Կայունացման և զարգացման եվրասիական հիմնադրամը (ԿԶԵՀ) և ՄԱԿ-ի Պարենի և գյուղատնտեսության կազմակերպության երևանյան գրասենյակը փոխըմբռնման հուշագիր են ստորագրել Հայաստանի տնտեսական զարգացմանն օժանդակելու հարցում երկու կազմակերպությունների համագործակցության վերաբերյալ։

ԱՄՆ նախագահ Դոնալդ Թրամփը խիստ լուրջ է տրամադրված, երբ ասում է, որ, ի թիվս այլ բաների, կարող է ռազմական միջոցներ կիրառել, որպեսզի Իրանը չկարողանա միջուկային զենք ստեղծել: Այս մասին Fox News-ին տված հարցազրույցում ասել է Պենտագոնի ղեկավար Փիթ Հեգսեթը։

Դոնալդ Թրամփը ԱՄՆ 47-րդ նախագահի պաշտոնը ստանձնելուց հետո առաջին բուժզննումն է անցել։ Եզրակացությունը հրապարակվել է Սպիտակ տան կայքում։

Հայաստանում ԱՄՆ դեսպանությունը հայտարարությամբ հորդորում է խրախուսել ԱՄՆ-ում ապօրինի գտնվող անձանց հեռանալը երկրից։ Այս հայտարարությունը հրապարակվել է դեսպանության «Ֆեյսբուք»-ի էջում։

Հայ Եկեղեցին Ս. Հարության տոնին նախորդող կիրակի նշել է Ծաղկազարդը, որը Քրիստոսի հաղթական մուտքն է Երուսաղեմ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն» (Մատթ. 21:15): Այդ օրը եկեղեցիներում կատարվում է Մանուկների օրհնության կարգ:

ԱՄՆ-ի և Իրանի պատվիրակությունները Օմանում անուղղակի բանակցությունների առաջին փուլի ընթացքում Իրանի միջուկային ծրագրի և պատժամիջոցների չեղարկման շրջանակներից դուրս ոչինչ չեն քննարկել։ Այս մասին հայտնել է Իսլամական Հանրապետության արտաքին գործերի նախարարության մամուլի քարտուղար Էսմայիլ Բաղային։

Ռուսաստանյան զորքերը բալիստիկ հրթիռներով հարվածել են Սումիին, ինչի հետևանքով բազմաթիվ զոհեր և վիրավորներ կան: Այս հարձակումը «անցնում է պարկեշտության բոլոր սահմանները»: Այս մասին հայտարարել է Ուկրաինայում Թրամփի հատուկ ներկայացուցիչ Քիթ Քելոգը։

Բրիտանական մասնավոր ընկերության ինքնաթիռը հերթականությամբ տեխնիկական թռիչքներ է իրականացրել Հայաստանի և Ադրբեջանի օդանավակայանների շուրջ։

Արտահերթ նախագահական ընտրությունների անցկացման հարցով ընդդիմության քարոզարշավի շրջանակներում Թուրքիայում ավելի քան 10 միլիոն ստորագրություն է հավաքվել։ Այս մասին հայտարարել է գլխավոր ընդդիմադիր Ժողովրդահանրապետական ​​կուսակցության (ԺՀԿ) առաջնորդ Օզգյուր Օզելը սևծովյան Սամսուն նահանգում տեղի ունեցած հանրահավաքում։ Նրա հայտարարությունները մեջբերում է Halk TV-ն։