2019-07-18 07:07
Ара МЕЛИКСЕТЯН
«Ո՞Վ Է ՄԵՂԱՎՈՐ»՝ «Ի՞ՆՉ ԱՆԵԼ» ՀԱՐՑԻ ՓՈԽԱՐԵՆ
«Սանիտեք» ընկերությունը հանդես է եկել հայտարարությամբ, որում ասվում է ֆինանսական դժվարությունների մասին՝ պայմանավորված նաև քաղաքապետարանի կողմից կիրառվող չարդարացված և ոչ համաչափ պատժամիջոցներով ու տուգանքներով, հաղորդում է ԱՌԿԱ-ն։
«Անդրադառնալով այսօր քաղաքապետարանում տեղի ունեցած աշխատանքային խորհրդակցության ընթացքում քաղաքապետի կողմից հնչեցրած այն ձևակերպմանը, որ «աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել»՝ ընկերությունը տեղեկացնում է, որ երբևէ ոչ մեկի հետ շատաժի լեզվով չի խոսել և չի խոսում։ Ընկերությունը ենթակապալառուների նկատմամբ վճարային պարտավորություններն այս պահին հնարավորություն չունի կատարել բացառապես քաղաքապետարանի ոչ կառուցողական գործողությունների հետևանքով»,-ասվոււմ է հայտարարությունում։
Նշվում է, որ քաղաքապետի հուզական մտքերը է՛լ ավելի են բարդացնում առանց այդ էլ ոչ պարզ իրավիճակը և փակուղի մտցնում ընկերության բաժնետերերի նախաձեռնած բանակցությունները։ Ընկերությունը խոստանում է ամենամոտ ժամանակներս անել բոլոր շեշտադրումները և ներկայացնել բոլոր այն փաստերը, որոնք մինչ այս չեն հրապարակվել բանակցային գործընթացի շահերից ելնելով։
Ավելի վաղ Sanitek International կազմակերպությունը հայց է ներկայացրել Երևանի քաղաքապետարանի դեմ։ Հայցի գումարը կազմում է 247021876 դրամ։
ԲԱՅՑ ԱՆՀՆԱՐ Է ԼՌԵԼ. մինչ «Սանիտեքն» ու Երևանի քաղաքապետարանը դժգոհություններ են ներկայացնում միմյանց, մինչ կողմերից յուրաքանչյուրն օգտվում է ընդդիմախոսի վրա ֆիսկալ-պատժամիջոցային ազդեցություն գործելու սեփական զինանոցից (տուգանքներ, դատական հայցեր), մինչ գործի են դրվում տեղեկատվական գրոհներ և նախազգուշական մեդիակրակոցներ, մայրաքաղաքը թաղվում է աղբի մեջ։ Թաղվում է հիմնավորապես, ակներև հակասանիտարական վիճակով, համաճարակների առաջացման, առնետների, ուտիճների և հիվանդություններ տարածող այլ կենդանիների գրոհի սպառնալիքով։
Ի դեպ, տարօրինակ է, որ Առողջապահության նախարարությունը չի ահազանգում այս իրավիճակի կապակցությամբ։ Տարօրինակ է, որ հոգ տանելով, օրինակ, քաղաքացիների առողջության մասին, նախարարությունը բացառիկ սկզբունքայնություն է ցուցաբերում ծխելու դեմ պայքարի ոլորտում, իսկ այ համաճարակների տարածման բացահայտ վտանգը չի հարուցում նույնպիսի (ինչպես հակածխախոտային պայքարի դեպքում) մտահոգություն։ Թեպետ, դա մասնակի հանգամանք է։ Եվ խոսքն այս պահին դրա մասին չէ։
Ամենևին չփորձելով արդարացնել ընկերության գործողությունները, այնուամենայնիվ չի կարելի չնշել մի ակնհայտ փաստ։ Երբ քաղաքապետարանն անցավ ընկերության նկատմամբ ֆինանսական պատժամիջոցների քաղաքականության, ակներև դարձավ, որ աղբը Երևանում շատանալու է։ Չէ՞ որ պարզ է, որ նման մեթոդներով պատժելով ձեռնարկությանը, նույնիսկ եթե պատիժն արդար է, անհնար է ակնկալել աշխատանքի արդյունավետության բարձրացում։ Մանավանդ երբ պատժվող կողմը չի ընդունում իր մեղքը, երբ ներկայացնում է հակափաստարկներ, երբ ինքն է պատասխանում ֆինանսական պահանջներով։ Պարզ է, որ հակասությունները, որոնք սահուն կերպով փոխարկվեցին բացահայտ հակամարտության, կարող են հանգեցնել միայն աղբահանության խնդրի խորացման։ Ինչն էլ, ըստ էության, տեղի ունեցավ։
Մինչդեռ ներկայումս կողմերը փորձում են երևանցիների ուշադրությունը սևեռել այն հարցի վրա, թե ո՞վ է մեղավոր։ Այո, շատերի համար դա հետաքրքիր հարց է։ Բայց նույնիսկ առանձնահատուկ, սևեռուն ուշադրությունը պատասխանատվության խնդրի վրա չի կարող երևանցիների և մայրաքաղաքի հյուրերի ուշադրությունը շեղել աղբամաններից։ Ըստ էության, վերահսկողությունից դուրս եկած իրավիճակն այն աստիճան վտանգավոր ձևեր է ստացել, որ «ո՞վ է մեղավոր» հարցը արդեն վաղուց տեղը զիջել է «ի՞նչ անել» հարցին։ Եվ ի՞նչ։ Ոչինչ։ Հիմա կողմերից մեկը վախեցնում է մյուսին ինչ-որ տհաճ փաստերի հրապարակումով, մյուսը՝ մեղադրում, հայտարարելով, որ չի հանդուրժի շանտաժ։
Իրականում պարզապես զարմանալի է, որ խնդիրն առհասարակ հայտնվեց փոխադարձ կշտամբանքների հարթությունում։ Ակնհայտ է, որ աղբահանության կազմակերպման համար երևանցիների առջև պատասխանատու է քաղաքային վարչակազմը։ Թե ինչպես է նա ապահովում այդ կազմակերպումը, մայրաքաղաքի բնակիչներին մեծ հաշվով այնքան էլ չի հուզում։ Վերջիվերջո, եթե խնդիրներ կան «Սանիտեքի» հետ, ապա դրանք քաղաքապետարանի խնդիրներն են, որը պարզապես պարտավոր է հարթել ի հայտ եկող հակասությունները։ Ի վերջո, եթե ուզում են, թող տուգանեն, թող բանակցություններ վարեն, թող համոզեն, փռեն ասֆալտին կամ ծեփեն պատերին։ Բայց արդյունքը պետք է ապահովվի հենց քաղաքապետարանի կողմից։
Քաղաքի մաքրության համար պատասխանատվությունն ընկած է հենց նրա ուսերին և նրանից էլ պետք է պահանջել, անկախ այն բանից, թե ինչպես է իրեն պահում «Սանիտեքը»։ Չէ՞ որ երևանցիները քաղաքային տնտեսության կառավարումը վստահել են ոչ թե «Սանիտեքին» կամ այլ ընկերության, այլ մայրաքաղաքային իշխանությանը։ Օժտել են համապատասխան լիազորություններով։ Ահա և արդյունքն էլ նրանից են սպասում։
Աղբային ճգնաժամը Երևանում ուժգնանում է օրըստօրե։ Ուղիղն ասենք, արտակարգ իրավիճակի այդ խորապատկերին, երբ շտապ պետք է փնտրել «ի՞նչ անել» հարցի պատասխանը, հասարակությանն ինտրիգում են «ո՞վ է մեղավոր» հռետորական հարցով։ Հարց, որի պատասխանն ակնհայտ է։ Կարելի է չափազանց համոզիչ, փաստարկավորված կերպով մեղադրել օպերատորին ներկայիս իրավիճակի առաջացման համար, բայց դա չի ազատում քաղաքապետարանին քաղաքի մաքրության ապահովման պատասխանատվությունից։ Ժամանակն է դա հասկանալ։ Այդչափ տարրական ճշմարտությունը գիտակցելու համար աշխատանքի 9 ամիսները նոր աշխատակազմին միանգամայն բավական էին…
ПОСЛЕДНИЕ ОТ АВТОРА
-
2025-05-02 10:23Премьер-министр Армении Никол Пашинян поздравил сограждан с Международным днем труда и солидарности трудящихся, напомнив о важности знаний и образования, передает Новости-Армения. "Труд, конечно, является необходимым, но недостаточным условием для улучшения жизни отдельного человека и общества, поскольку только эффективный труд приносит удовлетворительные результаты, а чтобы быть эффективным, труд должен основываться на знаниях, постоянно совершенствуемых навыках, то есть на образовании и обучении", - говорится в послании премьер-министра Армении к 1 мая. "Возможно, нам следует найти в себе силы признать, что мы живем плохо в меру того, чего мы не знаем, и хорошо в меру того, что мы знаем, и для того, чтобы расширить наше благосостояние, нам нужно сократить объем того, чего мы не знаем, и расширить объем того, что мы знаем, а это возможно при теснейшей взаимосвязи труда и образования, образования и труда", - заявил Пашинян.
-
2025-05-01 10:36С 1 января 2025 года и по состоянию на 28 апреля 37 737 граждан подали Всеобщую декларацию о доходах (из 900 тыс декларантов - ред.), заявил премьер Никол Пашинян 30 апреля на заседании правительства, передает АрмИнфо. «16 тысячам 271 гражданину возвращены 1 миллиард 482 миллиона драмов в виде социального кредита (+ 165 миллионов драмов по сравнению с прошлым понедельником). Средняя сумма кредита, полученного обратно одним человеком, составляет 91,1 тыс. драмов», - отметил он. Премьер обратил внимание на тот факт, что в результате данного процесса сгенерировано дополнительных налогов на 1 млрд драмов.
-
2025-04-29 10:36В Армении с 27 апреля 2025 года вступила в силу административная ответственность для хозсубъектов за нарушения в маркировке молочных и мясных продуктов, передает АРКА. Как напомнили в Минэкономики республики, согласно изменениям в законе "О торговле и услугах", молочная продукция без заменителей молочного жира должна размещаться в супермаркетах на зелёных стеллажах, а с содержанием заменителей молочного жира - на оранжевых стеллажах. Кроме того, на полках должны быть соответствующие информационные таблички. Инспекционный орган безопасности продуктов питания сообщил ранее, что с 27 апреля вводится также административная ответственность для предпринимателей, которые не обеспечат наличие для мясной продукции документов, подтверждающих забой скота на скотобойнях, в видном для потребителей месте.
-
2025-04-26 15:28Тысяча крупнейших налогоплательщиков Армении за первый квартал 2025 года перечислили в госбюджет республики налогов и таможенных выплат на сумму более 409,3 млрд драмов против 387,1 млрд драмов за январь-март 2024 года, сообщает АРКА со ссылкой на Комитет по госдоходам РА. Согласно пресс-релизу, налоговым органом собрано 329,1 млрд драмов, а таможенным органом – 80,2 млрд драмов. В первую десятку крупнейших налогоплательщиков входят – "Газпром Армения" (выплаты составили 19,9 млрд драмов), Mobile Center Art (16,6 млрд драмов), Grand Tobacco (12,1 млрд драмов), CPS Energy Group (7,03 млрд драмов), Pretty Way (6,5 млрд драмов), Wildberries (5,7 млрд драмов), City (5,2 млрд драмов), International Masis Tabak (4,5 млрд драмов), ЗАО «Электрические сети Армении» (4,4 млрд драмов), Soft Constract (4,01 млрд драмов).
ПОСЛЕДНЕЕ ПО ТЕМЕ
-
2019-10-03 11:01Երևանի քաղաքապետ Հայկ Մարությանը հայտարարել է, որ ամբողջությամբ, միակողմանի կերպով լուծում է «Սանիթեք» ընկերությունների հետ կնքված պայմանագրերը։ Այս մասին հայտարարությունը տեղադրված է քաղաքապետի պաշտոնական կայքում։
-
2019-08-10 17:46Շատ շուտով կլրանա մեկ տարին, ինչ Հայաստանի մայրաքաղաքի քաղաքապետի պաշտոնը ստանձնեց Կարգին Հայկոն՝ գավառական բնույթի հայկական կատակերգական սերիալների ծաղրանկարային կերպարը։ Ստանձնեց, ունենալով ագրեսիվ հեղափոխական փոքրամասնության վստահության մանդատը. այն ժամանակ «Իմ քայլը» դաշինքը՝ ասֆալտին փռելու և պատերին ծեփելու ընդդիմախոսներին ուղղված սպառնալիքների խորապատկերին, ստացավ ձայների 81%՝ 43% ընտրական ցածր ակտիվության պայմաններում։
-
2019-07-27 17:18Կարծում եք, ինչո՞ւ Փաշինյանն ակտիվորեն ձեռքը գցեց Սահմանադրական դատարանին։ Չկռահեցիք. բնավ ոչ այն պատճառով, որ բուռը հավաքի այդ ինստիտուտը, ոչ էլ, որ ՍԴ-ի միջոցով անցկացնի իրեն անհրաժեշտ որոշումները, իսկ անցանկալիները կասեցնի։ Այդ ամենը ճղճիմ է և մանր։ Իրականում կա սեփական կարգերը հաստատելու, ՍԴ դաշտում խաղի իր կանոնները մտցնելու փաշինյանական ցանկության շատ ավելի ծանրակշիռ պատճառ։
-
2019-04-20 07:52Թերացման և չկատարված աշխատանքների համար «Սանիտեկ»-ը ենթարկվել է շուրջ 13 միլիոն դրամ տույժի։ Այս մասին ֆեյսբուքյան իր էջում գրել է Երևանի քաղաքապետարանի մամլո քարտուղար Հակոբ Կարապետյանը, հաղորդում է ԱՌԿԱ-ն։