Արցախի պետնախարարի խորհրդական Արտակ Բեգլարյանը, ԱՀ մարդու իրավունքների պաշտպան Գեղամ Ստեփանյանը և նրանց կողմնակիցները բողոքի ակցիաներ իրականացրին Երևանում` ԱՄՆ–ի, Չինաստանի, Ռուսաստանի, Ֆրանսիայի, Մեծ Բրիտանիայի դեսպանատների, ինչպես նաև ԵՄ պատվիրակության գրասենյակի մոտ։

«Հայաստանի ազգային արխիվ» պետական ոչ առևտրային կազմակերպության տնօրենի թափուր պաշտոնն զբաղեցնելու համար հայտարարված մրցույթի հարցազրույցի փուլն անցել ու տնօրեն է ընտրվել Արթուր Ստեփանյանը։ Տեղեկությունը հայտնում է ՀՀ արդարադատության նախարարությունը։

ԲԴԽ անդամ Ստեփան Միքայելյանի լիազորությունները դադարեցվել են, իր իսկ դիմումի համաձայն։ Տեղեկությունը հայտնում է Բարձրագույն դատական խորհրդի մամուլի ծառայությունը։

Ադրբեջանի կողմից օկուպացված, բայց դեռևս Արցախի ցանցին միացված հայկական տարածքների գազամատակարարումը բացառելու համար հայկական կողմը ձեռնարկել է համապատասխան միջոցներ։

Սանկտ Պետերբուրգում կայացել է ՀԱՊԿ պետությունների լիազոր մարմինների կենսաանվտանգության հարցերով համակարգող խորհրդի առաջին նիստը։ Այս մասին հայտնում է ՀԱՊԿ մամուլի ծառայությունը։

ԱՄՆ դեսպանատան դիմաց ի պաշտպանություն շրջափակման մեջ հայտնված արցախցիների բողոքի ակցիայի մասնակիցները թղթից պատրաստված «ինքննաթիռներ» նետեցին դեսպանատան տարածք՝ դրանով արտահայտելով իրենց բողոքը և նաև խորհրդանշական ակցիա, որ միջազգային հանրությունը նաև օդային հումանիտար միջանցք բացի Արցախի համար։

Դեկտեմբերի 14-ին Արցախի Հանրապետության արտաքին գործերի նախարարի ժամանակավոր պաշտոնակատար Դավիթ Բաբայանը գրություններ է ուղարկել ՄԱԿ-ի գլխավոր քարտուղար Անտոնիո Գուտերեշին, ԵԱՀԿ գործող նախագահ, Լեհաստանի արտգործնախարար Զբիգնև Ռաուին, ՀՀ-ում ԵՄ պատվիրակության ղեկավար, դեսպան` Անդրեա Վիկտորինին, ԵԽ գրասենյակի ղեկավար Մարտինա Շմիդտին, ՀՀ-ում ՄԱԿ-ի մշտական համակարգողի պաշտոնակատար Քրիստինե Վայգանդին, ՀՀ-ում Ռուսաստանի Դաշնության, Ամերիկայի Միացյալ Նահանգների, Ֆրանսիական Հանրապետության, Իրանի Իսլամական Հանրապետության, Գերմանիայի Դաշնային Հանրապետության, Մեծ Բրիտանիայի և Հյուսիսային Իռլանդիայի Միացյալ Թագավորության, Չինաստանի Ժողովրդական Հանրապետության, Հունաստանի Հանրապետության, Ավստրալիական Միության, Եգիպտոսի Արաբական Հանրապետության, Եթովպիայի Դաշնային Ժողովրդավարական Հանրապետության դեսպաններին և մի շարք այլ միջազգային կազմակերպությունների։

Հրապարակելով «Արցախը Հայաստանի ու աշխարհի հետ կապող միակ ճանապարհի փակման հումանիտար հետևանքների մասին» Հայաստանի և Արցախի Մարդու իրավունքների պաշտպանների այս արտահերթ համատեղ այս զեկույցը՝ միանում եմ Արցախի ՄԻՊ Գեղամ Ստեփանյանի կոչին։ Այս մասին ասված է ՀՀ մարդու իրավունքների պաշտպան Քրիստիննե Գրիգորյանի Ֆեյսբուքի էջում:

Ադրբեջանի կողմից Արցախը Հայաստանին կապող միակ ճանապարհի՝ Լաչինի միջանցքի փակ լինելու մասին ահազանգող քաղաքացիները Չինաստանին խնդրում են օգտագործել իր հեղինակությունը, հնարավորությունները՝ շրջափակված արցախահայության խնդիրը միջազգային հարթակներում քննարկման առարկա դարձնելու համար, սատար կանգնելու Արցախի ժողովրդի իրավունքների պաշտպանությանը։