցների 2,318 մլրդ դրամից (մոտ 6 մլն դոլար)՝ ամերիկացի ռեփեր Սնուփ Դոգի մասնակցությամբ շոուի համար, որը պետք է կայանար 2023 թվականի սեպտեմբերի 23-ին։ Այդ պատկառելի գումարը, ըստ ՀՀ ֆինանսների նախարարության գանձապետարանի հաղորդագրության, ամբողջությամբ վճարվել էր դեռևս նախորդ տարվա օգոստոսի 25-ին, սակայն Դոգը մեր երկրում այդպես էլ չհայտնվեց, իսկ վճարված հոնորարը չվերադարձվեց: Ահա այսպիսիք են ուրացողների իշխանության գերակայությունները…
ПОСЛЕДНИЕ ОТ АВТОРА
-
2025-07-15 09:45Считать официальным предложением Центробанку РА Власти Британии намерены избавиться от изображения исторических личностей на банкнотах. Лица Уинстона Черчилля, Джейн Остин и «Вильяма, понимаете, нашего Шекспира» сменят другие символы национальной идентичности. Портреты исторических персонажей используются на фунтах стерлингов с 1970 года. Первой не монаршей особой на деньгах стал именно Уильям Шекспир.
-
2025-07-15 09:29«ГА» уже не раз писал о том, как правительство Пашиняна и столичная мэрия Авиняна всякий раз шлепаются задом в лужу, объявляя об очередных своих зловонных новациях. И при этом чинуши-дилетанты все никак не могут понять, что нельзя ставить телегу впереди лошади: сперва следует тщательно исследовать возможности инфраструктуры и должным образом подготовить ее к плавному проведению реформы. Вроде бы простая истина, но объяснить это властям – как об стенку горох. Но при этом на самом высоком уровне нам вещают об электронной системе госуправления (e-governance), цифровой повестке и безбумажных услугах…
-
2025-07-14 09:45Горнолыжный курорт «Майлер» «грозится» перерасти в национальный проект На днях в армянской столице прошел HIF (Hospitality Investment Forum) Yerevan 2025 – ведущий инвестиционный форум, формирующий будущее индустрии гостеприимства в Армении, и международная платформа для обсуждения тенденций и инвестиционного сотрудничества в сфере гостеприимства и туризма («Гостеприимство и радушие в финансовом измерении» - golosarmenii.am, 19.06.2025г.). В рамках мероприятия удалось присутствовать на интересной презентации основателя горнолыжного курорта Майлер Тиграна Арутюняна…
-
2025-07-12 10:25На примере истории с невыполненными обязательствами ЗАО «Веолиа Джур» Вся мерзость и нечистоплотность пашиняновской власти постоянно проявляются и выходят наружу при патологическом стремлении облапошить народ. Но у лжи (читай: у Пашиняна. – А.А.), как известно, ноги коротки. Мелочно-злобный и мстительный характер предводителя группки, сплотившейся вокруг властной кормушки, особенно ярко проявился в надуманном деле о преследовании бизнесмена-мецената Самвела Карапетяна и отъеме его собственности – ЗАО «Электрические сети Армении» (ЭСА)…