2021-01-27 19:19
Ашот АРАМЯН
ԱՌԱ՛Ջ ԴԵՊԻ... 1990-ԱԿԱՆՆԵ՞Ր
Փաշինյանի կառավարությունը «հավաստագրում» է հին ծրագրերը՝ նորի անվան տակ
Երեկ մայրաքաղաքի Նոր Նորքի 5-րդ զանգվածում կրկին երկար ժամանակով անջատել են էլեկտրական հոսանքը: Դա տեղի է ունենում գնալով ավելի հաճախ, ավելի տևականորեն, երբեմն՝ օրական երկու անգամ։ Այդպես էլ երեկ. սկզբում մեկ ժամով «փորձարկեցին» ցերեկը, իսկ 19։30-ին արդեն ընդհանրապես անջատեցին էլեկտրամատակարարումը մի քանի ժամով։ 1-80 թեժ գծի օպերատորները տագնապած բնակիչների զանգերին չէին պատասխանում, և միայն հաջորդ օրվա առավոտյան բարեհաճեցին հայտնել, թե տեղի ունեցած մեծ վթարի պատճառով միայն գիշերն է հաջողվել վերականգնել էլեկտրասնուցումը…
Մինչդեռ ս.թ. հունվարի 14-ին ՀՀ կառավարությունն իր հերթական նիստում ընդունեց «էներգետիկայի բնագավառի զարգացման ռազմավարական ծրագիր (մինչև 2040 թ.)» վերնագրով փաստաթուղթ և դրա իրականացումն ապահովող միջոցառումների ծրագիր-ժամանակացույց: Ինչո՞վ դուր չի եկել Փաշինյանի կառավարությանը դեռևս 2015 թվականին ընդունված «ՀՀ էներգետիկ համակարգի երկարաժամկետ (մինչև 2036 թվականը) զարգացման ուղիները» ծրագիրը։ Նրանով, որ ընդունվել է ոչ իրենց կողմի՞ց։ Մանավանդ որ ոչ մի նոր բան, բեկումնային ու թարմ ոչ մի գաղափար նոր փաստաթղթում, որքան էլ պրպտես, չես գտնի։ «Թավշե» իշխանության հերթական գրագողություն, որը պարզապես փոխ է առնում նախկին գաղափարներն ու ծրագրերը՝ հրամցնելով որպես սեփական հայտնագործություններ։ Եթե լսենք իշխանությանը, ապա ստացվում է, որ էներգաոլորտի նախկին ռազմավարական ծրագիրը չեղարկվում է, քանի որ, իբր՝ «լիովին չի արտացոլում իշխանությունների վարած քաղաքականությունը»։ Ծիծաղելի և, ինչպես միշտ, անշնորհք պատճառաբանություն. ոչ ավելին։
Ուրեմն ի՞նչ հայտնագործություններ է բովանդակում նոր/հին ծրագիրը։ Մի՞թե «էներգախնայողության համակողմանի անհրաժեշտություն» կամ «ՎԷԱ-ի (վերականգնվող էներգիայի աղբյուրներ) ներուժի առավելագույն օգտագործում՝ արևային էլեկտրակայանների կառուցման առաջնահերթությամբ»: Այդ ուղղությունը մեծ թափ է առել ու սկսել սրընթաց զարգանալ հենց մինչնիկոլյան ժամանակներում. հատկապես Կարեն Կարապետյանի կառավարության ժամանակաշրջանում։ Հենց այն ժամանակ Հայաստանում սկսեցին զանգվածաբար կիրառվել արևային փոքր էլեկտրակայանները և մեկնարկ տրվեց 55 ՄՎտ նախագծային հզորությամբ և 60 մլն դոլար արժողությամբ «Մասրիկ-1» խոշորագույն ԱՖՎԿ-ի շինարարությանը։
Այսպիսով, իբր նոր ծրագրում այս նախագիծն իրենց վերագրելն առնվազն անազնիվ ու անբարո է, մանավանդ որ նախկին բոլոր ծրագրերը Փաշինյանի կառավարությունը շարունակում է լավագույն դեպքում կրիայի տեմպերով և, ընդհանուր առմամբ՝ ամենաապաշնորհ կերպով, մշտապես փոփոխելով ու հետաձգելով աշխատանքների և նոր օբյեկտների շահագործման ժամանակացույցը։ Այսպես, «Մասրիկ-1» ԱՖՎԿ-ի շինարարության ավարտը հետաձգվել է արդեն 2022 թվականի հուլիս։ Եվ դա հաստատ վերջնաժամկետը չէ։
Իսկ մի՞թե Փաշինյանի անուղեղ ու անգործունակ թիմն է նախաձեռնել այնպիսի շինարարություններ, ինչպիսիք են Հայաստան-Վրաստան և Հայաստան-Իրան բարձրավոլտ էլեկտրահաղորդման գծերի կառուցումը՝ Երևանի ՋԷԿ-ի 2-րդ բլոկի կառուցման հետ մեկտեղ, որից հետո, ի դեպ, ցածրարդյունավետ «ՀրազՋԷԿ»-ը կհանվի շահագործումից։ Ոչ, նույնիսկ հակառակը. ժառանգություն ստանալով 250 մՎտ հզորությամբ և 250 մլն դոլար արժողությամբ նույն այդ «Երևան ՋԷԿ»-ի հեռանկարային նախագիծը, Փաշինյանի կառավարությունը հենց սկզբից փորձել է տարբեր մտացածին պատրվակներով տապալել այն, իսկ այսօր մեծամտորեն ներկայացնում է այդ կառույցը որպես իր մեծագույն նվաճում։ Ի դեպ, նույնքան ողորմելի պահվածք են ցուցաբերում «փաշիստները» նաև Հայկական ԱԷԿ-ի շահագործման ժամկետը մինչև 2026 թվականը երկարաձգելու նախագծի պարագայում՝ շարունակ խնդիրներ ստեղծելով այդ առումով, բայց միաժամանակ հանդիսավոր հայտարարելով, թե դրանից հետո իրենց հիմնական նպատակը լինելու է նոր ատոմակայանի կառուցումը։ Այո, մենք արդեն լսել ենք այդ ամենը, այն էլ «թավշե» հեղափոխությունից դեռ շատ առաջ։
Նոր/հին փաստաթղթից պարզ է դառնում, որ վերջին տարիներին Հայաստանում արտադրվել է 7,3-7,8 մլրդ կվտժ էլեկտրաէներգիա, որից 1,2-1,6 մլրդ կՎտժ-ն արտահանվել է։ Եվ նույնիսկ այդ ոչ այնքան մեծ արտահանումը մենք ունենք նիկոլական ժամանակներից դեռ շատ առաջ նախաձեռնված «գազ՝ էլեկտրաէներգիայի դիմաց» հայ-իրանական նախագծի արդյունքում։ Ինչպես հայտնի է, Հայաստան-Իրան ԷՀԳ-ի շինարարության ավարտից հետո էլեկտրաէներգիայի հոսքը դեպի Իրան և, համապատասխանաբար, գազի հետադարձ մատակարարումը դեպի Հայաստան էապես,մոտ եռապատիկ կավելանա։ Բայց կրկին իսկ Փաշինյանի կառավարությունը դրանում ոչ մի վաստակ չունի ի սկզբանե. ամեն ինչ արվել է իրենից առաջ։
Եվ էլի մեկ ուշագրավ նրբություն. Փաշինյանի կառավարության ընդունած ծրագրում նպատակ է դրված մինչև 2030 թվականը երկրում արտադրել 12 մլրդ կՎտժ էլեկտրաէներգիա, որից 5 մլրդ-ը նախատեսվում է արտահանել։ Բայց այդ դեպքում ներքին սպառման համար մնացած 7 մլրդ կՎտժ էլեկտրաէներգիան մոտավորապես այսօրվա սպառման մակարդակն է։ Այսինքն Փաշինյանի կառավարությունը իր ծրագրային չափորոշիչներում նույնիսկ չի նախատեսում ազգային տնտեսության զարգացում, չենք խոսում արդեն խոստացված ժողովրդագրական բեկումների մասին, որոնք ըստ էության պետք է կտրուկ ավելացնեն էլեկտրաէներգիայի արտադրության պահանջարկն առաջիկա 10 տարիներին։ Ավաղ…
Շառլատանների, պոպուլիստների և պարզապես անբանների այս ապիկար իշխանությունը՝ երկրի գլխավոր ապաշնորհի ղեկավարությամբ, համառորեն տանում է մեզ դեպի 1990-ականների սկիզբ։ Արցախն արդեն գործնականում օտարել են Հայաստանից։ Հաճախակի, երեկ Նորքի զանգվածում տեղի ունեցած արտակարգ պատահարի կարգի հոսանքազրկումները սաստիկ հիշեցնում են երկրի անկախության առաջին շրջանի մութ ու ցուրտ տարիները։ Այսօր մտածելն անգամ սարսափելի է, թե ինչ է լինելու այս տարի, երբ երկար ժամանակով անջատեն ՀԱԷԿ-ը, որն արտադրում է երկրի ողջ էլեկտրաէներգիայի մինչև 40%-ը: Եվ ի՞նչ է լինելու այդուհետ։ Էլեկտրաէներգիայի հովհարային անջատումներ ու հացի կտրոննե՞ր։ Բարի գալուստ 1990-ականներ…
ПОСЛЕДНИЕ ОТ АВТОРА
-
2025-06-17 09:36В провалах власти виноваты автоимпортеры, туристы из РФ, строители – все! Во вторник НС РА окончательно заслушает отчет об исполнении госбюджета 2024 года, но уже сегодня можно констатировать, что главный финансовый закон страны нарушен по многим ключевым параметрам, хотя власти вовсе не тяготятся этим обстоятельством. Если надо, сравнивают госбюджет прошлого года не с предыдущим, а с госбюджетом 7-летней давности. А когда дело доходит до явного несоответствия заложенных в бюджет прошлого года и фактических показателей, то отделываются какими-то оправданиями, особо не вдаваясь в детали. При этом речь не ведется, как можно было ожидать, о провалах и бездарных действиях некомпетентного правительства, а всего лишь бегло называются какие-то причины, которые, мол, сделали невозможным исполнение того или иного параметра бюджета. По сути правительство Пашиняна тем самым снимает с себя всякую ответственность за нарушение самими же принятого закона и, как всегда, находится в постоянном поиске причин невыполненных обещаний…
-
2025-06-17 09:21Правительство Пашиняна беспомощно взирает на обрушенную логистику Абсолютная беспомощность и некомпетентность правительства Пашиняна продолжает разрушать экономику Армении. В высокий аграрный сезон экспортеры, в том числе сельскохозяйственной продукции, не могут вывезти товары на рынки сбыта – в первую очередь, в Россию. Производители несут колоссальные убытки… Долгое время правительство Армении не может уладить с грузинской таможней проблему вывоза армянских коньяков. Но этого мало. Как написал в ФБ оппозиционный депутат Гарник Даниелян, уже более 10 дней на границе с Грузией и Россией стоят загруженные абрикосом армянские фуры. В частности, 200 грузовиков не могут пересечь границу на грузинской стороне, а около 50 машин, которым удалось это сделать, уже несколько дней стоят на российской таможне. Никто ничего толком не объясняет, а скоропортящийся груз быстро приходит в негодность.
-
2025-06-16 09:38«Революционные» крестьяне с родины Пашиняна поднимут аграрное производство… прямо у дома Потерпев крушение по всем направлениям аграрного развития, Пашинян на последнем заседании правительства объявил о том, что «старого сельского хозяйства не существует». Как и во всех случаях своих провалов из-за крайней некомпетентности, виновной объявлена вся сфера, долю которой в структуре ВВП Армении правительству удалось почти уполовинить, доведя ее с 15% в 2017 году до 7,9% в 2024-м…
-
2025-06-16 09:35Удастся ли правительству плавно спустить «ипотечный пузырь» или он лопнет? Центральный банк Армении считает возможным замедление активности на рынке недвижимости республики, сказал глава финансового мегарегулятора Мартин Галстян.
ПОСЛЕДНЕЕ ПО ТЕМЕ
-
2021-07-21 10:30Փաշինյանի կառավարությունը ամբողջ «ականադաշտ» է տեղադրել էներգետիկայի ոլորտում Բազմաթիվ փորձագետներ համարում են, որ Հայաստանը կանգնած է էներգետիկ նոր ճգնաժամի շեմին։ Իշխանության դիլետանտ քաղաքականությունն այդ կարևորագույն ոլորտում այսօր հանգեցրել է նրան, որ աննախադեպ աճել է ամենաթանկարժեք՝ ջերմային էներգարտադրության բաժինը։
-
2019-07-12 07:12Էներգետիկ կոլլապս, տեխնոլոգիական աղետ, վերադարձ դեպի 90-ականներ, դիվերսիա, սաբոտաժ… Ինչպես ասես, որ չմեկնաբանվեց չորեքշաբթի օրը տեղի ունեցած խոշոր վթարը հայկական էներգետիկ ցանցում, որի արդյունքում երկրի տարածքի մոտ 70 տոկոսը հոսանքազրկվեց։ Ավելի ուշ, հոսանքի համընդհանուր անջատումից մեկ-երկու ժամ անց, իհարկե, ինչ-որ բան հայտնի դարձավ։