Վերաքննիչ դատարանը մերժել է «Քաղաքացիական գիտակցություն» ՀԿ-ի ղեկավար, AntiFake.am կայքի հիմնադիր, «Իմնեմնիմի» պոդկաստի համահեղինակ և վարող Նարեկ Սամսոնյանի կալանքի դեմ բողոքը։ Փաստաբան Ռուբեն Մելիքյանն այդ մասին հայտնել է ֆեյսբուքյան էջում։
Ղազախստանի իշխանությունները որպես միջնորդ հանդես չեն գալու Հայաստանի և Ադրբեջանի արտգործնախարարների` Արարատ Միրզոյանի և Ջեյհուն Բայրամովի բանակցություններում: Այս մասին ճեպազրույցի ժամանակ հայտարարել է Ղազախստանի ԱԳՆ պաշտոնական ներկայացուցիչ Այբեկ Սմադիյարովը։
«ՀայաՔվե» քաղաքացիական նախաձեռնությունն առաջարկում է ձեւավորել պայքարի միասնական ճակատ եւ սկսել կռավարության անվստահության գործընթաց:
Առաջին փուլում, պաշտոնական Բաքվի հայտարարություններով, Ադրբեջանը ծրագրում է Հայաստանում բնակեցնել մոտ 300 հազար ադրբեջանցիների, միջազգային առաքելության հովանու ներքո անվտանգության համակարգի առկայության դեպքում, որին կվստահի այսպես կոչված «Արեւմտյան Ադրբեջանի» համայնքը։ Այս մասին ապրիլի 29-ի քննարկման ժամանակ ասել է ՀՀ նախկին օմբուդսմեն Արման Թաթոյանը։
Բերքաբերում ոստիկանական զորքներ են բերել, իմ տեղեկություններով, ականազերծման ակտիվ աշխատանքներ են ընթանում: Այս մասին այսօր՝ ապրիլի 29-ին, Կիրանցում ասաց պատգամավոր Գառնիկ Դանիելյանը:
Մենք երեկ ակցիայի ժամանակ տեղեկացանք, որ Ոսկեպարի եկեղեցու մոտակայքում ադրբեջանցիներ են հայտնվել, Դիլիջանում ակցիան դադարեցրինք և անմիջապես շտապեցինք Ոսկեպար՝ գյուղացիների հետ հանդիպման: Գյուղացիները կրկին փաստեցին, որ այդտեղ ադրբեջանցիներ են եղել, ինչ-որ աշխատանքներ են կատարել, ասում են՝ ծառեր են կտրել: Այս մասին այսօր՝ ապրիլի 29-ին, Կիրանցում ասաց պատգամավոր Գառնիկ Դանիելյանը:
ԱԺ պետաիրավական հարցերի հանձնաժողովում, այսօր՝ ապրիլի 29-ին, Դատախազության 2023 թվականի գործունեության մասին հաղորդման քննարկման ժամանակ ՀՀ գլխավոր դատախազ Աննա Վարդապետյանը ներկայացրեց, թե ապօրինի ծագում ունեցող գույքի գործերով քանի անշարժ գույք և այլ միջոցներ է պահանջում դատախազությունը Ռոբերտ Քոչարյանից, Գագիկ Ծառուկյանից և Գագիկ Խաչատրյանից:
Բողոքի ակցիա է տեղի ունենում Արմավիրում՝ ի աջակցություն տավուշցիների։
Չնայած այն հանգամանքին, որ հանրության մի մեծ հատված մեծ դժգոհությամբ և անվստահությամբ է մոտենում իշխանության` Ադրբեջանից պարտադրված «սահմանային ճշգրտումներին», իսկ իրականում` միակողմանի զիջումներին, իշխանությունն իր սև գործն ակտիվ շարունակում է: Այս մասին գրում է ԱԺ "Պատիվ ունեմ" խմբակցության քարտուղար Տիգրան Աբրահամյանը:
ՀՀ քննչական կոմիտեն արդեն տեղեկացրել է, որ 2024 թվականի ապրիլի 21-ին ՀՀ Տավուշի մարզի Նոյեմբերյան համայնքի Հաղթանակ բնակավայրի «Վոդխոզ» կոչվող հատվածում՝ դեպի Բագրատաշեն բնակավայրի ուղղությամբ, մի խումբ քաղաքացիների կողմից տևական ժամանակ միջպետական ճանապարհը փակելու ընթացքում առերևույթ խուլիգանական արարքներ կատարելու դեպքի առթիվ նախաձեռնվել է քրեական վարույթ։ Քննչական կոմիտեից հայտնում են, որ դրա շրջանակներում իրականացված ծավալուն քննչական և վարութային գործողությունների, օպերատիվ-հետախուզական միջոցառումների արդյունքում պարզվել է, որ նշված օրը ժամը 1550-ի սահմաններում Այրում բնակավայրի բնակիչը միջպետական ճանապարհը փակած քաղաքացիներից պահանջել է բացել ճանապարհը և իր վարված «ՈՒԱԶ» մակնիշի ավտոմեքենայով առաջ ընթացել, սակայն մի խումբ անձինք խոչընդոտել են մեքենայի ընթացքը: