2022-12-07 08:38
Ашот АРАМЯН
ՍՈՎԸ ՉԱՐԻՔ Է: ԱՆՈՒՆԸ՝ ԳՆԱՃ
Նոյեմբերին Հայաստանում գները շարունակել են «քառատրոփ արշավել»
Այդ միայն ՔՊ-ականներն են, այդ թվում՝ ի դեմս վարչապետ Փաշինյանի և էկոնոմիկայի նախարար Քերոբյանի, համարում, թե բարձր գնաճի դեպքում էլ քաղաքացիները կարող են բանի տեղ չդնել դա և արժանապատիվ գոյություն «քարշ տալ»։ Ամենայն հավանականությամբ, նրանք նկատի ունեն իրենց, քանզի ոչ ոք չի կասկածում, որ նրանց կենսամակարդակի վրա գների կատաղի աճը ոչ մի ազդեցություն չի գործում…
Օրերս հրապարակելով Հայաստանում աճող աղքատության և ծայրահեղ աղքատության (չքավորության) տագնապալի ցուցանիշները՝ ՀՀ վիճակագրական կոմիտեն դեկտեմբերի 5-ին այդ տվյալներին հավելել է նաև ընթացիկ տարվա հունվար-նոյեմբեր ամիսների սպառողական գների ինդեքսի թարմ ցուցանիշը: Այսպես, 12-ամսյա գնաճը (ս.թ. նոյեմբեր ամիսը՝ 2021 թվականի նոյեմբերի համեմատ) կազմել է 8,8% տոկոս՝ մեկ ամսում (հոկտեմբերին) ավելանալով ևս 1,1%-ով։
Սակայն, նկատի ունենալով այն ապրանքների գների փոփոխությունը, որոնք սովորական սպառողն անհրաժեշտություն է ունենում գնել հազվադեպ (եթե ընդհանրապես գնում է), բայց որոնցով, առաջին անհրաժեշտության ապրանքների հետ մեկտեղ, այնուամենայնիվ հաշվարկվում է միջին գնաճը, ընդգծենք, որ սննդամթերքն ու ոչ ալկոհոլային ըմպելիքները նոյեմբերին թանկացել են երկնիշ 11,1%-ով, իսկ եթե վերցնենք այս տարվա 11 ամիսները՝ նախորդ տարվա նույն ժամանակահատվածի համեմատ, ապա 13,2% - ով:
Միջին ամսական գնաճն այս տարի կազմել է 0,6% (նախորդ տարվա նույն ժամանակահատվածում՝ 0,5%): Սույն թվականի նոյեմբերին՝ հոկտեմբերի համեմատ, սննդամթերքն ամենից շատ թանկացել է Աշտարակում և Գավառում, թեև մայրաքաղաքում էլ ընդամենը մեկ ամսում գների աճն առավել քան շոշափելի է եղել. 2,4%։
Ես, ինչպեսև շարքային սպառողներից շատ-շատերը, ֆինանսական դժվարություններ ապրելով, կարող եմ յոլա գնալ առանց ավելորդ նոր վերնաշապիկի կամ, ասենք, մեծ տրամագծով խողովակների, բայց ինչպե՞ս, ասացեք խնդրեմ, տնտեսել հացի վրա, որը մեկ տարվա ընթացքում թանկացել է 15,8%-ով, պանրի (21,5%-ով), կաթի (11,1%-ով) կամ աղքատներին ավանդաբար փրկող մակարոնեղենի (28,1%-ով) և ձավարեղենի (13,8%-ով)։
Չեմ խոսում արդեն տավարի մսի մասին, որի գինն աճել է անչափ շոշափելի 23,5%-ով։ Մնում է միայն ապավինել խոզի մսին, որն էժանացել է... 0,2%-ով։
Առհասարակ մարդու օրգանիզմի ֆիզիոլոգիական նորմալ գործունեության համար անհրաժեշտ է պարբերաբար օգտագործել նաև բանջարեղեն և մրգեր, որոնք գնալով ավելի անմատչելի են դառնում գնային առումով: Օրինակ, բանջարեղենից լոլիկը թանկացել է 19,4%-ով, պղպեղը՝ 18,2%-ով, կարտոֆիլը՝ 8,3%-ով, իսկ մրգերից խնձորը՝ 34%-ով, տանձը՝ գրեթե 30%-ով, դեղձը՝ 32%-ով։
Էժանացած մթերքներից մեզ հաջողվեց գտնել միայն ձուն (11,1%-ով) և արևածաղկի ձեթը (2%-ով) ։
Եվ վերջում՝ որպես «տորթի վերին զարդ». մեկ տարվա ընթացքում բենզինը էժանացել է ոչ այնքան նկատելի 3,3%-ով, փոխարենը դիզվառելիքը թանկացել է շա՜տ նկատելի 24%-ով։
Շնորհավոր գալիք Ամանո՛ր:
ПОСЛЕДНИЕ ОТ АВТОРА
-
2025-05-24 11:03Правительство анонсирует дефицит и рост цен на свинину Меньше 5-и месяцев продержалось принятое 21 ноября 2024 года правительственное постановление о введении количественного ограничения на импорт живых свиней, долженствующее, по-видимому, продемонстрировать, как усилиями правительства Пашиняна внутренний рынок столь любимой нашими соотечественниками свинины удалось настолько насытить, что пришлось квотировать их завоз из России. Между тем национальное производство свиного мяса, как и многие другие товары первой необходимости, отнюдь не обеспечивают даже минимальный уровень продовольственной самодостаточности…
-
2025-05-24 10:55Геворг Папоян сравнивает миллион туристов из РФ со «слезами» из Залива В правительстве Пашиняна, начиная с него самого, заседают либо патологические лжецы, либо безнадежные неучи, а скорее всего, мы имеем дело с разрушительной синергией обмана, лени и невежества…
-
2025-05-23 09:41Священный воинский долг власти измерили деньгами Неуемный законотворческий зуд «гэдэшников» вновь перебросился на изрядно потрепанные за их период правления вооруженные силы, но в отличие от знаменитой «клубничной реформы» нынешние дополнения и изменения в законы «О воинской службе и статусе военнослужащего», «О государственной пошлине» и Уголовный кодекс будут иметь гораздо более серьезные и далеко идущие последствия.…
-
2025-05-22 10:06Не пора ли подключаться к исламским финансовым экосистемам с их сукуком? 21 мая Евразийский банк развития (ЕАБР), Институт Исламского банка развития и Группа Лондонской фондовой биржи опубликовали совместное исследование о будущем исламского финансирования в Центральной Азии. И сразу возникает вопрос, а насколько эта «халяльная», то есть допустимая и законная с точки зрения мусульман, тема соотносится с Арменией?..