ՆԻԿՈԼ ՓԱՇԻՆՅԱՆԻ ԱՐՁԱԿՈՒՐԴԸ
Նիկոլ Փաշինյանն արձակուրդ մեկնեց։ Հուսանք, որ դրանք հաճելի օրեր կլինեն վարչապետի համար։ Բայց կցանկանայինք, որ դրանք լինեին ոչ միայն հաճելի, այլև օգտակար, և որ Նիկոլ Փաշինյանն օգտվեր իր կարճատև արձակուրդից, որպեսզի մտորեր որոշ բաների մասին։
Այն մասին, օրինակ, թե այդ ինչպես ստացվեց, որ արդեն մեկ տարի շարունակ ինքը հայտարարում է, թե լիովին վերջ է տվել նախկին իշխանությունների գործունեության հիմքում ընկած կոռումպացված համակարգին, բայց մինչև օրս չկա դատական ոչ մի որոշում, որն արձանագրեր, թե քննչական մարմիններին հաջողվել է բացահայտել այս կամ այն կոռուպցիոն սխեման և պատասխանատվության ենթարկել դրա մասնակիցներին… Բավական չէ, որ չկան դատական որոշումներ, դեռ մեծ հարց է՝ նման գործերն առհասարակ դատական վարույթ մտցվե՞լ են։ Մի՞թե որևէ մեկը լրջորեն համարում է, թե Մանվելի ու իր արջերի դատական հետապնդումը կոռուպցիոն սխեմայի մերկացում է։
Կարծում ենք, Փաշինյանի համար օգտակար կլինի արձակուրդի ընթացքում մտորել այն մասին, թե որքանով է օգտակար մեր երկրին, որի գործադիր իշխանության ղեկավարն է ինքը, մեր պատմությունը բացառապես սև գույնով ներկելը։ Մտորել այն մասին, որ իր կառավարությունը ղեկավարում է՝ հիմնվելով առայժմ ոչ թե սեփական, այլ նախկին տարիների նվաճումների վրա, որոնք Փաշինյանն ու իր կողմնակիցները անվանում են «արյունոտ ռեժիմների» տարիներ։
Այո, վատ ու ողբերգական շատ բան է եղել Հայաստանի նորագույն պատմության մեջ։ Բայց շատ է եղել նաև լավը, ինչի վրա էլ, ըստ էության, կանգուն է այսօր հայկական պետականությունը։ Դա հաղթանակն է պատերազմում. հաղթանակ, որում մեծ դեր են խաղացել հենց այն մարդիկ, որոնց այսօր Փաշինյանն ու իր կադրերը մեղադրում են գրեթե պետականության դեմ դավադրության մեջ, մոռանալով, որ չէր լինի այն հաղթանակը, չէր լինի ընդհանրապես երկիրը, որի վարչապետն է Փաշինյանը, եթե չլինեին այդ հազարավոր մարդիկ։
Դա մարտունակ զինված ուժերի ստեղծումն է զրոյից։ Գործընթաց, որին ամենաանմիջական մասնակցություն են ցուցաբերել մարդիկ, որոնց այսօր Փաշինյանը հայտարարում է ժողովրդի թշնամիներ։ Եթե Հայաստանն այսօր բանակ չունենար, ապա քանի՞ օր կդիմանար Փաշինյանի սելֆիների իշխանությունը։
Ասես չի եղել միջազգային կապերի կառուցման բարդ գործընթացը, որոնք ապահովում են երկրի հեղինակությունը միջազգային ասպարեզում, հենց այն հեղինակությունը, որը Փաշինյանն այդքան անիմաստ ու անմիտ կերպով մսխում է…
Ասես չի եղել հայկական տնտեսության վերականգնման դժվարին գործընթացը գործնականում զրոյից, չի եղել արտադրությունների վերաթողարկումը, մասշտաբային շինարարությունը, ենթակառուցվածքների զարգացումը, կառավարման պետական ինստիտուտների, բանկային համակարգի և շատ ու շատ այլ բաների ստեղծումը, առանց որոնց Փաշինյանն այսօր չէր կարողանա հպարտ զեկուցել այն մասին, որ բյուջեի մուտքերն աճել են։ Դրանք առանց այդ էլ պիտի աճեին, քանի որ «արյունոտ ռեժիմների» տարիներին ստեղծված կառույցները շարունակում են գործել ու զարգանալ, նույնիսկ չնայած այն փայտերին, որ անդադրում նրանց անիվների արանքն է խցկում Փաշինյանի կառավարությունը։
Ասես չի եղել, վերջապես, ժողովրդավարական ինստիտուտների և քաղաքացիական հասարակության կառույցների հետևողական զարգացումը։ Հենց այն կառույցների, որոնց գործունեությունը ճնշելու դեպքում Փաշինյանն ու իր նիհիլիստները մոտենալ անգամ չէին կարող իշխանության ղեկին…
Շատ բան կա, ինչի մասին Փաշինյանին օգտակար կլինի մտորել արձակուրդի ընթացքում։ Օրինակ, այն մասին, թե այդ ինչպես ստացվեց, որ նախկին «արյունոտ ռեժիմների» ժամանակներում ադրբեջանական կողմը ստիպված էր մշտապես արդարանալ Արցախի հարցով բանակցային գործընթացում իր ապակառուցողականության համար։ Իսկ հիմա այդ դերում մի տեսակ «աննկատ» հայտնվեց հայկական կողմը, քանի որ հենց մեզանից են այսօր պահանջում անհամաչափ զիջումներ։
Օգտակար կլինի մտորել նաև այն մասին, թե այդ ինչպես հաջողվեց ընդամենը մեկ տարում խնդիրներ ստեղծել մեր գլխավոր դաշնակցի՝ Ռուսաստանի հետ հարաբերություններում։ Թեպետ, ինչի մասին է խոսքը, երբ հաջողվեց խնդիրներ ստեղծել նույնիսկ Արցախի հետ հարաբերություններում…
Փաշինյանը պետք է մտորի այն մասին, թե վայե՞լ է արդյոք ժողովրդավարական պետության ժողովրդավար առաջնորդին կոչ անել իր կողմնակիցներին արգելափակել դատական ինստիտուտները, այդպիսով բացարձակ քամահրանք ցուցաբերելով ժամանակակից ժողովրդավարական պետությունների հիմնարար սկզբունքներից մեկի՝ իշխանությունների բաժանման սկզբունքի նկատմամբ։ Եվ այդ ինչպե՞ս ստացվեց, որ այդքան քիչ մարդիկ արձագանքեցին ինչպես իր կոչին, այնպես էլ վերջին հանրահավաքին՝ ի աջակցություն գործող իշխանության…
Այժմ Փաշինյանն արձակուրդ ունի, որպեսզի վերաիմաստավորի այդ ամենը, մտորի այն մասին, թե ինչ գնով են ձեռք բերվել պետական շինարարության նվաճումները։ Գուցե այդժամ, եթե իր մեջ համարձակություն գտնի խոսել Հայաստանի անկախության տարիներին եղած ոչ միայն վատի, այլև ավելի շատ ու հաճախ՝ այն լավի մասին, այն նվաճումների, առանց որոնց այսօր պարզապես չէր լինի երկիրը, որտեղ ինքը կարող է այդքան քմահաճորեն իշխել և այդքան ոգևորված լուսանկարվել, նա հնարավորություն կստանա Հայաստանի քաղաքական կյանքում մնալ ոչ միայն որպես սելֆիի ձողի մեծ սիրահար։
ПОСЛЕДНИЕ ОТ АВТОРА
-
2023-02-08 13:08366Российский политолог, эксперт по международным отношениям и внешней политике, ведущий программы «Большая игра» на Общественном российском телевидении Дмитрий Суслов дал интервью Общественному телевидению Армении. Он, в частности, напомнил: «Россия выразила готовность в течение двух дней разместить мониторинговую миссию ОДКБ на границе, что действительно не допустит масштабных случаев применения силы – обстрелов, захвата территории со стороны Азербайджана».
-
2023-02-07 13:31837Катастрофы, подобно землетрясению в Турции и Сирии часто сближают. Нормальные люди объединяются перед лицом большой беды. Так было в дни Спитакского землетрясения. Другое дело, что не на всех распространяется это неписанное правило человеческого общежития. Не будем забывать, что 44-дневнная война, развязанная азербайджанским пожизненным диктатором против Арцаха и Армении, была именно во времена разгула эпидемии коронавируса, когда во всем мире стремились в первую очередь победить эту общую напасть.
-
2023-02-06 09:401380Общемировая эскалация продолжается. Война на Украине. Блокада Арцаха. Американцы сбивают китайский аэростат. Азербайджан вслед за эвакуацией посольства из Тегерана заявил и о намерении эвакуировать консульство в Тебризе в ближайшие дни, если не сегодня.
-
2023-02-04 11:562279Шум по поводу последних заявлений главы МИД России Сергея Лаврова не утихает. Более всего этот шум раздувают про-властные агитаторы и СМИ. И хотя многое уже сказано по поводу этого искусственно раздуваемого ажиотажа, тем не менее, на некоторых аспектах этого «много шума из ничего» хотелось бы остановиться.
ПОСЛЕДНЕЕ ПО ТЕМЕ
-
2022-05-02 19:27468Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36735Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14650Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00901Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։