ԱՄՆ Միջազգային զարգացման գործակալության (USAID) ղեկավարությունը հրամայել է աշխատակիցներին ոչնչացնել փաստաթղթերը, առաջին հերթին՝ պաշտոնական: Այս մասին հայտնել է Politico պարբերականը՝ հղում կատարելով ծառայողական շրջաբերականին։

Թբիլիսիի քաղաքային դատարանը Վրաստանի նախկին նախագահ և Ուկրաինայի Օդեսայի մարզի նախկին ղեկավար Միխեիլ Սաակաշվիլիին մեղավոր է ճանաչել ավելի քան 3,2 մլն դոլար պետական միջոցների վատնման համար և դատապարտել 9 տարվա ազատազրկման։ Տեղեկությունը հայտնում է վրացական «Մտավարի արխի» հեռուստաալիքը։

ՌԴ–ի և Միացյալ Նահանգների շահերը երբեք նույնական չեն լինի, դրանք չեն կարող համընկնել նույնիսկ 50%-ով, բայց պետք է խոսել միմյանց հետ։ ՌԴ արտգործնախարար Սերգեյ Լավրովն այս հայտարարությունն է արել ամերիկացի բլոգերներ Մարիո Նաուֆալի, Լարի Ջոնսոնի և Էնդրյու Նապոլիտանոյի հետ հարցազրույցում։

Փրկարարները հայտնաբերել են Արագած լեռան վրա կորած լեռնագնացի դին: Տեղեկությունը հայտնում է ՆԳՆ փրկարար ծառայությունը։

Վարչապետ Նիկոլ Փաշինյանը մարտի 11-ին թուրքական լրատվամիջոցների ներկայացուցիչներին տված հարցազրույցում հայտարարել է Հայոց ցեղասպանության ճանաչման պատմությունը վերանայելու պատրաստակամության մասին, գրել է «Հրապարակ» թերթը՝ վկայակոչելով իր աղբյուրները։ Վարչապետը նախօրեին ֆեյսբուքյան իր էջում կարճ տեսանյութ էր հրապարակել հարցազրույցի մասին։

Ադրբեջանցիները քանդել են օկուպացված Արցախի Հանրապետության կառավարության շենքը։ Այս մասին տեղեկանում ենք թելեգրամյան ալիքներից։

Shamshyan.com–ի տեղեկություններով ժամեր առաջ դիմակավորված հատուկջոկատայինները Թումանյան փողոցում ստուգել են Ազգային ժողովի պատգամավորներից մեկի անվտանգության աշխատակիցների մեքենաները։

Ռուսաստանի արտաքին հետախուզության ծառայության տնօրեն Սերգեյ Նարիշկինը և ԱՄՆ կենտրոնական հետախուզական վարչության տնօրեն Ջոն Ռեթքլիֆը զրուցել են հեռախոսով։ Տեղեկությունը հայտնում է ՌԴ արտաքին հետախուզության ծառայությունը։

ԱՄՆ նախագահ Դոնալդ Թրամփը հայտարարել է, որ ԱՄՆ–ն և Ռուսաստանը Ուկրաինայի հարցով հանդիպումներ կանցկացնեն մարտի 11-ին կամ 12-ին: Այս մասին հայտնում է Reuters գործակալությունը։