Շրջափակման 57-րդ օրը Արցախի կառավարության տեղեկագիրը նոր տվյալներ է հրապարակել.

Երևանում այսօր մեկնարկել է ՀՅԴ Երիտասարդականի Համաշխարհային համագումարը: Մինչ ելույթները համագումարի մասնակիցները հոտնկյաս ունկնդրեցին Հայաստանի, Արցախի օրհներգները, ՀՅԴ քայլերգը, ապա մեկ րոպե լռությամբ հարգեցին հայրենիքի պաշտպանության գործում, բոլոր ժամանակներում ազգային ազատագրական պայքարում զոհվածների հիշատակը։

Թուրքիայում տեղի ունեցած երկրաշարժի հետևանքով վնասվել են նաև հայկական եկեղեցիներ։ Sputnik Արմենիային Ստամբուլում հրապարակվող «Ժամանակ» թերթի գլխավոր խմբագիր Արա Գոչունյանը հայտնեց` Իսքենդերունի շրջանում Սրբոց Քառասուն Մանուկ եկեղեցին է վնասվել։

Ամբողջ Սիրիայում երկաթուղային հաղորդակցությունը դադարեցվել է՝ ստուգելու համար երկաթուղու վիճակը երկուշաբթի առավոտյան երկրի մի շարք շրջաններում տեղի ունեցած ավերիչ երկրաշարժից հետո, նշվել է Սիրիայի տրանսպորտի նախարարության հայտարարությունում, որը հաղորդել է «Ալ-Իհբարիա» հեռուստաալիքը։

Ռուսաստանի նախագահ Վլադիմիր Պուտինը երկրաշարժի բազմաթիվ զոհերի հետ կապված ցավակցություն է հայտնել Սիրիայի նախագահ Բաշար Ասադին և Թուրքիայի նախագահ Էրդողանին` նշելով, որ Մոսկվան պատրաստ է անհրաժեշտ օգնություն ցուցաբերել։ Համապատասխան հեռագրերը հրապարակված են Կրեմլի կայքում։

Սիրիայում տեղի ունեցած երկրաշարժի հետևանքով հայերի շրջանում այս պահին հայտնի է 2 զոհի մասին։ Տեղեկությունը Sputnik Արմենիայի հետ զրույցում հայտնեց Սիրիայի Հայ բարեգործական ընդհանուր միության ատենապետ Ներսես Ներսոյանը։

Կոնգրեսի գրադարանի Աֆրիկայի և Մերձավոր Արևելքի բաժինը վերջերս ավարտել է իր ամենափոքր հայերեն քառավետարանի (9,8×7,5 սմ) թվայնացումը։

Թուրքիայում տեղի ունեցած երկրաշարժի հետևանքով զոհերի թիվը հասել է 284-ի, իսկ վիրավորվել է 2383-ը, հայտնել Է Թուրքիայի փոխնախագահ Ֆուաթ Օքթայը, տեղեկանում ենք Trend-ից:

Սիրիայում երկրաշարժի պատճառով վնասվել է Հալեպի պատմական կենտրոնը։ Այս մասին գրում է ՌԻԱ Նովոստին: