Последние новости
2021-03-23 21:12

ՄԵՆՔ ԵԶԱԿԻ ԵՐԿԻՐ ԵՆՔ

0
Telegram

Ըստ վիճակագրության՝ փետրվարին Հայաստանից հեռացել է 58 297 մարդ։ Ժամանել է 31 901 մարդ։ Բացասական սալդոն մոտ 26 հազար է։ Անցած տարվա փետրվարին բացասական հաշվեկշիռը կազմում էր 3 հազար։ Ո՞ւր ենք հասնելու նման տեմպերով։

Մենք սիրում ենք պարծենալ, որ եզակի երկիր ենք, եզակի ժողովուրդ։ Դա իրոք այդպես է։ Միայն Հայաստանի պես եզակի երկրում իշխանության ղեկին կարող էր հայտնվել Նիկոլ Փաշինյանը, նա արդեն երեք տարի է իշխանության ղեկին է։ Մարդ, որը երեք տարի շարունակ հետևողականորեն փլուզում է երկիրը։

Մինչ օրս համարում էի, թե կա միայն մեկ վերջնական որոշում. ուժի մեջ մտած դատավիռը։ Ընդհանրապես կարծում էի, թե դատական իշխանությունը հենց դրա համար էլ համարվում է իշխանության անկախ ճյուղ, որը հաշվետու չէ ո՛չ օրենսդիր, ո՛չ էլ առավել ևս գործադիր իշխանությանը, որպեսզի նրան պատկանի վերջին խոսքը, այդ թվում նաև՝ այս կամ այն պետական կառույցի հետ քաղաքացու վեճում։ Որպեսզի գործադիր իշխանությունը չտրվի այն գայթակղությանը, թե իրեն ամեն ինչ կարելի է։ Եվ որ եթե, օրինակ, մարդուն հեռացնում են աշխատանքից, իսկ նա գտնում է, որ դա անարդարացի է, կարողանա դիմել դատարան ու փորձի վերականգնել իր իրավունքները։ Եվ եթե դատարանն ընդունում է նրա փաստարկները, ապա գործադիր իշխանությունն անզոր է. պետք է ենթարկվի դատարանի որոշմանը։

Դար էլ ապրես՝ սովորելու բան ունես։ Պարզվում է, որ ես իրավացի չեմ ։ Պարզվում է՝ իրավացի է Նիկոլը, իսկ ես սխալվում էի։ Քանզի Հայաստանը եզակի երկիր է։ Մեզանում վերջին խոսքը դատական իշխանությանը չի պատկանում։ Դատական իշխանությունը որոշել էր, որ Օնիկ Գասպարյանը պետք է շարունակի կատարել Գլխավոր շտաբի պետի գործառույթները՝ մինչև վարչապետի որոշման հետ կապված իր վեճի վերաբերյալ դատարանի վերջնական որոշումը։ Սակայն գործադիր իշխանությունն ասաց. ո՛չ, դատարանը իրավացի չէ, դատարանը սխալվում է։ Դատարանը սխալ է մեկնաբանում օրենքը, դատարանը Սահմանադրություն չի կարդացել, մենք ճիշտ ենք մեկնաբանում, մենք ուշադիր կարդացել ենք Սահմանադրությունը։ «Օնիկ Գասպարյանն ազատված է աշխատանքից օրենքի ուժով»,- ասաց գործադիր իշխանությունը:

Անհասկանալի է մեկ բան. եթե գործադիր իշխանությունն է որոշողը, թե ում կողմում է օրենքը, ում կողմում է «օրենքի ուժը», ապա այդ դեպքում ինչի՞ համար է առհասարակ դատական իշխանությունը։ Ո՞ւր է տրամաբանությունը։ Ինչո՞ւ ենք մենք դատավորների այդպիսի բանակ պահում։ Այդքան ռեսուրսներ ծախսում դատարանների իբր անկախ գործունեությունն ապահովելու համար։ Ցրե՛լ բոլորին։ Թող ամեն ինչ որոշի գործադիր իշխանությունը։ Ով է իրավացի, ով՝ ոչ, ում կողմում է «օրենքի ուժը», ում կողմում՝ ոչ։ Ով է ճիշտ կարդում Սահմանադրությունը, ով՝ սխալ։ Ե՛վ փաստաբաններ այլևս պետք չեն լինի, և՛ իրավաբանական ֆակուլտետներ բուհերում: Պատկերացնո՞ւմ եք, թե ի՜նչ խնայողություն կլինի մեր ճաքճքած բյուջեի համար, եթե հրաժարվենք դատական իշխանությունից։

ԵՎ ՊԵՏՔ ՉԷ ՎԱԽԵՆԱԼ, ԹԵ ԻՆՉ ԿԱՍԵՆ ԱՇԽԱՐՀՈՒՄ։ Բոլորն արդեն վաղուց թքած ունեն, թե ինչ է կատարվում մեզ մոտ։ Մեզ այնտեղ դիտարկում են որպես բացառիկ գիտափորձ, և բոլորին հետաքրքիր է, թե ինչ է լինելու ի վերջո այս փորձաճագարների հետ։ Բայց դա էլ բնավ ամնեակարևորը չէ։

Կարևորն այն է, որ մենք գիտենք, որ մեր երկիրը ժողովրդավարության բաստիոնն է, իսկ այն բանից հետո, երբ կցրենք դատավորներին, ժողովրդավարությունն ընդհանրապես կճառագի իր ողջ շուքով։ Եվ մենք կդառնանք ոչ միայն աշխարհում առաջին երկիրը, որն ընդունել է քրիստոնեությունը որպես պետական կրոն։ Դա կմղվի երկրորդ պլան։ Քանի որ կդառնանք աշխարհում առաջին երկիրը, որտեղ ժողովրդավարության հաղթանակն ապահովվում է առանց քաշքշուկային դատական համակարգի։

Մենք իսկապես եզակի երկիր ենք ու եզակի ժողովուրդ։ Միայն մեզանում կարող է 3 տարի շարունակ իշխանության ղեկին լինել մի թիմ, որը մարմնավորում է բոլոր վատթարագույն հատկանիշները, որ կարող են լինել մարդու մեջ. ստախոսություն, ծախվածություն, ցինիզմ, ագահություն, իշխանության տենչ՝ ամեն գնով։ Միայն մեզանում կարող է երեք տարի շարունակ պետության ղեկին լինել մի մարդ, որը ձախողել է հնարավոր ու անհնար ամեն ինչ և շարունակում է հետևողականորեն փլուզել պետությունը։

Основная тема:
Իշխանությունն ու դատական համակարգը

Теги:
Օրենք դատական համակարգ ԶՈՒ Գլխավոր շտաբ

ПОСЛЕДНИЕ ОТ АВТОРА

  • «БАСТИОН» ВО ВСЕЙ КРАСЕ
    2025-05-21 12:14

    Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.

  • ЭРАТО ВСТУПИЛА НА ТРОПУ ВОЙНЫ
    2025-05-21 10:02

    Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.

  • ЧЕЛОВЕК ОТВЕРЖЕННЫЙ
    2025-05-21 09:38

    То, что Никол Пашинян выглядел не в своей тарелке на празднествах в Москве, было не только очевидно, но и ожидаемо. Никаких двусторонних встреч, наиболее частый собеседник - Александр Лукашенко, к которому симпатий Пашинян точно не питает… Запоминающийся момент, когда лидер Китая приветствует Лукашенко, а привставшего для рукопожатия Пашиняна просто не замечает? Случайно? Возможно, не специально. Просто Пашинян - такая незначительная для китайского лидера фигура, что можно действительно не обратить внимания на то, привстал он для приветствия или не привстал…

  • МЕДВЕДЬ ТОЛЬКО РАНЕН
    2025-05-17 10:10

    Деятельность оппозиции, как отдельных ее политических команд, так и в целом, в последние дни часто становится объектом критики. Главный тезис критики: вина оппозиции в том, что до сих у власти остается эта самовлюбленная команда амбициозных политиков во главе с Пашиняном, которая принесла Армении столько бед. Но надо помнить о большой эйфории, которая господствовала в обществе, когда эта команда приходила к власти. Это было следствием определенных просчетов прежних властей, но также и результатом работы, проводимой с общественным мнением республики рядом враждебных Армении структур: как в открытую, так и через подставные фигуры, часть которых и не подозревала, чьи интересы обслуживает.  

ПОСЛЕДНЕЕ ПО ТЕМЕ