Հայաստանի Հանրապետական կուսակցության Գործադիր մարմինը խստորեն դատապարտում է ՀՀԿ ԳՄ անդամ, ՀՀ 8-րդ գումարման Ազգային Ժողովի «Պատիվ ունեմ» խմբակցության պատգամավոր Տարոն Մարգարյանի նկատմամբ շուրջ 7 տարի շարունակվող քաղաքական հետապնդման հերթական դրսևորումը՝ ՀՀ գլխավոր դատախազի կողմից ՀՀ Ազգային Ժողով ներկայացված քրեական հետապնդում հարուցելուն համաձայնություն տալու միջնորդությունը։ Այս մասին հայտարարություն է տարածել Հայաստանի Հանրապետական կուսակցության Գործադիր մարմինը:

Տարոն Մարգարյանի նկատմամբ տեղի է ունենում դասական քաղաքական հետապնդում։ Այս մասին Ֆեյսբուքի իր էջում գրել է ՀՀԿ ԳՄ անդամ Էդուարդ Շարմազանովը։

Հայաստանն ու Նիդեռլանդներն այսօր ռազմավարական գործընկերության մասին հռչակագիր են ստորագրել։ Նիդեռլանդների արտգործնախարար Կասպար Վելդկամպի հետ համատեղ ասուլիսի ժամանակ հայտնեց ՀՀ ԱԳ նախարար Արարատ Միրզոյանը։

ԱՄՆ Ներկայացուցիչների պալատում օրինագիծ է ներկայացվել Թուրքիայի դիվանագիտական կարգավիճակը եվրոպական պետությունից մերձավորարևելյան պետության փոխելու պահանջով:

Նիդեռլանդների արտգործնախարար Կասպար Վելդկամպն անտեսել է Ադրբեջանի նախագահի դեմ պատժամիջոցների հարցը։

Արդեն 8-րդ անգամ Հայաստանի մայրաքաղաքում կանցկացվի Ֆրանսիական կինոյի փառատոն ՝ Ֆրանկոֆոնիայի միջազգային օրվա շրջանակում: Ինչպես հայտնում է Հայաստանի ֆրանսիական ինստիտուտը, հանդիսատեսին սպասվում է ժամանակակից ֆրանսիական կինոյի հարուստ և բազմազան ընտրություն. կատակերգություն, դրամա, վավերագրական և անիմացիոն ֆիլմեր:

Երրորդ նախագահ Սերժ Սարգսյանին նոր մեղադրանք է ներկայացվել, «Լուրերի» հարցմանն ի պատասխան հայտնել են Գլխավոր դատախազությունից: Իսակովի պողոտային և «Եռաբլուր» զինվորական պանթեոնին հարակից հողատարածքների ապօրինի օտարման դեպքերի վերաբերյալ նախաձեռնված քրեական վարույթով Սերժ Սարգսյանին մեղադրանք է ներկայացվել 18 դրվագ խոշոր չափի հափշտակության, 2 դրվագ խոշոր չափի փողերի լվացման, 3 դրվագ այն օժանդակելու համար: Սարգսյանի նկատմամբ որպես խափանման միջոց է ընտրվել բացակայելու արգելքը:

ՀՀ գլխավոր դատախազ Աննա Վարդապետյանը Ազգային ժողովին միջնորդել է պատգամավորներ Հովիկ Աղազարյանի և Տարոն Մարգարյանի նկատմամբ քրեական հետապնդում հարուցելուն համաձայնություն տալու մասին։ Այս մասին Sputnik Արմենիային հայտնեցին ՀՀ դատախազության մամուլի ծառայությունից։

Ռուսաստանը չի ցանկանում առաջ ընկնել հաշտության հարցում, Մոսկվան նախ պետք է տեղեկություն ստանա ԱՄՆ–ից։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։