Թալանածը հետ բերելու պահանջների թիվ մեկ հասցեատերը Հայաստանի իշխանություններն են: Այս մասին NEWS.am-ի հետ զրույցում նշեց Արցախի նախկին պետնախարար, Արցախցիների իրավունքների պաշտպանության խորհրդի անդամ Արտակ Բեգլարյանը՝ անդրադառնալով այսօր Արցախի ներկայացուցչության դիմաց արցախցիների մի խմբի բողոքի ակցիային ընդդեմ Արցախի նախագահ Սմվել Շահրամանյանի՝ պահանջելով «Արցախից թալանված գումարները՝ Ներդրումային հիմնադրամի գումարները վերադարձնել և իրենց սոցիալական հարցերը լուծել»։  

Իրանի Իսլամական հեղափոխության պահապանների կորպուսի (ԻՀՊԿ) հետախուզական ստորաբաժանումը Ադրբեջանին սահմանակից հյուսիսային Գիլան նահանգում ոչնչացրել է զենքի մաքսանենգության ցանցը։

«Գեղարդ» հիմնադրամի հայտարարությունը Հուշարձանների և տեսարժան վայրերի միջազգային օրվա առթիվ.

ՀՀ երրորդ նախագահ Սերժ Սարգսյանի և մյուսների գործն ուղարկվել է նոր քննության։ Տեղեկությունը Sputnik Արմենիային հայտնեցին ՀՀ գլխավոր դատախազությունից։

Արցախի նախագահ Սամվել Շահրամանյանն ի պատասխան ՀՀ-ում Արցախի ներկայացուցչության առջև մի խումբ արցախցիների հարցադրումների՝ «կամ մեզ առաջնորդի, կամ կգա մի ուրիշ մարդ, ով դրանով կզբաղվի», հայտարարեց. «Արցախի Սահմանադրությամբ նախատեսված է նման հնարավորություն մայիսի 21-ից հետո, ձեր նշած անձը կարող է դիմել ԱԺ, գրանցվել և Արցախի նախագահի հնարավոր թեկնածու ներկայանալ»։

Արցախի մայրաքաղաք Ստեփանակերտի մերձակայքում բենզինի պահեստում պայթյունի հետևանքով զոհերից 78-ը եղել են ուժային կառույցների ծառայողներ։ Այս մասին այսօր ճեպազրույցում հայտարարեց Արցախի նախագահ Սամվել Շահրամանյանը` անդրադառնալով այն հանգամանքին, որ այդ պայթյունի հետևանքով զոհվածները որևէ կարգավիճակ չունեն։

Մերժելի նախաձեռնությունները ոչ միայն չեն նպաստում տարածաշրջանում խաղաղության հաստատմանը, այլև չեզոքացնում են ժողովուրդների համերաշխության և խաղաղ գոյակցության միջավայրի ձևավորման բոլոր քայլերը: «Արմենպրես»-ի փոխանցմամբ՝ այս մասին հայտարարություն է տարածել Մայր Աթոռ Սուրբ Էջմիածինը՝ դատապարտելով Լեհաստանի մայրաքաղաք Վարշավայում օրերս կազմակերպված «Արևմտյան Ադրբեջան՝ մեր մշակութային հիշողության մեջ» խորագրով ցուցահանդեսի կազմակերպումը:

Մեր ճանապարհն է՝ ունենալ հայկական Արցախ, այդ ճանապարհը գնում ենք ուժեղ Հայաստանի միջոցով, լրագրողների հետ զրույցում ասաց Արցախի նախագահ Սամվել Շահրամանյանը։

Իրանի Իսլամական Հանրապետությունն ապրիլի 17-ին նշել է Բանակի օրը լայնածավալ զորահանդեսով, որին մասնակցել է երկրի նախագահ Մասուդ Փեզեշքիանը, գրում է  Tasnim-ը։