Վերջին երկու շաբաթվա ընթացքում Չինաստանում կտրուկ աճել է ռենիումի պահանջարկը. այս հազվագյուտ մետաղն արդյունահանվում է նաև Հայաստանում։

Գլխավոր դատախազությունը հաստատում է, որ Էջմիածնի նախկին քաղաքապետի դրվագով քրեական վարույթ կա, որը հարուցվել է Հակակոռուպցիոն կոմիտեում փողերի լվացման և պաշտոնական լիազորությունները չարաշահելու հոդվածներով:

«Իրենց առաքելությունն է դա, մեր առաքելություն է՝ պայքարել Արցախի հարցը չփակվելու համար»,- այս մասին «Արցախյան բանակցություններ» գրքի շնորհանդեսի ընթացքում լրագրողների հետ զրույցում ասաց արևելագետ Գուրգեն Մելիքյանը՝ պատասխանելով հարցին,թե արդյո՞ք գրքի ուղերձները տեղ կհասնեն օրվա իշխանություններին։

Իրանի հարավարևելյան Սիստան և Բելուջիստան նահանգի Զահեդան քաղաքի դատական վարչությունը զինված հարձակման է ենթարկվել։ Տեղեկությունը հայտնում է IRIB գործակալությունը:

Ռուսաստանի հայերի միության նախագահ Արա Աբրահամյանը TASS-ին տված հարցազրույցում հայտարարել է, որ Հայաստանը պետք է լինի Ռուսաստանի Դաշնության հետ, քանի որ պատմականորեն եղել է ռուսական պետության ամենամտերիմ երկրներից մեկը։

Ռուսաստանը Ուկրաինայի հարցով ՄԱԿ-ի Անվտանգության խորհրդի նիստ է խնդրել հուլիսի 31-ին: Այս մասին հայտնել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին։

Ծաղիկ արտադրող ևս 4 ընկերության արտահանման թույլտվություն է ստացել։ Տեղեկությունը հայտնում է ՀՀ սննդամթերքի անվտանգության տեսչական մարմինը։

2025 թ. երկրորդ եռամսյակում Հայաստանի 1000 խոշոր հարկատուների ցանկը գլխավորում է «Մոբայլ Սենթր Արթը»՝ 32,9 մլրդ դրամ մուտքով։ Երկրորդ տեղում «Գրանդ Տոբակո» ընկերությունն է՝ 30,4 մլրդ դրամ մուտքով։ Ցանկի երրորդ տեղում «Գազպրոմ Արմենիա» ընկերությունն է` ավելի քան 28 մլրդ դրամ մուտքով։ Հայտնում է ՊԵԿ–ը։

Գործող իշխանությունները պատերազմից հետո փորձ են անում կեղծելու և խեղաթյուրելու Արցախյան շարժման, Արցախի Հանրապետության ձևավորման պատմությունն ու բանակցային ամբողջ գործընթացը։ ՀՅԴ անդամ, ՀՀ ԱԺ «Հայաստան» խմբակցության անդամ, ֆիզիկամաթեմատիկական գիտությունների թեկնածու Արթուր Խաչատրյանը որոշեց հոդված գրել ու ներկայացնել իրականությունը, հոդվածը երկարեց, արդյունքում 1300 էջանոց երկհատորյակ դարձավ։ «Արցախյան բանակցություններ» գրքի շնորհանդեսի ժամանակ հեղինակը նշեց՝ աշխատությունում մոտ 3500 հղում կա, ինչը նշանակում է՝ օդից վերցված խոսքեր չկան, տարբեր աղբյուրներով հիմնավորված փաստեր են։