Իրանի արտաքին գործերի նախարարության ներկայացուցիչ Նասեր Քանանին հայտարարել է, որ Թեհրանը կշարունակի իր խաղաղ միջուկային ծրագիրը և կառուցողական համագործակցությունը ՄԱԳԱՏԷ-ի հետ, հաղորդում է Mehr-ը:

Աշխարհի խոշորագույն զբոսաշրջային տոնավաճառներից մեկի՝ Բեռլինի միջազգային զբոսաշրջային ցուցահանդեսի (ITB Berlin) կազմակերպիչները նամակ են հղել ՀՀ էկոնոմիկայի նախարարությանը՝ պահանջելով ցուցահանդեսի ժամանակ չօգտագործել Լեռնային Ղարաբաղի մասին տեղեկատվություն պարունակող բուկլետներ, կատալոգներ և այլն: Ընդ որում, իրենց պահանջը հիմնավորելու համար նամակում հիշատակվում է ՄԱԿ-ի Անվտանգության խորհրդի չորս բանաձևեր Ղարաբաղի վերաբերյալ (այսպես կոչված՝ «Ադրբեջանի տարածքների օկուպացիայի» վերաբերյալ)։ Դա, բնականաբար, բուռն քննարկումներ է առաջացրել սոցցանցերում։

Չինաստանը կոչ է անում Ռուսաստանին և Ուկրաինային դադարեցնել կրակը և խաղաղ բանակցություններ սկսել։

Վարչապետ Նիկոլ Փաշինյանը Մյունխենի անվտանգության համաժողովի շրջանակում փետրվարի 17-ին, հանդիպում է ունեցել Կարմիր Խաչի միջազգային կոմիտեի նախագահ Միրյանա Սպոլյարիչի հետ:

Ռուս խաղաղապահները հումանիտար բեռով երկու շարասյուն են ուղեկցել Լեռնային Ղարաբաղ։ Տեղեկությունը հայտնում է ՌԴ պաշտպանության նախարարությունը։

ՀՀ պաշտպանության նախարարի տեղակալ Արման Սարգսյանն փետրվարի 17-ին, ընդունել է փաստահավաք առաքելությամբ Հայաստանի Հանրապետություն ժամանած Եվրոպայի խորհրդի խորհրդարանական վեհաժողովի Մոնիտորինգի հանձնաժողովի Հայաստանի հարցերով համազեկուցողներ Կիմո Կիլյունենի, Բորիանա Աբերգի և հանձնաժողովի քարտուղար Մեթյու Մոնինի պատվիրակությանը։

Փետրվարի 17-ին Արցախի Հանրապետության ԱԺ նախագահ Արթուր Թովմասյանի նախագահությամբ հրավիրվել է արցախահայության ազգային- ազատագրական պայքարի՝ ղարաբաղյան շարժման 35-րդ տարեդարձի տոնակատարությունների կազմակերպման և համակարգման պետական հանձնաժողովի հերթական նիստը, տեղեկացնում են Արցախի Հանրապետության ազգային ժողովից։

Միջազգային իրավական հարցերով ներկայացուցչությունը հայտնում է․

Մյունխենի անվտանգության համաժողովի շրջանակում վարչապետ Փաշինյանը կարճատև հանդիպում է ունեցել Ֆրանսիայի նախագահ Էմանուել Մակրոնի հետ: Տեղեկությունը հայտնում է վարչապետի մամուլի ծառայությունը։