ԱՄՆ-ի աջակցությամբ Իրանին Իսրայելի հարվածներից հետո Թեհրանն անիմաստ է համարում շարունակել բանակցությունները Վաշինգտոնի հետ՝ Իրանի միջուկային ծրագրի շուրջ. ասել է Իրանի ԱԳՆ խոսնակ Էսմայիլ Բաղային։

Ազգային ժողովի նախկին նախագահ, նախկին վարչապետ Հովիկ Աբրահամյանի ձերբակալությունը միակը չի լինելու։ Այս մասին գրում է «Փաստ» օրաթերթը` նշելով, որ առաջիկայում նոր քրեական գործեր, դատավարություններ են լինելու։

Իրանի «Ճշմարիտ խոստում III» պատասխան գործողությամբ հարված է հասցվել է Իսրայելի երեք ավիաբազաների, որոնք օգտագործվել են որպես Իրանի վրա հարվածների մեկնարկային հարթակներ, հայտնել է Իսլամական հեղափոխության պահապանների կորպուսի հրամանատարի գլխավոր խորհրդական, բրիգադի գեներալ Ահմադի Վահիդին, հաղորդել է Tasnim-ը։

ՄԱԿ-ում ԱՄՆ դեսպանը պաշտպանել է Իսրայելի հարձակումները Իրանի վրա՝ հայտարարելով, որ Իսրայելի կառավարությունը Վաշինգտոնին հայտնել է, որ ռմբակոծությունները «անհրաժեշտ էին ինքնապաշտպանության համար», հաղորդում է Al Jazeera-ն։

ՀՀ վարչապետ Նիկոլ Փաշինյանի նպատակն ինչ-որ ձևով այսպես կոչված «խաղաղության» փաստաթուղթը ստանալն է։ Այս մասին Alpha News-ի եթերում ասել է ԱՄՆ Սթենֆորդի համալսարանի քաղաքագիտության դոկտոր Արթուր Խաչիկյանը։

ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Մասուդ Փեզեշքիանի և Իսրայելի վարչապետ Բենյամին Նեթանյահուի հետ՝ Իրանի դեմ Իսրայելի ռազմական գործողությունից հետո տարածաշրջանում իրավիճակի կտրուկ սրման ֆոնին: Այս մասին հայտնում է Կրեմլի մամուլի ծառայությունը։

Միջուկային օբյեկտները չպետք է հարձակման ենթարկվեն ՝ անկախ հանգամանքներից: Այս մասին հայտարարել է Ատոմային Էներգիայի միջազգային գործակալության (ՄԱԳԱՏԷ) գլխավոր քարտուղար Ռաֆայել Գրոսին ՝ ՄԱԿ-ի Անվտանգության խորհրդի արտահերթ նիստում, որը հրավիրվել էր իրանա-իսրայելական հակամարտության ֆոնին։

Թել Ավիվի գործողությունները հավասարազոր են պատերազմ հայտարարելուն և պարունակում են պետական ահաբեկչության գործողություններ, Իսրայելը Իրանի վրա է հարձակվել ԱՄՆ-ի աջակցությամբ։ ՄԱԿ–ի անվտանգության խորհրդի նիստում այս հայտարարությունն է արել Իրանի մշտական ներկայացուցիչ Ամիր Սաիդ Իրավանին:

Մերձավոր Արևելքում ծայրահեղ վտանգավոր սրացում տեղի է ունենում Իսրայելի գործողությունների պատճառով։ Այս մասին Իրանի խնդրանքով հրավիրված ՄԱԿ ԱԽ հրատապ նիստում հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան: