Ռուսաստանի փոխարտգործնախարար Անդրեյ Ռուդենկոն Ճապոնիայի դեսպան Ակիրա Մուտոյի հետ հանդիպման ժամանակ հայտարարել է, որ ռուս-ճապոնական հարաբերությունների մակարդակն աննախադեպ իջել է պաշտոնական Տոկիոյի մեղքով: Այս մասին հայտնում է ՌԴ ԱԳՆ–ն։

Եվրամիությունը իր պատժամիջոցների ցանկում ներառել է ադրբեջանական Zangazur տանկերը, որը, ըստ եվրոպացի պաշտոնյաների, պատկանում է Ռուսաստանի «ստվերային նավատորմին»։ ԵՄ պաշտոնական կայքի համաձայն՝ նավը «տեղափոխում է ռուսական ծագում ունեցող կամ Ռուսաստանից արտահանվող հում նավթ կամ նավթամթերք՝ զբաղվելով ոչ ստանդարտ և բարձր ռիսկային առաքման գործելակերպով»։

ՌԴ նախագահ Վլադիմիր Պուտինը հայտարարել է, որ Ուկրաինան հսկայական կորուստներ է կրում և նահանջում է ռազմաճակատի ողջ երկայնքով, ուստի փորձում է վախեցնել Ռուսաստանին ահաբեկչություններով։

Շենգենյան վիզայի դիմումների ընդունման կարգը 2025 թվականի հուլիսից կփոխվի՝ դիմումները կընդունվեն միայն TLScontact-ում, տեղեկացրել է Հայաստանում Գերմանիայի դեսպանությունը:

Ուկրաինայի նախագահ Վլադիմիր Զելենսկին պատերազմին վերջ տալու պայմաններով Ռուսաստանի հուշագիրն անվանել է «առավելագույն վերջնագիր», հայտնում է «Суспільне»-ն:

Հայաստանն ու Ադրբեջանը պայմանավորվել են անհայտ կորածների համատեղ որոնումների շուրջ։ Այս մասին լրագրողների հետ զրույցում ասաց Հայաստանի ազգային անվտանգության ծառայության տնօրեն Արմեն Աբազյանը։

Ազգակցական կապերը չեն խանգարելու նորանշանակ ոստիկանապետ Արամ Ղազարյանին` կատարելու իր պաշտոնից բխող լիազորությունները։ Ազգային ժողովում լրագրողների հետ ճեպազրույցում այս մասին ասաց ՀՀ ներքին գործերի նախարար Արփինե Սարգսյանը` մեկնաբանելով նոր ոստիկանապետ Արամ Ղազարյանի և քրեական հեղինակություն «Քանաքեռցի Տույի» միջև ազգակցական կապի մասին լուրերը։

Իրանը շատ բան է զոհաբերել ատոմային արդյունաբերության զարգացման համար և ԱՄՆ-ի հետ գործարքի չի գնա առանց իր տարածքում ուրանի հարստացման հնարավորության պահպանման: Այս մասին հայտարարել է Իսլամական Հանրապետության ԱԳ նախարար Աբբաս Արաղչին, նրա խոսքերը մեջբերում է ՏԱՍՍ-ը։

ՀՀ վարչապետը գերագույն գլխավոր հրամանատարն է, և այն, ինչ ասում է վարչապետը, դրա համար բավարար հիմքեր ունի։ Այս մասին, այսօր՝ հունիսի 4-ին լրագրողների հետ զրույցում ասել է ՀՀ զինված ուժերի գլխավոր շտաբի պետ Էդվարդ Ասրյանը՝ մեկնաբանելով Նիկոլ Փաշինյանի այն հայտարարությունը, որ պատերազմ չի լինելու, լինելու է խաղաղություն։