2020-09-08 20:07
Марина МКРТЧЯН
0
«ԱՌԱՆՑ ՀՀԿ-Ի ՈՉ ՄԻ ԸՆԴԴԻՄԱԴԻՐ ՈՒԺ ՉԻ ԿԱՐՈՂ ՀԱՋՈՂՈՒԹՅԱՆ ՀԱՍՆԵԼ», -
հայտարարեց ՀՀԿ երիտասարդական կազմակերպության ղեկավար Հայկ ՄԱՄԻՋԱՆՅԱՆԸ
Մենք չենք գործում ընդդեմ ինչ-որ մեկի, մենք գործում ենք հանուն երկրի
-Անցած շաբաթ արտակարգ դրությունը փոխարինեցին կարանտինով: Ի՞նչ է դա նշանակում այն միջոցների լեզվով, որոնք իշխանությունը ձեռնարկում է ընդդիմության գործունեությունը սահմանափակելու համար։
-Կորոնավիրուսի դեմ պայքարին ուղղված գործողությունները դատապարտված էին ի սկզբանե, իշխանությունն անտեսում էր մասնագետների կարծիքը, որոշումներն ուշացած էին, իսկ նրանք, որոնք յուրաժամանակ էին թվում, իրականացվում էին համապատասխան վերահսկողության շրջանցումով: Փոխարենը խիստ հսկողության էին ենթարկվում իշխանության քաղաքական ընդդիմախոսների ակցիաներն ընդդեմ տխմար «բարեփոխումների» և ժողովրդավարության աղաղակող խախտումների։ Կառավարության և պարետատան միջոցառումները միտված էին ընդդիմության հնազանդեցմանը, այլ ոչ թե կորոնավիրուսի դեմ պայքարին։ Ինչ վերաբերում է կարանտինին, ապա դեռ վաղ է եզրահանգումներ անել, կառավարությունը դեռ չի հնչեցրել բոլոր նորմատիվ ակտերը, որոնք անհրաժեշտ են, որպեսզի համակարգն աշխատի:
-Ուրբաթ օրը Ռեֆորմիստների կուսակցության երթն անցավ կենտրոնական փողոցներով, մասնակիցները վանկարկում էին. «Նիկոլ, ստախո՛ս» և «Նիկոլ, հեռացի՛ր», չբախվելով չնչին իսկ դիմադրության։ Անցորդները միայն հավանություն էին տալիս այդ կարգախոսներին։ Երթը ցույց տվեց, որ Հայաստանում չկա քաղաքացիական պատերազմի վտանգ, որով պատճառաբանում էին որոշ ընդդիմադիրներ հանրահավաքների ու երթերի անցկացման մտավախությունը՝ «իրար դեմ պատ կազմած» քաղաքացիական դիմակայություն չառաջացնելու համար։ Ձեր կարծիքով, ի՞նչ եզրահանգումներ են բխում այդ ակցիայից:
-ՀՀԿ-ն երբեք չի խուսափել փողոցային ակցիաներից, և սեպտեմբերի 4-ի ակցիան բնավ առաջինը չէր։ Հանրապետականները պարբերաբար փողոցային ակցիաներ են անցկացնում, վերջինը մեկ ամիս առաջ էր՝ Հայաստանում ԵՄ ներկայացուցչության մոտ։ Իսկ որպես առաջին բազմամարդ ակցիա՝ ես կհիշատակեի դատարանի շենքի մոտ տեղի ունեցած ակցիան ի պաշտպանություն երրորդ նախագահ Սերժ Սարգսյանի, ուր եկել էին հազարավոր քաղաքացիներ, առանց մեր կողմից որևէ կոչի։ Երբ մարդը, որի դեմ քաղաքական շարժառիթներով քրեական գործ են սարքում, դատարանի շենքի շեմից ոտքը ներս դնելուց առաջ արտաբերում է «Արցախը երբեք չի՛ լինելու Ադրբեջանի կազմում» արտահայտությունը, ապա, համաձայնեք, դա անչափ գնահատելի է։ Այդ արտահայտության մեջ է ամփոփված մեր գլոբալ տարբերությունը Նիկոլից. մենք չենք գործում ընդդեմ ինչ-որ մեկի, մենք գործում ենք հանուն երկրի։
«Ես գիտեմ, որ ես մեծամասնությունից եմ»
-Երրորդ նախագահի կողմից դա արարք էր, դատարանի շեմին հնչած այդ արտահայտությունն արդեն մեր պատմության մասն է։ Ինչու էին 2,5 տարի առաջ մարդիկ փողոց դուրս գալիս «Մերժի՛ր Սերժին» «Մերժի՛ր ՀՀԿ-ին» կարգախոսներով, իսկ այսօր հանրահավաքներ են կազմակերպում ի պաշտպանություն այն ավանդական արժեքների, որոնք անբաժան են հանրապետականների գաղափարախոսությունից, ի՞նչն է խաթարված մեր հասարակության մեջ։
-Հասարակության պարագայում ամեն ինչ կարգին է, պարզապես 2,5 տարի առաջ նրա նկատմամբ կիրառեցին հայտնի տեխնոլոգիաները։ Ես չեմ հոգնում կրկնելուց, որ ինձ չեն հետաքրքրում 2018 թվականի արտահերթ ընտրությունների արդյունքներով նկարած թվերը, ես գիտեմ, որ ես մեծամասնությունից եմ։ Խոսքն այն մեծամասնության մասին է, որն այսօր, ինչպեսև 2,5 տարի առաջ, հավատարիմ է ավանդական պահպանողական արժեքներին։ 2,5 տարվա ընթացքում Նիկոլը հասցրեց կրկնել նախորդ կառավարությունների և բարձրաստիճան պաշտոնյաների բոլոր սխալները։ Նիկոլից առաջ պահանջվում էր 5-10 տարի, որպեսզի ղեկավար աշխատողի աչքը պղտորվի, և նա դադարի տեսնել իրերն այնպիսին, ինչպիսին դրանք օբյեկտիվ իրականության մեջ են։ Նիկոլը իրականությունը տեսնում է նույնիսկ ոչ այնպես, ինչպես այն պատկերում է Հանրային հեռուստատեսությունը, նա տեսնում է իրականությունը ֆեյսբուքյան հայելու մեջ։ Մոռանալով, որ հենց ինքն է ֆինանսավորում բոլոր «լայքերն» ու մեկնաբանությունները. սեփական ձեռքով ստորագրելով համապատասխան հատկացումների վերաբերյալ փաստաթղթերը, նա անկեղծորեն ուրախանում է այդ պատվիրված «լայքերով» ու մեկնաբանություններով։
- Անհամարժեքության ակնհայտ նշաններ ունեցող վարչապետը նվեր է ցանկացած ընդդիմության համար։ Ինչի՞ց եք դժգոհ։
-Բացատրեմ, թե ինչու նա նվեր չէ: Փաշինյանը քաղաքական բանավեճի նշաձողն իջեցրել է հատակի մակարդակի։ Ես չեմ կարող բանավիճել հարկման համակարգերի կամ կրթական բարեփոխման մասին, երբ ընդդիմախոսը երկրորդ արտահայտությունից հետո սկսում է խոսել նախկին իշխանության կողմից իբր գողացված միլիոնների մասին: Կարծում եմ, նրանք, ովքեր այսօր իշխանության ղեկին են, հենց նախկիններն են, որ կան։ Չգիտեմ՝ ինչի մասին կարելի է խոսել այն մարդկանց հետ, որոնք «իզմեր» չեն ճանաչում. քաղաքականության մեջ նման բան հնարավոր չէ…
- Հարկման համակարգերի և բարեփոխումների մասին բանավեճերն այսօր ամենից քիչ են հետաքրքրում մտածող քաղաքականացված հանրությանը, բոլորն արդեն գիտակցել են, որ քանի դեռ այս ընչաքաղց ոհմակն իշխանության ղեկին է, ոչ մի շարժ չի լինելու: Մարդկանց հետաքրքրում է, թե երբ է ընդդիմությունը միավորվելու, երբ են քաղաքական ուժերը համատեղ գլխավորելու պայքարն ընդդեմ անգործունակ կառավարության և վարչապետի։
-Հանրապետականների մարդկային, մտավոր և կազմակերպչական ռեսուրսները, իսկ ամենագլխավորը՝ քաղաքական փորձը հուշում են ներկայիս ընդդիմադիր էլիտային, որ առանց ՀՀԿ-ի ոչ մի ընդդիմադիր ուժ չի կարող հաջողության հասնել։ Այսօր ՀՀԿ-ի օրակարգը հանգում է վարչապետի հրաժարականին, ժամանակավոր կառավարության ձևավորմանը և արտահերթ խորհրդարանական ընտրությունների անցկացմանը։ Հաջորդ շաբաթվա իմ օրակարգը ՀՀԿ-ի անդամության 50-60 երիտասարդ թեկնածուների հետ հանդիպումն է Երևանում, այնուհետ հանդիպումը 20 թեկնածուների հետ մարզերից մեկում, մասնակցությունը երիտասարդական զանգվածային միջոցառմանը և մի քանի հարցազրույցներ։
-Ինչպե՞ս եք վերաբերվում հանրահավաք անցկացնելու մտադրության մասին Ծառուկյանի հայտարարությանը:
-Ինչպես լրահոսին. կարդացի և անցա առաջ։ Մենք որևէ ընդդիմադիր ուժի հետ խնդիր չունենք։
«Նիկոլը բացահայտ կերպով մեկնում է կեղտոտ ձեռքերը դեպի Արցախ…»
-Մտավախություններ չունե՞ք, որ տարերային փողոցային ակցիաները կարող են առաջ անցնել ռեժիմի տապալման ուղղությամբ ընդդիմության միահամուռ գործողություններից և այդ տարերային ելույթներին կարող են հեծնել ինչ-որ ապակառուցողական ուժեր:
-Ցանկանում եմ հիշեցնել, որ երբ Նիկոլը դեռ նոր էր մտել Երևան՝ Գյումրիից կատարած քայլարշավից հետո, առաջին հանրահավաքին ներկա էր ընդամենը 300 մարդ, և խոսք անգամ չկար, որ Փաշինյանը կարող է դառնալ վարչապետ։ Եթե Նիկոլն այդ ժամանակ խոսեր իր հավակնությունների մասին, ապա 300-ից կմնար 10-15 մարդ։ Մինչև 2018 թվականը զանգվածային ակցիաները քաղաքական չէին («Էլեկտրիկ Երևան», «100 դրամ» և այլն), ուստի չեմ բացառում, որ ժողովուրդն ինքը կարող է կազմակերպված պայքարի ելնել՝ ի պաշտպանություն ազգային ավանդական արժեքների։ Նիկոլը բացահայտ կերպով մեկնում է կեղտոտ ձեռքերը դեպի Արցախ, հայկական ընտանիք ու բանակ, ուստի զանգվածները կարող են տարերայնորեն պայքարի ելնել՝ առանց քաղաքական ուժերի վրա հենվելու։ Մեր ժողովուրդն օժտված է իմաստուն կոլեկտիվ մտածողությամբ, այնպես որ պատրաստ է պաշտպան կանգնել իրական արժեքներին։ Եթե կառավարությունն այնպիսի բան անի, ինչը կդրդի լայն զանգվածներին հանկարծակի դուրս գալ փողոց, ապա կուսակցությունը պետք է պատրաստ լինի ներգրավվել գործընթացներում։ Ինչպես մի առիթով նկատել է ՀՀԿ փոխնախագահ Արմեն Աշոտյանը, մենք պետք է պատրաստ լինենք և՛ մարաթոնի, և՛ սպրինտի։ Դրա համար մեր տրամադրության տակ կա օրինական քաղաքական մեթոդների և միջոցների ամենահարուստ գործիքակազմ…
-Ստացվում է, որ երեք ընդդիմադիր բևեռների միավորման գաղափարն այսօր ձեզ համար արդիական չէ՞։
-Գիտեք, միավորված կամ չմիավորված ընդդիմության, միասնական առաջնորդների և այլ պարագաների մասին խոսակցությունները չափազանց շատ ժամանակ են խլում. ես նախընտրում եմ ծախսել այդ ժամանակն աշխատանքի վրա, որպեսզի արդյունք ապահովվի ամենամոտ ապագայում։
-Հետևաբար՝ ձեր աշխատանքը նպատակաուղղված է մոտ ապագայում ձեռքբերելիք արդյունքի՞, դուք աշխատում եք ապագայի համար, որը սարերի հետևում չէ՞:
- Ես աշխատում եմ Հանրապետական կուսակցության գրասենյակում…
ПОСЛЕДНИЕ ОТ АВТОРА
-
2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
-
2024-04-24 09:57В ходе повторного визита Пашинян успокоил тавушцев, дескать, 4 деревни не будут сданы, а обмен территориями состоится в пользу тавушцев. Обман раскрылся почти сразу: когда на приграничные участки прибыли геодезисты и специалисты по разминированию, стало очевидно, что жители Тавуша могут разделить судьбу жителей Шурнуха, которые лишились своих домов в обход делимитации и каких-либо законных оснований!
-
2024-04-24 09:40"Армянский народ надо уничтожить в корне… Сейчас идет война, другого такого случая больше не будет", - дословно было произнесено в ходе секретного заседания высших чинов младотурецкого государства в 1915 г. 109-й годовщине предшествуют попытки правящей верхушки поставить под сомнение факт Геноцида в Западной Армении, специалисты считают, что инициатива исходит от Анкары, а это значит, что Геноцид продолжается в виде ревизии факта и попытки забвения. По мере приближения 109 годовщины становится очевиднее, что режим Пашиняна участвует в гибридной войне против армянского народа на стороне геноцидных государств!
-
2024-04-22 10:57"В день отставки Сержа Саргсяна, 23 апреля 2018 г., мы пошли к первому президенту и застали его в очень серьезном и даже мрачном расположении духа. Мы спросили: "Господин президент, весь народ ликует, почему вы в таком настроении?" Он сказал фразу, которая до сих пор не выходит у меня из головы, это был тот самый день, когда еще многие вещи не были ясны, например, станет ли Пашинян премьер-министром или нет? Левон Тер-Петросян сказал: "Послушайте, вы не понимаете, что сегодня я самый несчастный человек в Армении, потому что к власти идет тот, кто погубит Арцах и Армению!", - рассказал в январе 2024 г. зампредседателя АНК Левон Зурабян. Он признался, что тогда, после 23 апреля 2018 г., эти слова показались ему преувеличением, однако с позиции 2024 г. вынужден признать, что прогнозы Тер-Петросяна постепенно воплощаются в жизнь.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։