Եթե մինչև աշուն չհաջողվի հեռացնել Փաշինյանին, իշխող ռեժիմն ընտրություններ կանցկացնի: Դրա մասին NEWS.am-ի թղթակցի հետ զրույցում հայտարարել է «Հայաստան» դաշինքի պատգամավոր Գառնիկ Դանիելյանը։

Ռուսաստանի Պետդումայի պատգամավորները լիագումար նիստում միաձայն ընդունել են Ռուսաստանի Դաշնության և Իրանի Իսլամական Հանրապետության միջև Համապարփակ ռազմավարական գործընկերության մասին պայմանագրի վավերացման մասին օրենքը։

Դիվանագիտական առաքելությունների գործունեությանը վերաբերող ռուս-ամերիկյան խորհրդակցությունների երկրորդ փուլը տեղի կունենա առաջիկա օրերին՝ Ստամբուլում: Այս մասին ՌԻԱ Նովոստիին հայտնել է ՌԴ ԱԳՆ-ն։

Հանրային մուլտիպլեքսում արտասահմանյան հեռուստաալիքների և հաղորդումների հեռարձակումը սպառնալիք է Հայաստանի համար։ Այս մասին ապրիլի 8-ին ԱԺ կրթության, գիտության, մշակույթի, սփյուռքի, երիտասարդության և սպորտի հարցերի մշտական ​​հանձնաժողովի նիստում Հեռուստատեսության և ռադիոյի հանձնաժողովի՝ 2024 թվականի տեսալսողական լրատվամիջոցներում տեղեկատվության ազատության գործունեության և վիճակի մասին զեկույցի ներկայացման ժամանակ ասաց հանձնաժողովի նախագահ Տիգրան Հակոբյանը։

Լեռնային Ղարաբաղից բռնի տեղահանված անձանց անձնագրերում ծննդավայրը որպես Ադրբեջան է նշվում որոշ իրավական և տեխնիկական պատճառներով։ Այս մասին Sputnik Արմենիային հայտնեցին ՀՀ ներքին գործերի նախարարության մամուլի ծառայությունից։

Վերջերս Ֆրանսիան ջանքեր է գործադրել, որ 2 հեռուստաալիք ունենա Հայաստան հանրային մուլտիպլեքսում, բայց մերժվել է։ Ազգային ժողովում այս մասին հայտնեց Հեռուստատեսության և ռադիոյի հանձնաժողովի նախագահ Տիգրան Հակոբյանը։

Ժողովրդահանրապետական կուսակցության անդամ, Բոլուի քաղաքապետ Թանժու Օզջանը ապրիլի 5-ին սոցիալական հարթակում հակահայկական գրառում է կատարել՝ նշելով. «Աբդուլլահ Օջալան, երանի հայ հայրդ 2 վայրկյան շուտ վերջացներ, ու դու չծնվեիր։ Տա՜ Աստված՝ սա քո վերջին տարեդարձը լինի, դավաճա՛ն․․․»։

Եթե ​​Հայաստանը չընդունի Վերա Աղասյանի դին, նրա ճակատագիրը կորոշեն Ադրբեջանի համապատասխան պետական ​​մարմինները։ Ինչպես տեղեկացրել է APA-ն, այս մասին հայտնել է Ադրբեջանի առողջապահության նախարարության դատաբժշկական փորձաքննության և ախտաբանական անատոմիայի ասոցիացիայի գլխավոր տնօրեն Ադալաթ Հասանովը։

«Մեր քաղաքը» դաշինքը ձևավորվել է «Հայրենիք» և «Միացյալ Հայաստան» կուսակցությունների միջև՝ Գյումրի համայնքի ավագանու ընտրություններին մասնակցելու նպատակով։ Դաշինքի ավագանու թեկնածուների ցուցակը գլխավորել է Մարտուն Գրիգորյանը։ Քարոզարշավի ողջ ընթացքում դաշինքի մաս կազմող կուսակցությունները լիովին աջակցել են Մարտուն Գրիգորյանի գլխավորությամբ կազմված ավագանու ցուցակին՝ ներդնելով հնարավոր բոլոր ջանքերը։ Այս մասին հայտարարություն է տարածել «Հայրենիք» կուսակցությունը: