Լոնդոնն ու Փարիզը ծրագիր են մշակում Ուկրաինայում մինչև 30 հազար եվրոպացի խաղաղապահ տեղակայելու մասին, եթե Մոսկվան և Կիևը համաձայնության գան հրադադարի մասին: Դրա մասին գրում է The Wall Street Journal պարբերականը՝ վկայակոչելով եվրոպացի պաշտոնյաներին։

Եվրամիության երկրների արտգործնախարարներն ընդհանուր հայտարարի չեն եկել 2025 թվականին Ուկրաինային ռազմական օգնություն տրամադրելու հարցում։ Ինչպես հայտնում է ՌԻԱ Նովոստին, այդ մասին ասել է Եվրոպական դիվանագիտության ղեկավար Կայա Կալասը։

«Երեք տարի առաջ Ռուսաստանը լայնամասշտաբ և անօրինական նվաճողական պատերազմ սկսեց Ուկրաինայի դեմ։ Ռուսաստանի դաժան պատերազմը միտումնավոր թիրախ է դարձնում քաղաքացիական և կարևոր ենթակառուցվածքները: Ուկրաինացի ժողովուրդը խիզախություն դրսևորեց՝ պաշտպանելով իր պետությունը և միջազգային իրավունքի հիմնարար սկզբունքները։ Մենք հարգանքի տուրք ենք մատուցում բոլոր նրանց հիշատակին, ովքեր զոհվել և կորցրել են իրենց հարազատներին՝ հանուն Ուկրաինայի անկախության և ազատության», - պատերազմի երրորդ տարելիցին հայտարարել են ԵՄ առաջնորդները, հայտնում է BBC-ի ռուսական ծառայությունը։

Թուրքական իշխանությունները դեմ չեն ՆԱՏՕ-ին Ուկրաինայի հնարավոր անդամակցությանը, սակայն կոչ են անում պրագմատիկ մոտեցում ցուցաբերել այս խնդրի լուծմանը։ Այս մասին Bloomberg հեռուստաընկերությանը տված հարցազրույցում հայտարարել է Թուրքիայի արտգործնախարար Հաքան Ֆիդանը։

ՌԴ փոխարտգործնախարար Միխայիլ Գալուզինը կարծում է, որ Բաքվում հասկանում են Ռուսաստանի հետ դաշնակցելու կարևորությունը: Նա այդ մասին ասել է լրագրողներին՝ պատասխանելով Բաքվում Ռուսական տան և Sputnik Ադրբեջանի գործունեության կասեցման ֆոնին երկրների հարաբերությունների մասին հարցին։

Ֆրանսիան դատապարտել է Մարսելում Ռուսաստանի գլխավոր հյուպատոսության վրա հարձակումը և հաստատել դիվանագիտական առաքելությունների պաշտպանության հանձնառությունը։ այս մասին հայտարարել են այդ երկրի ԱԳՆ-ում:

Հայաստանի և Իրանի արտգործնախարարները` Արարատ Միրզոյանն ու Սեյեդ Աբբաս Արաղչին, տարածաշրջանային զարգացումները քննարկել են Ժնևում։ Տեղեկությունը հայտնում է ԱԳՆ մամուլի ծառայությունը։

Ռուսական ութ լրատվամիջոցներ, այդ թվում՝ EADaily-ն, Лента-ն, News Front-ը, RuBaltic-ը, Южный Фронт-ը, Фонд стратегической культуры-ն, Красная звезда-ն, հայտնվել են Եվրամիության պատժամիջոցների տակ՝ ԶԼՄ-ների դեմ սահմանափակող միջոցների 16-րդ փաթեթի ներքո:

Փետրվարի 20-ից 24-ը՝ մինչև ժամը 08։00-ն, Երևանում արձանագրվել է ճանապարհատրանսպորտային 482 պատահար, այս մասին Aysor.am-ին հայտնեցին ՆԳՆ Ոստիկանության լրատվական ծառայությունից։