Հայաստանում տեղի ունեցող իրադարձությունները, գործող կառավարիչների քաղաքական կուրսն ու որպես հետևանք պետության ստացած բազմաթիվ հարվածներն ու վնասները վաղուց հասարակությանը ջրբաժանի առաջ են կանգնեցրել՝ համակերպվել ստեղծված իրողությունների՞ն, թե՞ պայքարել սեփական երկրում կյանքի արժանապատիվ պայմանների և պաշտպանվածության համար: Այս մասին այսօր՝ ապրիլի 15-ին, ԱԺ-ում հայտարարությունների ժամին իր ելույթում նշեց «Պատիվ ունեմ» խմբակցության քարտուղար Տիգրան Աբրահամյանը։

Ամենայն հայոց կաթողիկոս Գարեգին Բ-ն շնորհավորել է Ռուսաստանի հայերի միության նախագահ Արա Աբրահամյանին ծննդյան օրվա կապակցությամբ և հայրապետական իր օրհնությունը հայտնել նրան, հայտնում են Միության մամուլի ծառայությունից:

ՀՀ դատախազությունն, օրենքով սահմանված կարգով, ընթացք է տվել արցախցիների նկատմամբ ատելության խոսքի տարածելու վերաբերյալ ներկայացված հաղորդմանը։ Այդ մասին «Փաստինֆո»-ին հայտնել են ՀՀ գլխավոր դատախազությունից։

«Հայաքվե» նախաձեռնության համահիմնադիր Ավետիք Չալաբյանն այցելել է Ազատության հրապարակում ցուցարարներին և զրուցել նրանց հետ։

Լեռնային Ղարաբաղի Հանրապետության Պաշտպանության բանակի նախկին հրամանատար Ջալալ Հարությունյանի փաստաբանները բողոքարկել են առաջին ատյանի դատարանի վճիռը։

Հայաստանի, Վրաստանի, Ռուսաստանի և Արևելյան Եվրոպայի Հայ Կաթողիկէների առաջնորդ Արհ. Տ. Գևորգ արքեպիսկոպոս Նորատունկյանը խորը վրդովմունք և մտահոգություն է հայտնել օրեր առաջ Հռոմի Պապական Գրիգորյան համալսարանում տեղի ունեցած «Քրիստոնեությունը Ադրբեջանում. պատմություն և արդիականություն» խորագրով գիտաժողովի առնչությամբ։

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ մայիսի 9-ին Մոսկվայում կայանալիք Հաղթանակի շքերթին ներկա կլինեն պետությունների և կառավարությունների ավելի քան 20 ղեկավարներ։

Խաղաղության համաձայնագիրը, որը կստորագրվի Հարավային Կովկասում, օգուտ կբերի երկրներին։ Ինչպես հաղորդել է APA-ն, այս մասին Բաքվում ԹյուրքԽՎ-ի անդամ խորհրդարանների պաշտպանության և անվտանգության հանձնաժողովների նախագահների երկրորդ հանդիպման ժամանակ ասել է Թուրքիայի Ազգային մեծ ժողովի Ազգային պաշտպանության հանձնաժողովի նախագահ, պաշտպանության նախկին նախարար Հուլուսի Աքարը։

Միխայիլ Կավելաշվիլին սկսել է իր առաջին արտասահմանյան այցը Վրաստանի նախագահի պաշտոնում. նա այցելում է Ադրբեջան, հաղորդել է «Էխո Կավկազա»-ն։