2019-09-30 19:33
Рубен МАРГАРЯН
ԿԱՆ ՄԵԶԱՆՈՒՄ «ՎՆԳՍՏԱՑՈՂ ԴԱՏԱՎՈՐՆԵՐ»
Անկեղծ ասած, մեղավոր եմ Նարեկ Մութաֆյանի առջև։ Երբ ստացվեց առաջին տեղեկատվությունն այն մասին, որ նրան ձերբակալել են դատավորի հանդեպ անհարգալից վերաբերմունքի համար, առաջին միտքն այն էր, թե նա կորցրել է ինքնատիրապետումը, վիրավորել դատավորին կամ, ավելի վատթար, հարվածել և, իհարկե, չէր կարելի դա անել։ Հետո նայեցի կադրերը, որոնք կարող է դիտել յուրաքանչյուրը։ Նարեկ Մութաֆյանի և Սարգիս Օհանջանյանի, այսպես ասած, հանցակազմը։
Դատավոր Դանիբեկյանը զբոսայգու միջով գնում է աշխատանքի։ Մոտենում է բլոգեր Նարեկ Մութաֆյանը, ուղեկցում նրան մինչև աշխատավայր՝ իսկական հայ ջենտլմենի պես։ Եվ հարց է տալիս նրան։ Հարց այն մասին, թե ինչպես է նա՝ Աննա Դանիբեկյանը վերաբերվում Հայաստանի վարչապետ Նիկոլ Փաշինյանի այն հայտարարությանը, թե երկրում կան դռների տակ վնգստացող դատավորներ. հայտարարություն, որն ավելի ուշ հաստատեց Բարձրագույն դատական խորհրդի նախագահ Ռուբեն Վարդազարյանը, և համարո՞ւմ է արդյոք նա՝ Աննա Դանիբեկյանը, թե դա վերաբերում է նաև իրեն, համարում է իրեն այդպիսի վնգստացող դատավոր, թե՞ ոչ։
Եվ վե՛րջ։ Աննա Դանիբեկյանը չի պատասխանում, կարծես թե մեկ անգամ փորձում է Նարեկից խլել հեռախոսը և այնուհետ մտնում դատարանի շենք։ Իսկ օպերատոր Սարգիս Օհանջանյանը հեռախոսով նկարահանում է առանձնապես ոչ երկարատև այդ ընթացքը… Եվ ահա հիմա պարզվում է, որ «կազմակերպված հանցախումբը»՝ ի դեմս Նարեկի և Սարգսի, քննիչի միջնորդությամբ կալանավորման է ենթարկվել դատարանի կողմից։
Ընդ որում եթե տղաներին ձերբակալել են «անհարգալից վերբերմունք դատարանի նկատմամբ» հոդվածով, ապա այժմ գործն արդեն ընթանում է «խոչընդոտում արդարադատությանը» հոդվածով, ինչը նախատեսում է ազատազրկում մինչև 5 տարով։ Եվ հենց այդ պատճառով էլ տղաների հանդեպ որպես խափանման միջոց հաջողվեց կիրառել կալանքը։
Բլոգերներից մեկը գրում է. «Եվ չնայած անհասկանալի է, թե հատկապես ինչ կերպ կարելի է խոչընդոտել արդարադատությանը, դատավորին հարցեր տալով դատական նիստից դուրս և չկապված կոնկրետ դատավարության հետ, չենք խոսում արդեն այն մասին, որ բուն հարցերը լիովին վերացական էին և իրենցից ներկայացնում էին Մեծ ու Զարհուրելիի պնդումների պարզ կրկնություն՝ լոկ հարցական նշանի հավելումով, սակայն այդ «անհասկանալի բաները» ամենևին չշփոթեցրին կալանքի մասին որոշում կայացրած դատավորին։ Առհասարակ այդ դատավորին կասկածները բնորոշ չեն. չէ՞ որ ավելի վաղ նա ճիշտ նույն կերպ, առանց շփոթմունքի նշույլի, ազատ արձակեց «ծռերին», որոնք այդ երկու տղաների համեմատ, ըստ երևույթին, անվնաս գառնուկներ են թվում իր աչքին կամ, ծայրահեղ դեպքում՝ ընդամենը մոլորված ոչխարներ»։
ԱՐՏՈՒՇ ԳԱԲՐԻԵԼՅԱՆ. այդպես է այդ հանճարեղ դատավորի անունը։ Մտապահենք. երկիրը պետք է ճանաչի մեր ժամանակի հերոսներին։
Այսինքն կարելի է խոսել այն մասին, որ Մութաֆյանի հարցերը՝ Գերագույն հրամանատարի մեջբերումով, ինչպես նա ինքն իրեն վերջերս հռչակեց Լոս Անջելեսում, կարելի է անվանել հեգնալից, կարելի է՝ հանդուգն, մեծագույն ցանկության դեպքում՝ ծաղրալի… Մեծ հաշվով դա ճաշակի հարց է։ Ես, որոշակի չափով փորձագետ լինելով բանավոր բնորոշումների ոլորտում, կնախընտրեի «սարկաստիկ» տերմինը։
Բայց նույնիսկ եթե այդպես է։ Հետո՞ ինչ։ Դա խոչընդոտո՞ւմ է արդարադատությանը։ Հայաստանում արդեն նստեցնո՞ւմ են սարկաստիկ, թեկուզ նույնիսկ ծաղրալի հարցերի համար, պրն.Գլխավոր հրամանատար։ Գոնե հասկանո՞ւմ ես, թե ինչ ես անում։
Եթե Հայաստանում դրա համար նստեցնում են, ապա ես վաղուց արդեն պիտի նստած լինեի։ Ե՛վ Տեր-Պետրոսյանի օրոք, և՛ Քոչարյանի, և՛ Սարգսյանի… Դե, իսկ Փաշինյանի օրոք պիտի որ ցմահ ժամկետ ստանայի…
Թեպետ, ինչի՞ մասին ենք խոսում։ Ամեն ինչ տրամաբանական է։ Հայաստանում իշխանության է եկել երեսպաշտ լիբերալ զվարճախումբը, որը նախկին իշխանությունների օրոք պատառոտում էր հագի վերնաշապիկը, ներկայանալով խոսքի ազատության, մամուլի, ամենատարբեր մեղադրյալների պաշտպան, ժողովրդավարական հասարակության և մարդու իրավունքների արժեքների բարձրագույն կրող։ Դե, իսկ այսօր դրանք պատրաստ են նստեցնել բոլոր ընդդիմախոսներին և առաջին իսկ հնարավորության դեպքում կանեն դա չարախնդանքով… Անպայման կանեն, քանզի «ժողովրդավարները» լոկ բառ է։
Ինչ վերաբերում է Նիկոլին։ Օրական քանի ժամ էլ նա աշխատած լինի, իմաստությունը չի ավելացել։ Նա չի հասկանում, որ «անկախ դատավորների» այդպիսի որոշումներով ոչ միայն չի կանխի նույն համատեքստում տրվող հետագա հարցերը, այլև միայն կավելացնի ատելության աստիճանը երկրում։ Դրանից անխուսափելիորեն բխող բոլոր տխուր հետևանքներով։ Բոլորի համար. սևերի, սպիտակների, երկնագույնների…
Դե, և իհարկե, վարչապետն իրավացի է. կան Հայաստանում վնգստացող դատավորներ…
ПОСЛЕДНИЕ ОТ АВТОРА
-
2025-07-10 10:11Итак, сегодня в Объединенных арабских эмиратах пройдет встреча Никола Пашиняна и Ильхама Алиева. Встреча, ради достижения прогресса в которой, Никол Пашинян и затеял все эти скандалы с Самвелом Карапетяном, Католикосом, «разоблачением заговора», уголовными делами против оппозиционных депутатов и прочим… Встреча, ради достижения прогресса в которой, Пашинян предварительно посетил Эрдогана и получил его благословение.
-
2025-07-10 09:23Прослушал интервью Генпрокурора 1-му каналу. Ну что сказать… Да, с первых дней говорили, как притянуты за уши обвинения против Самвела Карапетяна, священнослужителей и других. Говорили с первых дней, что имеем дело с заказом Никола Пашиняна, потребовавшего от правоохранителей поспешить с «разоблачением». Говорили, что легко предположить, что Абазян подал в отставку, поскольку именно его ведомство начало процесс, и он как опытный оперативник видел, что на основании имеющегося материала трудно говорить о раскрытии «государственного переворота». С правовой, а не с политической точки зрения. Тем более, обосновать в суде, тем более, так, чтобы общественность в это обоснование поверила.
-
2025-07-09 10:12В своих шагах против Армянской апостольской церкви и ее главы Пашинян действовал по ему привычном лекалу. Сначала полагал, что одного слова его, «великого и ужасного», будет достаточно, чтобы Католикос сложил с себя полномочия. Оказалось – недостаточно. Тогда решил создать общественные отряды, которые, предполагалось, взяли бы на себя функцию «общественной атаки» на Церковь. Не удалось, призыв остался без ожидаемого резонанса.
-
2025-07-08 11:02Главный блюститель общественной нравственности Никол Пашинян начал рабочую неделю с очередного выпада в адрес Католикоса и Кафедрального собора Армянской Апостольской Церкви. Теперь Пашинян решил заявить, что Католикос разделяет идеологию и планы архиепископов Баграта и Микаэла «совершить военный переворот, расстреливать людей под стенами, создать в стране хаос». По Пашиняну, Католикос разделяет «идеологию и планы» переворота и расстрела, поскольку считает арест архиепископов незаконным.
ПОСЛЕДНЕЕ ПО ТЕМЕ
-
2021-03-23 21:12Ըստ վիճակագրության՝ փետրվարին Հայաստանից հեռացել է 58 297 մարդ։ Ժամանել է 31 901 մարդ։ Բացասական սալդոն մոտ 26 հազար է։ Անցած տարվա փետրվարին բացասական հաշվեկշիռը կազմում էր 3 հազար։ Ո՞ւր ենք հասնելու նման տեմպերով։ Մենք սիրում ենք պարծենալ, որ եզակի երկիր ենք, եզակի ժողովուրդ։ Դա իրոք այդպես է։ Միայն Հայաստանի պես եզակի երկրում իշխանության ղեկին կարող էր հայտնվել Նիկոլ Փաշինյանը, նա արդեն երեք տարի է իշխանության ղեկին է։ Մարդ, որը երեք տարի շարունակ հետևողականորեն փլուզում է երկիրը։