Ազգային ժողովի նախագահ Ալեն Սիմոնյանը պահանջում է լրագրող Վահե Մակարյանին պատկանող գույքի և հաշիվների վրա արգելանք դնել։

Արցախցիների իրավունքների պաշտպանության խորհրդի անդամներն այսօր երեկոյան կհայտարարեն իրենց հետագա գործողությունների մասին։ Այս մասին «Փաստինֆո»-ին հայտնել է խորհրդի անդամ  Ապրես Մարգարյանը։

Չինաստանի իշխանություններն ապրիլի 10-ից 34%-ի չափով լրացուցիչ մաքսատուրքեր են սահմանում ԱՄՆ-ից ներմուծվող ամբողջ արտադրանքի համար։ «Արմենպրես»-ի փոխանցմամբ՝ այս մասին հայտարարել է Չինաստանի պետխորհրդի մաքսատուրքերի հանձնաժողովը։

Հայաստանի արտաքին գործերի նախարարի տեղակալ Պարույր Հովհաննիսյանն աշխատանքից ազատվել է՝ այլ պաշտոնի անցնելու նպատակով:

Ապրիլի 24-ի նախօրեին ավանդական Ջահերով երթն այս տարի կմեկնարկի Հանրապետության հրապարակից ժամը 19։15-ին։ Ինչպես նախորդ տարիներին, այս տարի ևս, բոլոր ցանկացողներին հնարավորություն կտրվի մասնակցել Ջահերով երթին որպես ջահակիր:

Ռուսաստանի արտգործնախարար Սերգեյ Լավրովն իր ադրբեջանցի գործընկեր Ջեյհուն Բայրամովին ուղղված նամակում համոզմունք է հայտնել, որ միջազգային հարթակներում Մոսկվայի և Բաքվի գործողությունների համակարգումը և փոխադարձ աջակցությունը կաշխատի Հարավային Կովկասում կայունության և անվտանգության ամրապնդման համար։

Ռուսաստանի ուղղակի ներդրումների հիմնադրամի (RDIF) ղեկավար, արտասահմանյան երկրների հետ տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը Fox News-ին տված հարցազրույցում ասել է, որ ԱՄՆ նախագահ Դոնալդ Թրամփի վարչակազմը կանխել է Երրորդ համաշխարհային պատերազմը։

Կանադայի և ԱՄՆ-ի հարաբերություններն այլևս առաջվանը չեն լինի Վաշինգտոն սահմանած մաքսատուրքերից հետո։ Այսօր ՆԱՏՕ-ի արտգործնախարարների հանդիպման ժամանակ այս հայտարարությունն է արել հայտարարել է Կանադայի արտգործնախարար Մելանի Ժոլին։

Ադրբեջանի ԱԳՆ մամուլի քարտուղար Այհան Հաջիզադեն Envoy հրատարակությանը տված հարցազրույցում դժգոհել է Հայաստանի կողմից տրամադրված ականապատ քարտեզների «անբավարար ճշգրտությունից»։