Գրոսմայստեր Վլադիմիր Հակոբյանը, որը 2021թ–ից խաղում է Ամերիկայի դրոշի ներքո, դարձել է շախմատի ԱՄՆ վետերանների փոխչեմպիոն։ Այս մասին հայտնում է Հայաստանի շախմատի ֆեդերացիան։

Երևանի Պուշկինի անվան թիվ 8 հիմնական դպրոցի մանկավարժական անձնակազմը և ծնողական համայնքը այսօր՝ հուլիսի 28–ին ակցիա են կազմակերպել քաղաքապետարանի դիմաց։ Նրանք խնդրում են քաղաքապետարանից դպրոցի տնօրենի ժամանակավոր պաշտոնակատարի պաշտոնում անփոփոխ թողնել Զառա Բարսեղյանին։

Վերջին մեկ շաբաթվա ընթացքում Արցախի Հանրապետության արևելյան սահմանագոտում բռնկված հրդեհների հետևանքով վտանգված է շուրջ 100 պատմամշակութային հուշարձան։ Կրակի տարածման գոտում են հայտնվել Տիգրանակերտի պատմամշակութային արգելոցը, Ամարասի վանական համալիրը, ինչպես նաև Թալիշ համայնքի շրջակայքում և մի շարք այլ բնակավայրերում գտնվող նշանակալի հուշարձաններ։ Այսմասինահազանգումէ Արցախի Հանրապետության մշակույթի նախարարությունը։

Արարատի մարզի Ուրցաձորի նախկին համայնքապետ Ռաֆիկ Անդրեասյանի խափանման միջոցը փոխվել է: Sputnik Արմենիայի հետ զրույցում տեղեկությունը հայտնեցին ՀՀ հակակոռուպցիոն դատարանի մամուլի ծառայությունից՝ նշելով, որ կալանավորումը փոխարինվել է տնային կալանքով։

Հուլիսի 25-ի երեկոյան մայրաքաղաք Երևանում ամսվա նորման 2 անգամ գերազանցող անձրև է տեղացել: Այսօր գործակարգավարական խորհրդակցության ժամանակ ասաց Երևանի քաղաքապետի խորհրդական Կամո Արեյանը` անդրադառնալով մայրաքաղաքի փողոցներ հեղեղումներին: Նրա խոսքով՝ հուլիս ամսվա նորման 9 մմ է, սակայն 20 րոպեի ընթացքում տեղումները գերազանցել են 18 մմ-ը:

Բաքվից ու Երևանից փոխադարձ «կառուցողական» ուղերձների ներքո Ադրբեջանը շարունակում է պնդել, որ ՀՀ-ն որպես նախապայման պետք է փոխի սահմանադրությունը, իսկ զուգահեռ առաջ է հրում, այսպես կոչված, 300 հզ. փախստականների ՀՀ վերադարձի հարցը։ Այս մասին Facebook–ի իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։

Ներկա իշխանություններին չհաջողվեց քնեցնել հայ ժողովրդի կամքը. չհաջողվեց հուսահատեցնել մեր երիտասարդներին։ Այս մասին հայտարարություն է տարածել «Տաշիր» ընկերությունների խմբի սեփականատեր Սամվել Կարապետյանը։

ԱՄՆ-ն և Եվրամիությունը պայմանավորվածություն են ձեռք բերել նոր առևտրային գործարքի շուրջ, որի շրջանակներում մաքսատուրքերի միասնական դրույքաչափ կսահմանվի 15 տոկոսի մակարդակում: Այս մասին հայտարարել է ԱՄՆ նախագահ Դոնալդ Թրամփը Եվրահանձնաժողովի նախագահ Ուրսուլա ֆոն դեր Լյայենի հետ հանդիպումից հետո։

Տիրոջ Պայծառակերպության՝ Վարդավառի տոնին մասնակցող Մոսկվայի հայ երիտասարդները իրենց համերաշխություն են հայտնել Հայ Առաքելական եկեղեցուն և ամենայն հայոց կաթողիկոս Գարեգին Բ–ին։ Այս մասին տեղեկանում են են Մոսկվայի հայկական եկեղեցու տելեգրամյանյ ալքից։