Եվրամիության երկրների ԱԳ նախարարները հավանություն են տվել Ռուսաստանի դեմ պատժամիջոցների 16-րդ փաթեթին, որը նվիրված է Ուկրաինայում ռազմական գործողությունների երրորդ տարելիցին, գրում Է Reuters-ը՝ վկայակոչելով երկու դիվանագետների:

Ուկրաինայի նախագահ Վլադիմիր Զելենսկին բղավել է ԱՄՆ ֆինանսների նախարար Սքոթ Բեսենտի վրա՝ վերջինիս Կիև կատարած այցի ժամանակ։ Հանդիպմանը, ինչպես հայտնի է, քննարկվել է ռեսուրսների վերաբերյալ գործարք։ Այս մասին գրում է «Financial Times»-ը՝ հղում անելով աղբյուրին։

Արցախի նախկին ղեկավարության «դատը» հետաձգվել է մինչև փետրվարի 27-ը, հայտնում են ադրբեջանական լրատվամիջոցները:

Նախնական պաշտոնական տվյալներով՝ Ֆրիդրիխ Մերցի գլխավորած ՔԴՄ/ՔՍՄ դաշինքը, ինչպես և սպասվում էր, հաղթել է Գերմանիայի Բունդեսթագի ընտրություններում։ Երկրորդ տեղում է աջ պոպուլիստական ​​«Այլընտրանք Գերմանիայի համար» կուսակցությունը՝ հասնելով պատմության մեջ իր լավագույն արդյունքին։ Օլաֆ Շոլցի ձախ կենտրոնամետ Սոցիալ-դեմոկրատական կուսակցությունը (SPD) զբաղեցրել է երրորդ տեղը՝ երբևէ գրանցած վատագույն արդյունքը:

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Ուկրաինա ռուսական ներխուժման երրորդ տարելիցի օրը Եվրահանձնաժողովի ղեկավար Ուրսուլա ֆոն դեր Լյայենը և Եվրոպական խորհրդի նախագահ Անտոնիու Կոշտան եկել են մասնակցելու Ուկրաինայի գործընկերների գագաթաժողովին։

Ողջաբերդի բնակիչներն այսօր՝ փետրվարի 24-ին, փակել են գյուղի ճանապարհը: Նրանք պահանջում են հետ վերադարձնել գյուղի վարչական ղեկավար Աշոտ Մուշեղյանին:  

Ռուսաստանի արտաքին գործերի նախարար Սերգեյ Լավրովն այցով ժամանել է Թուրքիայի մայրաքաղաք, տեղեկացնում է РИА Новости-ն։

Գերմանիայի կանցլեր Օլաֆ Շոլցը ստանձնել է ընտրություններում Գերմանիայի սոցիալ-դեմոկրատական ​​կուսակցության (SPD) պարտության պատասխանատվությունը։ «Սա դառը արդյունք է կուսակցության համար, սա պարտություն է ընտրություններում»,- ասել է Գերմանիայի նախարարների կաբինետի ղեկավարը։