Թուրքիայի նախագահ Էրդողանի և ԱՄՆ նախագահ Թրամփի միջև հեռախոսազրույցի ընթացքում քննարկվել են Թուրքիայի և ԱՄՆ-ի երկկողմ հարաբերությունները, տարածաշրջանային և գլոբալ հարցեր, հաղորդում են թուրքական լրատվամիջոցները։

2025 թվականի մայիսին ՄԱԿ-ի Բնակչության հիմնադրամը (UNFPA) կավարտի Ադրբեջանում իր գրասենյակի աշխատանքը։

Ըստ Արժույթի միջազգային հիմնադրամի զեկույցի՝ Հայաստանը մեկ շնչի հաշվով ՀՆԱ-ի ցուցանիշով Հարավային Կովկասի երկրների շարքում զբաղեցնում է երկրորդ տեղը։

Լեռնային Ղարաբաղի փախստականների իրավապաշտպան միության նախագահ Անդրանիկ Գրիգորյանը ընթացիկ օրերին մասնակցում է Վիեննայում ԵԱՀԿ Ժողովրդավարական հաստատությունների և մարդու իրավունքների գրասենյակի կողմից կազմակերպված Մարդկային հարթության 2025 թ․ երկրորդ կոնֆերանսին, որը նվիրված է նաև մարդու իրավունքների պաշտպանների մարտահրավերներին։

Ադրբեջանը շարունակում է պղծել օկուպացված Ստեփանակերտի եղբայրական գերեզմանոցը, հայտնում է «Արցախի մշակութային ժառանգության մշտադիտարկում» (Monument Watch) ծրագիրը։

Հայ-վրացական սահմանի Գոգավան-Գուգութի անցակետում ժամանակավորապես դադարեցված է բեռնատարների մուտքը և ելքը։ Տեղեկությունը հայտնում է Հայաստանի պետական եկամուտների կոմիտեն։

Բելառուսը մտադիր է առաջիկայում Ադրբեջանի ռազմարդյունաբերական համալիրի հետ համատեղ արտադրանք թողարկել, հայտարարել է Բելառուսի պետական ռազմարդյունաբերական կոմիտեի նախագահ Դմիտրի Պանտուսը, փոխանցում է ԲԵԼՏԱ-ն։

Հնդկաստանի բանակը ՝ Փահալգամում 26 մարդու կյանք խլած ահաբեկչական հարձակումից հետո Պակիստանի հետ աճող լարվածության ֆոնին ռուսական զենիթային հրթիռների և Игла-С շարժական հակաօդային պաշտպանության համակարգերի նոր խմբաքանակ է ստացել։ Դրա մասին գրում է India Today պարբերականը։

Բաքվում կայացել է Արցախի նախկին ղեկավարների շինծու դատավարության հերթական նիստը։