Նախաքննական մարմինը փետրվարի 24–ին միջնորդել է դատարանին ՀՀ 3–րդ նախագահ Սերժ Սարգսյանի եղբոր` Ալեքսանդր Սարգսյանի (ավելի հայտնի Սաշիկ—խմբ.) նկատմամբ խափանման միջոց կալանք կիրառել։ Այս մասին Sputnik Արմենիայի հետ զրույցում ասացին Հակակոռուպցիոն դատարանից։
«Նույն օրը դատարանը, մեղադրյալի գտնվելու վայրը հայտնի չլինելու պայմաններում քննարկելով վերը նշված միջնորդությունը, փախուստը կանխելու հիմքը բարձր գնահատելով բավարարվել է այն և կիրառել կալանքը: Ալեքսանդր Սարգսյանին հայտնաբերելու և ՀՀ իրավասության ներքո գտնվելու դեպքում վերջինիս կալանքի հարցը կրկին քննարկվելու է դատարանի կողմից»,–հայտնեցին դատարանից։
Ալեքսանդր Սարգսյանը մեղադրվում է առանձնապես խոշոր չափերով վատնում կատարելու մեջ, երբ եղբայրը` Սերժ Սարգսյանը ՀՀ Պաշտպանության նախարար էր։ Մեղադրանքի համաձայն` նա, 2001-2018 թվականներին օգտագործել է իր ազդեցությունը, իրենց վստահված առանձնապես խոշոր չափերի պետական միջոցները վատնման եղանակով հափշտակելու համար։
Sputnik Արմենիա
