ՀՀ բարձր տեխնոլոգիական արդյունաբերության նախարար Ռոբերտ Խաչատրյանը Արաբական Միացյալ Էմիրություններ կատարած աշխատանքային այցի շրջանակում հանդիպումներ է ունեցել ԱՄԷ պաշտպանության պետնախարար Մոհամմադ Ահմադ ալ Բովարդիի և «Թավազուն» տնտեսական խորհրդի գործադիր տնօրեն Թարեք Աբդուլ Ռահիմ ալ Հոսանի հետ:

Տեղի է ունեցել ՀՀ տարածքային կառավարման և ենթակառուցվածքների նախարար Գնել Սանոսյանի և «Ռոսատոմ» պետական կորպորացիայի գլխավոր տնօրենի տեղակալ Նիկոլայ Սպասկիի գլխավորած պատվիրակության հանդիպումը։

Փետրվարի 21-ին Արցախի Հանրապետության ԱԳ նախարար Սերգեյ Ղազարյանը հանդիպում է ունեցել Եվրոպական խորհրդարանի ֆրանսիացի պատգամավորներ, Արցախի հետ բարեկամության խմբի համանախագահներ Սիլվի Գիյոմի, Ֆրանսուա Ալֆոնսիի գլխավորած պատվիրակության, ՀՅԴ Հայ դատի Եվրոպայի գրասենյակի նախագահ Գասպար Կարապետյանի, նույն գրասենյակի տնօրեն Հեղինե Էվինյանի ու Հայ դատի Կենտրոնական գրասենյակի հատուկ ծրագրերի պատասխանատու Գևորգ Ղուկասյանի հետ:

Հրապարակվել է Արցախի կառավարության տեղեկագիրը՝ շրջափակման 73-րդ օրվա դրությամբ:

Թուրքիայում 61 փաստաբան պահանջում են քրգործ հարուցել Թուրքիայի նախագահ Ռեջեփ Թայիփ Էրդողանի դեմ երկրաշարժի կապակցությամբ, գրում է ermenihaber.am-ը։

Հայաստանն ադրբեջանական կողմից հաստատում է ստացել Ստեփանակերտի և Բաքվի միջև միջազգային տեսանելի մեխանիզմի միջոցով բանակցություն անցկացնելու պատրաստակամության վերաբերյալ։ Լյուքսեմբուրգի Մեծ Դքսության արտգործնախարար Ժան Ասելբորնի հետ համատեղ ասուլիսի ժամանակ այս հայտարարությունն արեց ՀՀ արտգործնախարար Արարատ Միրզոյանը։

Միջազգային հարաբերություններն այսօր բարդ են։ Երկբևեռ համակարգի փլուզումից հետո դրանք ավելի լավը չեն դարձել, ընդհակառակը, նույնիսկ ավելի սուր բնույթ են ստացել։ Այս առումով Չինաստանի Ժողովրդական Հանրապետության և Ռուսաստանի Դաշնության միջև համագործակցությունը միջազգային ասպարեզում շատ կարևոր է միջազգային իրավիճակի կայունացման համար։

Լյուքսեմբուրգը պատճառ չի տեսնում Լաչինի միջանցքի շրջափակման համար և հիշեցնում է, որ այլ եվրոպական գործընկերների հետ արդեն Ադրբեջանի իշխանություններին կոչ են արել ապահովել ազատ և անվտանգ տեղաշարժն այդ հատվածով։ Այս մասին ՀՀ արտգործնախարար Արարատ Միրզոյանի հետ համատեղ ասուլիսում հայտարարեց Լյուքսեմբուրգի Մեծ Դքսության արտգործանախարար Ժան Ասելբորնը։

Ադրբեջանի նախագահն առաջարկել է Լաչինի միջանցքում և Հայաստանի սահմանին անցակետեր տեղադրել, բայց Լաչինի միջանցքի կարգավորումների վերաբանակցում` այն էլ ուժի գործադրման արդյունքում, Հայաստանի համար ընդունելի չէ։ Այս մասին այսօր Լյուքսեմբուրգի ԱԳ նախարար Ժան Ասելբորնի հետ մամուլի ասուլիսին հայտարարեց ՀՀ արտաքին գործերի նախարար Արարատ Միրզոյանը։