Արցախի Հանրապետության կրթության, գիտության, մշակույթի և սպորտի նախարարությունը հայտնում է, որ փետրվարի 23-ից Արցախի Հանրապետությունում գործող բոլոր նախադպրոցական ուսումնական հաստատություններում (մանկապարտեզներում) կվերսկսվի ուսումնադաստիարակչական գործընթացը:

Հրադադարի ռեժիմի երեք խախտում է արձանագրվել Լեռնային Ղարաբաղում: Այս մասին հայտնում են ՌԴ ՊՆ-ից։

Human Rights Watch միջազգային իրավապաշտպան կազմակերպությունը հրապարակմամբ ներկայացրել է Ադրբեջանի կողմից Լաչինի միջանցքը արգելափակելու հետևանքով Լեռնային Ղարաբաղում ստեղծված հումանիտար ճգնաժամի պատկերը:

ՄԱԿ-ի Արդարադատության միջազգային դատարանն այսօր միաձայն մերժել է 2023թ.հունվարի 4-ին Ադրբեջանի ներկայացրած միջանկյալ միջոցների պահանջը։

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Սերգեյ Ղազարյանի այցը ՌԴ չի կարելի դիտարկել որպես աշխատանքային։ Փետրվարի 22-ին կայացած ճեպազրույցի ժամանակ պատասխանելով հարցին՝ Զախարովան հայտարարել է, որ որքան իրեն հայտնի է, «հիշյալ անձը ՌԴ տարածքում գտնվել է մասնավոր նպատակներով»։ Զախարովան հանդիպումների անցկացման մասին տեղեկություններ չունի։ «Նման տեղեկություն չկա։ Այդ այցը անձնական բնույթ էր կրում»,-ասել է Զախարովան։

Ադրբեջանը, նախքան այս գործով վերջնական որոշում կայացնելը, պարտավոր է իր ստանձնած պարտականություններով ձեռնարկել բոլոր միջոցները, որպեսզի ապահովի տրանսպորտի և մարդկանց անխափան տեղաշարժը Լաչինի միջանցքով՝ երկու ուղղություններով։ Արդարադատության միջազգային դատարանը նման որոշում կայացրեց Հայաստանի կողմից ներկայացված «Լաչինի միջանցքի» ապաշրջափակման վերաբերյալ ժամանակավոր միջոց կիրառելու պահանջի մասին։

Ռուսաստանի ԱԳ նախարար Սերգեյ Լավրովը փետրվարի 27-28-ը պաշտոնական այցով կմեկնի Ադրբեջան, հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան: Նրա խոսքով, սպասվում են բանակցություններ Ադրբեջանի նախագահ Իլհամ Ալիևի և իր ադրբեջանցի գործընկեր Ջեյհուն Բայրամովի հետ:

Մոսկվան Բաքվի և Երևանի հետ երկխոսության մեջ շարունակում է փոխշահավետ հանգուցալուծումների որոնումը, որոնք կօգնեն վերականգնել Լաչինի միջանցքի լիարժեք գործունեությունը` նոյեմբերի 9-ի հայտարարության համաձայն, ու բարելավել հումանիտար իրավիճակը Լեռնային Ղարաբաղում: Տեղեկությունն այսօր ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ գնահատել է Ջո Բայդենի այցը Կիև, հաղորդում է «Московский комсомолец»-ը։