ԱՄՆ պետքարտուղար Էնթոնի Բլինքենը Պաղեստինի ինքնավարության նախագահ Մահմուդ Աբասի հետ հեռախոսազրույցի ընթացքում խորը ցավակցություն է հայտնել Գազայի Ալ-Ահլի հիվանդանոցում պայթյունի հետևանքով խաղաղ բնակիչների մահվան կապակցությամբ, ասել է Պետդեպարտամենտի խոսնակ Մեթյու Միլլերը։
ՀՀ բժշկական կենտրոններում այս պահին բուժում է ստանում Լեռնային Ղարաբաղից բռնի տեղահանված 180 մարդ։ Այս մասին ՀՀ կառավարությունում ճեպազրույցի ժամանակ հայտնեց ՀՀ վարչապետի մամուլի քարտուղար Նազելի Բաղդասարյանը։
Միացյալ Նահանգները «կշարունակի աջակցել Իսրայելին, որպեսզի պաշտպանեք ձեր ժողովրդին», ասել է ԱՄՆ նախագահ Ջո Բայդենը Իսրայելի ռազմական կառավարությանը։
Չորեքշաբթի Ֆրանսիայում տարհանվել են Լիոն, Թուլուզ և Լիլ քաղաքների երեք օդանավակայանները՝ անվտանգության նախազգուշացումներից հետո, հայտնում է AP-ն։
Հայաստանում վեկտորի փոփոխության հարց չկա, որովհետև վեկտորն ուղղված է դեպի Հայաստան, Հայաստանի անկախության և ինքնիշխանության ապահովում: Այս մասին այսօր՝ հոկտեմբերի 18-ին, ԱԺ-ում լրագրողների հետ զրույցում նշեց ԱԺ արտաքին հարաբերությունների հանձնաժողովի նախագահ Սարգիս Խանդանյանը՝ անդրադառնալով նրան, որ նախօերին Եվրախորհրդարանում վարչապետ Նիկոլ Փաշինյանը հայտարարել էր, որ ԵՄ-ի հետ պատրաստ են հարաբերությունները սերտացնել այնքան, որքան ԵՄ-ն հնարավոր կհամարի, իսկ ՌԴ-ում էլ այդ ելույթը համարել էին սադրիչ՝ նշելով, որ Հայաստանը գնում է Ուկրաինայի ճանապարհով:
Գազայի հատվածում ավելի քան 1,3 հազար երեխա է մահացել պաղեստինա-իսրայելական հակամարտության սրման պահից ի վեր: Այս մասին հայտարարել է Պաղեստինի արտաքին գործերի նախարար Ռիյադ ալ Մալիքին` ելույթ ունենալով Սաուդյան Արաբիայի Ջիդդա քաղաքում Իսլամական համագործակցության կազմակերպության գործադիր կոմիտեի նիստում: Նրա խոսքը մեջբերում է ՏԱՍՍ-ը։
Հայաստանի վարչապետը կոնկրետ երկիր չի նշել, ասել է միայն, որ որոշ դաշնակիցներից հիասթափված ենք։ Այս մասին այսօր ԱԺ–ում ճեպազրույցի ժամանակ հայտարարեց Հայաստանի փոխարտգործնախարար Պարույր Հովհաննիսյանը՝ մեկնաբանելով Նիկոլ Փաշինյանի մեղադրանքները Եվրախորհրդարանում դաշնակիցների հասցեին:
Հորդանան գետի Արևմտյան ափին համընդհանուր գործադուլ է հայտարարվել՝ ի նշան բողոքի Գազայի հատվածի վրա Իսրայելի հարձակման դեմ հիվանդանոցի պայթյունից հետո, որի հետևանքով հարյուրավոր պաղեստինցիներ են զոհվել:
Ֆրանկոֆոնիայի միջազգային կազմակերպության պատվիրակությունը՝ գլխավոր քարտուղար Լուիզ Մուշիկիվաբոյի գլխավորությամբ, Հայաստան է ժամանել իր համերաշխությունը արտահայտելու հայ ժողովրդին՝ Լեռնային Ղարաբաղի հայության բռնի տեղահանման պայմաններում։ Նրանք փորձում են հասկանալ, թե ինչպես կարող են օգտակար լինել:
Բաքվում այսօր շարունակվում է դատական ֆարսը արցախցի առևանգված Վագիֆ Խաչատրյանի դեմ։