Թուրքիան կրկին հայտարարել է Ադրբեջանին լիարժեք ևանվերապահ աջակցության մասին՝ շնորհավորելով Ադրբեջանին «նոյեմբերի 8-ի հաղթանակի օրվա» կապակցությամբ։

«Երևանի Մխիթար Հերացու անվան պետական բժշկական համալսարան» հիմնադրամին պատկանող առանձնապես խոշոր չափերով գույքի հափշտակության համար քրեական հետապնդում է հարուցվել բուհի նախկին ռեկտոր Մ. Ն.–ի նկատմամբ։ Տեղեկությունը հայտնում է ՀՀ գլխավոր դատախազությունը։

Մարդու իրավունքների պաշտպան Քրիստիննե Գրիգորյանը նոյեմբերի 7-ին Բրյուսելում մասնակցել է ՀՀ-ԵՄ Մարդու իրավունքների շուրջ երկխոսության նիստին։ Պաշտպանը իր խոսքում ներկայացրել է հաստատության հետևությունները Հայաստանում մարդու իրավունքների իրավիճակի, մարտահրավերների ու հնարավորությունների մասին։

Ադրբեջանում Իսրայելի դեսպանատունը Twitter-ի իր էջում գրառում է կատարել՝ շնորհավորելով Ադրբեջանին «հաղթանակի օրվա» կապակցությամբ և մաղթելով տարածաշրջանին խաղաղություն և բարգավաճում։

ՀԱՊԿ անդամ երկրների զինված ուժերի գլխավոր շտաբների պետերը նոյեմբերի 10-ին կքննարկեն ռազմական համագործակցության զարգացմանն առնչվող հարցեր, հայտնում է ՀԱՊԿ մամուլի ծառայությունը։

Որպես Արցախի Հանրապետութան պետնախարարի խորհրդականներ` ինձ հետ միասին աշխատելու են նախկին պետնախարարներ Արտակ Բեգլարյանը և Գրիգորի Մարտիրոսյանը, Արցախի մշակույթի և կրթության նախկին նախարար Նարինե Աղաբալյանը, Հայաստանի աշխատանքի և սոցիալական հարցերի նախկին նախարար Մեսրոպ Առաքելյանը և գործարար Արման Հակոբջանյանը: Այս մասին գրել է Արցախի նորանշանակ պետական նախարար Ռուբեն Վարդանյանը:

Իրանում անկարգությունները Գործողությունների համատեղ համապարփակ ծրագիրը (JCPOA կամ «միջուկային գործարք») վերականգնելու բանակցությունները տապալելու Միացյալ Նահանգների ծրագրի մի մասն էր: Այս մասին հայտարարել է Իսլամական Հանրապետության բանակի գլխավոր հրամանատար, գեներալ Աբդոլրահիմ Մուսավին, հայտնում է IRIB-ը։

ԱՄՆ պետքարտուղար Էնթոնի Բլինկենը, երեկ Վաշինգտոնում ողջունելով ՀՀ և Ադրեբջանի ԱԳ նախարարներ Արարատ Միրզոյանին և Ջեյհուն Բայրամովին, հայտարարել է, որ Միացյալ Նահանգները հավատարիմ է Հայաստանի և Ադրբեջանի միջև խաղաղ բանակցություններին:

Վաշինգտոնում, Բլեր Հաուսում կայացել է Հայաստանի ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը։ Նույն վայրում տեղի է ունեցել նաև համատեղ հանդիպում ԱՄՆ պետքարտուղար Էնթոնի Բլինկենի հետ, հայտնում են ԱԳՆ մամուլի ծառայությունից։