2019-05-04 13:36
Ара МЕЛИКСЕТЯН
ԱՊԱԽՐԱԽՈՒՍԱՆՔ՝ ԿԱՌԱՎԱՐՈՒԹՅՈՒՆԻՑ
Հայաստանի վարչապետ Նիկոլ Փաշինյանը չորեքշաբթի օրը շնորհավորական ուղերձ հղեց երկրի քաղաքացիներին Աշխատանքի և աշխատավորների համերաշխության միջազգային օրվա առթիվ, հաղորդում է ԱՌԿԱ-ն։
«Հայաստանի կառավարության խնդիրն ու նպատակն է երկրում իրականացնել տնտեսական հեղափոխություն։ Ինչպես քաղաքական հեղափոխության, այս դեպքում էլ մեզ համար հիմնական և առանցքային գործիքը շարունակում է մնալ անհատական ջանքը: Այսինքն՝ մեր հիմնական գործիքակազմը պետք է լինի քաղաքացիներին, մարդկանց խրախուսելը՝ աշխատելու, գործելու, տնտեսական գործունեություն ծավալելու, հավատալու սեփական ուժերին և հաջողությանը»,- նշվում է վարչապետի շնորհավորանքում։
«Մենք պետք է բոլորով շարժվենք այդ նպատակի իրականացման ուղղությամբ, ուղղենք մեր մեջքը, հավատանք մեր ուժերին և մեր աշխատանքով հարստանանք և հարստացնենք»,-ասվում է ուղերձում։ Վարչապետի խոսքերով, Հայաստանի կառավարության ուշադրության կենտրոնում է նաև աշխատավորների իրավունքների պաշտպանությունը, և այդ ուղղությամբ նույնպես նախատեսվում է հետևողական քայլերի իրականացում։ «Մեր երկիրը պետք է դուրս գա ցածր որակավորմամբ աշխատուժ ունեցող երկրի կարգավիճակից, ուստի ջանքեր չենք խնայելու, որպեսզի Հայաստանը լինի բարձր որակավորման աշխատուժի երկիր: Այդ նպատակով, ՀՀ կառավարությունը միջոցառումներ է իրականացնելու ուղղված կրթական համակարգի բարելավմանը, որպեսզի վերջինս մեր պետությանն ապահովի բարձր որակավորմամբ աշխատուժ, որ այն պահին, երբ ուսանողները դուրս գան համալսարաններից՝ ունենան մրցունակ մասնագետի կարգավիճակ»,-ընդգծեց նա։
Բայց անհնար է լռել. ինչի՞ մասին է նա խոսում։ Այդ ի՞նչ ցածր որակավորմամբ աշխատուժի կարգավիճակ է, եթե հայ շինարարները դեռ բավական պահանջված են երկրի սահմաններից դուրս, եթե հայ բժիշկները օտարերկրացիներին Հայաստան այցելել ստիպող գործոններից մեկն են։ Իհարկե, աշխատուժի ներկայիս որակը երկրում զգալիորեն զիջում է նախկին մակարդակին։ Հայկական աշխատանքի շուկան, իհարկե, հետադիմում է պրոֆեսիոնալիզմի առումով, բայց հաստատ դեռ չի հասել հետընթացի այն աստիճանին, որ մենք լինենք ցածրորակ աշխատուժ ունեցող երկրի կարգավիճակում։
Ասենք, հենց այդ կարգավիճակի ուղղությամբ է տանում երկիրը գործող կառավարությունը։ Բավական է նայել ներկայիս կադրային քաղաքականության սկզբունքներին, որպեսզի համոզվենք, որ եթե անգամ իշխանության կողմից թեկուզ ինչ-որ բան խրախուսվում ու խթանվում է, ապա դա միայն բացարձակ դիլետանտությունն է, անձեռնհասությունը, անփորձությունը։ Ուստիև մի տեսակ տարօրինակ է վարչապետի շուրթերից գանգատներ լսել երկրում աշխատուժի որակից, որի գործադիր իշխանության գերակշիռ մասը նույնիսկ տեսականորեն չի կարող հպարտանալ իր ձեռնհասությամբ։
Այդուհանդերձ դա բնավ ամենատարօրինակը չէ վարչապետի ուղերձում։ Ահավասիկ Փաշինյանը խոսում է քաղաքացիներին աշխատելու, գործելու, տնտեսական գործունեություն ծավալելու խրախուսող ընտրված գործիքակազմի մասին։ Հարցն այն չէ, որ այդպիսով կոնկրետ նոր աշխատատեղերի ստեղծման պայմանների ապահովման և տնտեսական ուղեգծի համար պատասխանատվությունն ընկնում է կառավարության ուսերից, որը որպես գերակա խնդիր չի դնում աշխատանքի շուկայի ընդլայնումը տնտեսության իրական մասնահատվածի զարգացման միջոցով։ Հարցը հենց այդ խրախուսման գործընթացի վերաբերյալ կառավարության խեղաթյուրված պատկերացումն է։
Օրինակ, ներկայիս կառավարությունը, ըստ էության, աշխատանքի խրախուսում է համարում զանգվածային կրճատումները մասնավոր հատվածում ու պետապարատում։ Աշխատատեղերը կրճատվում են տասնյակ հազարներով, ընդ որում նորերը չեն ստեղծվում։ Նույնիսկ այն, ինչն իբր ստեղծվում է, ավելի ճիշտ՝ հայտնվում, ինչպես պարզվում է, արդեն առկա աշխատատեղերի ստվերից դուրս գալու արդյունք է։ Համաձայնեք, դժվար թե իշխանության այդպիսի վերաբերմունքը դրդի աշխատել։
Դա ավելի շուտ կդրդի աշխատանք փնտրել երկրի սահմաններից դուրս, քանզի, կրկնեմ, այստեղ համատարած փակվում են աշխատատեղերը։ Համաձայնեք, չի կարող իրեն ստեղծագործելու խրախուսված զգալ նաև այն երկրի քաղաքացին, որտեղ ստեղծագործության նկատմամբ պետական վերաբերմունքի ընդհանրական խորհրդանիշը՝ Մշակույթի նախարարարությունը համարվում է գործադիր իշխանության ավելորդ ստորաբաժանում։
Այլ կերպ ասած, այն ամենը, ինչ այսօր տեղի է ունենում երկրում աշխատանքի և ստեղծագործության ոլորտում, ավելի շուտ ապախրախուսող գործոն է, քան խրախուսող, առավելևս՝ որակյալ, ձեռնհաս ու պրոֆեսիոնալ աշխատանքի համար։ Այնպես որ, «սեփական ուժերին հավատալու» վարչապետի կոչը քաղաքացիներին, թեև ոմանց համար գեղեցիկ է հնչում, մնացած բոլորի համար ոչ ավելին է, քան փաշինյանական արձակագրության հերթական «գլուխգործոց»։
ПОСЛЕДНИЕ ОТ АВТОРА
-
2025-07-30 09:36Мэр Еревана Тигран Авинян сообщил в своем Telegram-канале, что в последние годы городское управление претерпело серьезные изменения, превратив Ереван в «современный, цифровой и быстро реагирующий на нужды горожан город». «В 2021 году по коридорам мэрии еще катали тележки, полные документов. А сегодня Ереван — современный, цифровой город, способный быстро откликаться на потребности жителей», — написал он, передает Panarmenian.net. Ключевые шаги трансформации: запуск платформы «Активный гражданин» — инструмента для участия горожан, гарантирующего прозрачность и подотчетность; внедрение единого электронного сервиса, где доступны все данные о долгах, разрешениях и переписке граждан. По словам Авиняна, 12 управлений мэрии уже используют ГИС-технологии в следующих направлениях: мониторинг системы вывоза мусора, градостроительное планирование с помощью 3D-моделей, оптимизация транспортных маршрутов, интеллектуальные системы полива зеленых зон.
-
2025-07-28 10:13В июне в Армении был установлен новый исторический рекорд по числу зарегистрированных рабочих мест: 796 473 рабочих места. Как передает Арменпресс, об этом премьер-министр Армении Никол Пашинян сообщил на своей странице в Facebook. Премьер-министр отметил, что уровень экономической активности в стране составил 8,6%. «Люблю тебя, трудящийся, создающий продукт и созидающий государство народ Республики Армения», — такими словами завершил пост Никол Пашинян.
-
2025-07-24 10:05Кабмин Армении отреагировал на победу главы группы компаний "Ташир" Самвела Карапетяна в арбитражном споре против правительства РА по делу об огосударствлении компании "Электрические сети Армении" (ЭСА), передает Sputnik Армения.
-
2025-07-23 09:20На реализацию проекта «Образование – это модно» из средств государственного бюджета не было израсходовано ни одного драма. Финансировались исключительно мероприятия, связанные с деятельностью премьер-министра, в том числе его встречи с гражданами. Об этом на пресс-конференции 16 июля заявил премьер-министр Армении Никол Пашинян, передает News.am. «Государственные средства направляются на обеспечение деятельности премьер-министра. Например, микрофоны и стулья, используемые на этой пресс-конференции, также приобретены за счет бюджета, поскольку служат обеспечению моей официальной деятельности», - отметил он. «Проще говоря, финансировался не сам проект «Образование – это модно», а деятельность премьер-министра – его встречи с гражданами. Сегодня они проходят в рамках одной инициативы, завтра – в формате пресс-конференции или выездной встречи. Даже если я беседую с гражданами прямо посреди села – это также часть официальной деятельности, которая финансируется из государственного бюджета», - добавил Пашинян.
ПОСЛЕДНЕЕ ПО ТЕМЕ
-
2020-10-23 19:21Ըստ Հայաստանի Պետեկամուտների կոմիտեի տվյալների, եկամուտ ապահովող աշխատատեղերի քանակն ընթացիկ տարվա սեպտեմբերին կազմել է 623 հազար: Դա գերազանցում է օգոստոսի ցուցանիշը 14 հազարով, իսկ անցած տարվա սեպտեմբերինը՝ 15,6 հազարով։ Ինչպես նշում է ՊԵԿ-ը, վիճակագրության վարման ողջ պատմության ընթացքում եկամուտ ապահովող աշխատատեղերի 2020թ. սեպտեմբերի ցուցանիշն աննախադեպ է:
-
2020-08-24 22:14Նիկոլ Փաշինյանը, ինչպես ասում են, անցել է նախկին գործելակերպին։ Որոշել է վերադառնալ երկրի սոցիալ-տնտեսական կյանքի տպավորիչ ցուցանիշները հասարակայնությանը ներկայացնելու երբեմնի ինտենսիվ պրակտիկային։ Սակայն ինչպես նախկինում, այնպես էլ հիմա, նրա հրապարակած թվերը եթե անգամ տպավորիչ են, ապա լոկ իրենց հակասականությամբ և առկա իրավիճակից բացարձակ կտրվածությամբ։
-
2020-08-11 22:39Աշխատուժ գտնել չի հաջողվում անգամ ճգնաժամի պայմաններում և նույնիսկ սահմանամերձ գյուղերում։ Այս մասին կառավարության նիստում հայտարարել է վարչապետ Նիկոլ Փաշինյանը, հաղորդում է Sputnik Armenia-ն։
-
2019-06-18 15:52Եթե ֆեյքերը ներառվեին նոր աշխատատեղերի վիճակագրության մեջ, ապա թիվն անհամեմատ ավելի մեծ կլիներ։ Այս մասին հայտարարեց Հայաստանի վարչապետ, ՔՊ վարչության անդամ Նիկոլ Փաշինյանը, ելույթ ունենալով կուսակցության համաժողովում, հաղորդում է News.am-ը։