ՀՀ–ում 2025 թ. հունվար–ապրիլին ստվերային շրջանառությունը 2024 թվականի նույն ժամանակահատվածի համեմատ աճել է 84 մլրդ դրամով կամ 146%–ով։ Լրագրողների հետ հանդիպման ժամանակ այս տվյալները ներկայացրեց ՀՀ պետական եկամուտների կոմիտեի նախագահ Էդուարդ Հակոբյանը։

2020 թվականից ադրբեջանական գերության մեջ գտնվող լիբանանահայ Վիգեն Էուլջեքչյանը տեղափոխվել է հիվանդանոց։ Տեղեկությունը հայտնում է «Ապրելու երկիր» կուսակցության համահիմնադիր Մանե Թանդիլյանը։

Ոչ մի հարց չի կարելի լուծել ստիպողաբար, որևէ «Զանգեզուրի միջանցք» չի լինելու, այս մասին ասել է Հայաստանում Իրանի արտակարգ և լիազոր դեսպան Մեհդի Սոբհանին, պատասխանելով լրագրողի այն հարցին, որ Թուրքիայի տրանսպորտի և ենթակառուցվածքների նախարար ասում էր՝ իրենք պատրաստվում են Ադրբեջանի հետ այսպես կոչված «Զանգեզուրի միջանցք»-ի բացման ուղղությամբ և Ալիևն էլ ասում է, որ «Զանգեզուրի միջանցք»-ը պետք է բացվի, ինչ է պատրաստվում անել Իրանը, եթե Ադրբեջանը դիմի ուժի միջոցով վերցնելու այդ «միջանցք»-ը:

Ռուսաստանի Դաշնության նախագահ Վլադիմիր Պուտինն արտաքին գործերի նախարար Սերգեյ Լավրովին է հանձնել Սուրբ Անդրեաս Առաջինի շքանշան։

Օկուպացված Արցախում ավարտվել են Ադրբեջանի բանակի և Իրանի Իսլամական հեղափոխության պահապանների կորպուսի հատուկ նշանակության ուժերի «Արազ 2025» համատեղ զորավարժությունները, հայտնում են ադրբեջանական լրատվամիջոցները:

ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում շարունակվում է 2020 թվականի նոյեմբերի 10-ին Կառավարության և Ազգային ժողովի վարչական շենքերում և այլ վայրերում զանգվածային անկարգություններ կազմակերպելու, դրանց մասնակցելու, զանգվածային անկարգությունների ժամանակ մասնակիցների կողմից իշխանության ներկայացուցիչների օրինական պահանջներին ակտիվորեն չենթարկվելու կամ անձանց նկատմամբ բռնություն կիրառելու կոչերի, իշխանությունը զավթելուն, սահմանադրական կարգը բռնի տապալելուն ուղղված հրապարակային կոչերի, ինչպես նաև Ազգային ժողովին և Կառավարությանը պարտադրելու դեպքերի առթիվ նախաձեռնված քրեական վարույթի նախաքննությունը:

Իրանական ընկերությունը Հայաստանում պողպատե ամրանների արտադրության գործարան է կառուցել: Ագարակում լրագրողների հետ զրույցում տեղեկությունը հայտնեց Հայաստանում Իրանի Իսլամական Հանրապետության դեսպան Մեհդի Սոբհանին։

Իշխող «Քաղաքացիական պայմանագիր» կուսակցությունը պատրաստվում է նոր վարչության ընտրությունների։ Հայաստանի էկոնոմիկայի նախարար և կուսակցության վարչության անդամ Գևորգ Պապոյանը կառավարությունում կայացած ճեպազրույցի ժամանակ հաստատեց, որ վարչության կազմը փոխվելու է։

Հնդիկ առևտրականները լիակատար բոյկոտ են հայտարարել Թուրքիային և Ադրբեջանին՝ վերջին հակամարտության ժամանակ Պակիստանին աջակցելու համար։ Հնդկական առևտրականների համադաշնությունը (CAIT) հայտարարել է այս երկրների հետ ներմուծումն ու արտահանումն անհապաղ դադարեցնելու մասին։