2020-10-08 21:28
Ара МЕЛИКСЕТЯН
ԻԲՐ ԹԵ ԱՇԽԱՏՈՒՄ ԵՆ
Ինչպես նշել է Պաշտպանության նախարարության մամլո քարտուղար Շուշան Ստեփանյանը իր ֆեյսբուքյան էջում, վերջին օրերին տարբեր առևտրային կազմակերպություններ և անհատներ հայտարարում են նախարարության կարիքների համար ֆինանսական միջոցներ հավաքելու նախաձեռնությունների մասին։ «Հայաստանի Հանրապետության պաշտպանության նախարարությունը հայտարարում է, որ որևէ առևտրային ընկերության կամ անհատի չի պատվիրակել զբաղելու նման գործունեությամբ, իսկ բոլոր ֆինանսական միջոցները, որոնք հավաքագրվում են մեր հայրենակիցների կողմից, պետք է ուղղվեն բացառապես երկու հասցեով՝ «Հայաստան համահայկական հիմնադրամ» և «Զինծառայողների ապահովագրության հիմնադրամ»,- նշել է նա:
ԲԱՅՑ ԱՆՀՆԱՐ Է ԼՌԵԼ. պատերազմը, ինչպեսեվ ցանկացած ֆորս-մաժոր, ուղեկցվում է հանցավորության աճով, խարդախների ու արկածախնդիրների ակտիվացմամբ։ Սա օբյեկտիվ խնդիր է, որի դեմ պետք է պայքարել։ Եվ ներկա իրավիճակում ՊՆ հիշյալ հաղորդագրությունն այդ տեսանկյունից ծայրաստիճան արդիական է։ Բայց միևնույն ժամանակ ակնհայտ է, որ ճակատի, Արցախի և արցախցիների կարիքների համար դրամահավաքի և նյութական օգնության նախաձեռնությունները հիմնականում միանգամայն անկեղծ ու անշահախնդիր են, յուրաքանչյուրն ուզում է ինչ-որ բանով օգտակար լինել, ինչ-որ կերպ իր ներդրումն ունենալ բանակին աջակցելու և տուժածներին օգնություն ցուցաբերելու գործում։ Սա նույնպես օբյեկտիվ իրականություն է։ Այլ հարց է, որ ինքնաբուխ, սրտալի մասնավոր նախաձեռնությունները հստակ կազմակերպման կարիք ունեն պետական կառույցների կողմից։ Եվ այստեղ տեսանելի է, մեղմ ասած, ակնհայտ բացը։
Դեռևս հոկտեմբերի 2-ին Նիկոլ Փաշինյանը որոշում կայացրեց ստեղծել սոցիալական և նյութական աջակցության շտաբ, դրա (շտաբի) պետի պարտականությունները հանձնարարելով վարչապետի աշխատակազմի ղեկավարին: Շտաբի խնդիրն է՝ նյութական աջակցություն տրամադրել մարտական գործողությունների ժամանակ տուժած զինծառայողներին, կամավորներին և բնակչությանը։ Այժմ հարց. ինչո՞ւ այդ կառույցի ստեղծումից մեկ շաբաթ անց դրա գործունեության մասին ոչինչ չի լսվում։ Հարց երկրորդ. ինչո՞ւ իբր թե աշխատող շտաբի առկայությամբ հանդերձ, ոչ թե դա, այլ ՊՆ-ն է ստիպված տեղեկացնել քաղաքացիներին, թե հատկապես ուր փոխանցել գումարները։ Միգուցե այն պատճառով, որ նախորդ նախադասության մեջ «իբր թե» բառն առանցքայի՞նն է:
Ասենք, դա վերաբերում է ոչ միայն օպերատիվ շտաբին։ Կարծես թե աշխատում է աշխատանքի և սոցիալական հարցերի նախարարությունը։ Առհասարակ այդ գերատեսչությունն այսօր պետք է լինի ողջ պետական մեքենայի առաջամարտիկը։ Պարզ հարց. հազարավոր կամավորներ մեկնել են ռազմաճակատ՝ կռվելու, թողնելով աշխատանքը։ Ինչո՞վ են ապրելու նրանց ընտանիքները։ Այստեղ, ի դեպ, հիշեցնենք, որ վերջերս նախարարը հավանություն է տվել «կաթսաներով ակցիաներ» անցկացնելու նախաձեռնությանը՝ ի պաշտպանություն ռազմաճակատում կռվող տղաների։ Հասկանալի է, որ հեղափոխական խանդավառությունն ու երբեմնի հեղափոխական ժամանակների նկատմամբ կարոտախտը արթնացել են ոմանց սրտում։ Բայց ռազմաճակատում կռվող տղաների համար այսօր շատ ավելի գործուն աջակցություն կլիներ ոչ թե կաթսաների չխկչխկոցը, այլ վստահությունը, որ պետությունը դատարկ չի թողնի իրենց ընտանիքների կաթսաները։ Նման հարցերը լիառատ են, իսկ պատասխաններ չկան...
Կարծես թե աշխատում է առողջապահության նախարարությունը, բայց այսօր կանգնած ենք լրջագույն խնդրի առջև. առողջապահության համակարգը ստիպված է ընդունել ռազմաճակատում վիրավորվածներին և զուգահեռաբար պայքարել կորոնավիրուսի դեմ։ Ի դեպ, պատերազմի սկսվելուց հետո մենք բոլորս մի տեսակ մոռացել ենք COVID-19-ի մասին, մինչդեռ նա մեր մասին չի մոռացել և հիմա մոլեգնում է նոր ուժով։ Այս իրավիճակում, երբ մեկ պատուհասին գումարվում է մյուսը, երբ հայրենի ողջ բժշկությունը հսկայական բեռ է կրում, աշխատելով, ինչպես ասում են՝ երկու ճակատով և ուժասպառ լինելու աստիճան, արդյունավետ կառավարումն ու ճիշտ կազմակերպումը դառնում են գերխնդիր։ Եթե անկեղծ, առողջապահության կազմակերպիչների կողմից այդ փաստի գիտակցման նշաններ չեն երևում։ Հիշում եմ, երբ սկսվեցին համավարակի հետ կապված խնդիրները, ինֆեկցիոն հիվանդանոցում միանգամից մի քանի լրացուցիչ մասնաշենք կառուցեցին։ Դա համաճարակաբանական խնդիրներին պետության նախապատրաստման նշան էր։ Իսկ հիմա նաև պատերազմ է...
Կառավարության տնտեսական մասնահատվածը նույնպես ինչ-որ չի նկատվում։ Թերևս միայն ֆինանսների նախարարությունը որոշեց, որ պատերազմի պայմաններում բյուջեի ծախսերը կաճեն, և նախաձեռնեց բյուջեի ծախսային մասի փոփոխություն՝ ավելացնելով դա 40 միլիարդով։ Խոստովանենք, թիվն այդ առանձնապես տպավորիչ չէ, և առհասարակ պետական բյուջեի հարմարեցումը ռազմական ժամանակին ենթադրում է ծախսերի հոդվածների էական վերանայում։
Բայց գլխավորն այնուամենայնիվ այն է, որ նոր, լրջագույն մարտահրավեր է միջոցների ներհոսքը գանձարան, դրա եկամուտները։ Եկամուտների էական անկում է արձանագրվել նաև պատերազմից առաջ։ Դեռ նախքան պատերազմը կանխատեսվում էր հետագա անկում, իսկ հիմա ընդհանրապես պատերազմական պայմաններում կարելի է ակնկալել եկամտային ցուցանիշների կտրուկ նվազում։ Համապատասխանաբար, երկրի տնտեսությունը պահպանելու համար անհրաժեշտ են ուղղակի աներևակայելի ջանքեր և, ըստ էության, կրկնակի ֆորս-մաժորի դիմագրավման ծրագրեր։ Բայց... Որևէ մեկը նկատե՞լ է էկոնոմիկայի նախարարության ակտիվություն։ Որևէ մեկը լսե՞լ է տնտեսության խթանման ուղղությամբ պետության լրացուցիչ հրատապ քայլերի մասին։ Աննախադեպ օպերատիվ քայլերի։
Պատերազմը այնպիսի բան է, որը պահանջում է պետության բոլոր ջանքերի, ռեսուրսների մոբիլիզացում: Այդպիսի մոբիլիզացումն ակներև է ճակատում։ Այնտեղ մարդիկ հերոսաբար կռվում են։ Բայց այ թիկունքում... Դա (մոբիլիզացումը) իբր թե կա, այստեղ իբր թե աշխատում են: Համենայն դեպս այսօր տպավորությունը հենց այդպիսին է։
ПОСЛЕДНИЕ ОТ АВТОРА
-
2025-05-02 10:23Премьер-министр Армении Никол Пашинян поздравил сограждан с Международным днем труда и солидарности трудящихся, напомнив о важности знаний и образования, передает Новости-Армения. "Труд, конечно, является необходимым, но недостаточным условием для улучшения жизни отдельного человека и общества, поскольку только эффективный труд приносит удовлетворительные результаты, а чтобы быть эффективным, труд должен основываться на знаниях, постоянно совершенствуемых навыках, то есть на образовании и обучении", - говорится в послании премьер-министра Армении к 1 мая. "Возможно, нам следует найти в себе силы признать, что мы живем плохо в меру того, чего мы не знаем, и хорошо в меру того, что мы знаем, и для того, чтобы расширить наше благосостояние, нам нужно сократить объем того, чего мы не знаем, и расширить объем того, что мы знаем, а это возможно при теснейшей взаимосвязи труда и образования, образования и труда", - заявил Пашинян.
-
2025-05-01 10:36С 1 января 2025 года и по состоянию на 28 апреля 37 737 граждан подали Всеобщую декларацию о доходах (из 900 тыс декларантов - ред.), заявил премьер Никол Пашинян 30 апреля на заседании правительства, передает АрмИнфо. «16 тысячам 271 гражданину возвращены 1 миллиард 482 миллиона драмов в виде социального кредита (+ 165 миллионов драмов по сравнению с прошлым понедельником). Средняя сумма кредита, полученного обратно одним человеком, составляет 91,1 тыс. драмов», - отметил он. Премьер обратил внимание на тот факт, что в результате данного процесса сгенерировано дополнительных налогов на 1 млрд драмов.
-
2025-04-29 10:36В Армении с 27 апреля 2025 года вступила в силу административная ответственность для хозсубъектов за нарушения в маркировке молочных и мясных продуктов, передает АРКА. Как напомнили в Минэкономики республики, согласно изменениям в законе "О торговле и услугах", молочная продукция без заменителей молочного жира должна размещаться в супермаркетах на зелёных стеллажах, а с содержанием заменителей молочного жира - на оранжевых стеллажах. Кроме того, на полках должны быть соответствующие информационные таблички. Инспекционный орган безопасности продуктов питания сообщил ранее, что с 27 апреля вводится также административная ответственность для предпринимателей, которые не обеспечат наличие для мясной продукции документов, подтверждающих забой скота на скотобойнях, в видном для потребителей месте.
-
2025-04-26 15:28Тысяча крупнейших налогоплательщиков Армении за первый квартал 2025 года перечислили в госбюджет республики налогов и таможенных выплат на сумму более 409,3 млрд драмов против 387,1 млрд драмов за январь-март 2024 года, сообщает АРКА со ссылкой на Комитет по госдоходам РА. Согласно пресс-релизу, налоговым органом собрано 329,1 млрд драмов, а таможенным органом – 80,2 млрд драмов. В первую десятку крупнейших налогоплательщиков входят – "Газпром Армения" (выплаты составили 19,9 млрд драмов), Mobile Center Art (16,6 млрд драмов), Grand Tobacco (12,1 млрд драмов), CPS Energy Group (7,03 млрд драмов), Pretty Way (6,5 млрд драмов), Wildberries (5,7 млрд драмов), City (5,2 млрд драмов), International Masis Tabak (4,5 млрд драмов), ЗАО «Электрические сети Армении» (4,4 млрд драмов), Soft Constract (4,01 млрд драмов).
ПОСЛЕДНЕЕ ПО ТЕМЕ
-
2022-03-03 15:46Որքա՜ն նման են այնուամենայնիվ Զելենսկին ու Փաշինյանը: Երկու պոպուլիստ-դատարկախոս, որոնք հասցրել են իրենց երկրները ողբերգության, ընդ որում անչափ գոհ են իրենցից և բացարձակապես զուրկ մեղքի զգացումից։
-
2022-02-16 19:49Գերակա ոլորտները հետադիմում են Մեկ տարի առաջ հերթական նիստում Հայաստանի կառավարությունը հաստատեց երկրի տնտեսության վերականգնման ծրագիրը՝ մինչև 2024 թվական վերջնաժամկետով: Այդ ծրագրի և դրա հիմնական առաջնահերթությունների մասին ժամանակին շատ է խոսվել ու գրվել։
-
2021-12-24 08:59Իշխանության գալու առաջին իսկ օրվանից Փաշինյանը սկսեց նպատակաուղղված ոչնչացնել ենթակառուցվածքները, պետական կառավարման համակարգերը, այդ թվում՝ տնտեսական։ Իսկ այսօր կառավարությունն ու մենք բոլորս քաղում ենք նման անհեռատես, եթե ավելի կոպիտ չասենք, որոշման պտուղները…
-
2021-05-26 20:23Առաջին հայացքից բավական զարմանալի է, որ առաջիկա արտահերթ ընտրություններին պատրաստվում են մասնակցել այդքան մեծ թվով քաղաքական ուժեր ու գործիչներ։ Թվում է, բնավ ոչ բոլորն են կարող խիզախել հանձն առնել պատասխանատվությունը Հայաստանի ճակատագրի համար՝ գրեթե բոլոր ոլորտներում տիրող բացարձակ բարդակի, պետականության փաստացի կորստի, կառավարման համակարգի լիակատար փլուզման, սոցիալ-տնտեսական կաթվածահարության պայմաններում։