Եվրոպական խորհրդի նախագահ Շառլ Միշելը Մյունխենի անվտանգության համաժողովում ելույթի ժամանակ հայտարարել է, որ համաշխարհային հանրությունը պետք է կողմնորոշվի միջազգային հարաբերությունների համակարգի կազմակերպման նոր ձևի հարցում։ «Կարծում եմ, որ եկել է մտորումների և միջազգային հանրության համար հնարավոր նոր հիմնադիր պայմանագրի շուրջ աշխատելու պահը»,-ասել է նա։

ՀՀ նախագահ Վահագն Խաչատուրյանը հրամանագիր է ստորագրել, որով Հակակոռուպցիոն դատարանի նախագահ է նշանակվել Խաչիկ Ղազարյանը։

ՀՀ նախագահ Վահագն Խաչատուրյանի հրամանագրերով կադրային փոփոխություններ են կատարվել ՀՀ զինված ուժերում։ ՀՀ նախագահի պաշտոնական կայքում հրապարակված փաստաթղթերից մեկի համաձայն` Ալբերտ Բաղդասարյանն ազատվել է ՀՀ զինված ուժերի գլխավոր շտաբի անձնակազմի կառավարման գլխավոր վարչության պետի պաշտոնից:

«Ամբողջ գիշեր կրակի շուրջն ենք եղել , բալիկներ կան, որ քնել են գետնին՝ առանց ադյալների, նույնիսկ թույլ չեն տալիս խոտ դնեն էրեխեքի տակը, որ գետնից մի բանով տաբերվի։ Բարձրաձայն հայտարարում եմ, որ ոստիկանները երեկ 13-14 տարեկան աղջիկների նկատմամբ սեռական ոտնձգության փորձ են արել»,-այս մասին ասաց ՊՆ նախկին շենքի բնակիչը։  

Այսօր Իսրայել կատարած պաշտոնական այցի ընթացքում Երուսաղեմի հայոց պատրիարքարան է այցելել Մոսկվայի փոխքաղաքապետ, էկոնոմիկայի նախարար և արտաքին հարաբերությունների պատասխանատու Սերգեյ Չերյոմինը։ Տեղեկությունը ֆեյսբուքյան էջում հայտնել է հայր Աղան Գոգչեանը։

Աղետներում մասնագիտացած փորձագետները փետրվարի 6-ին Թուրքիայում և Սիրիայում տեղի ունեցած ավերիչ երկրաշարժի տնտեսական վնասը գնահատում են ավելի քան 20 միլիարդ դոլար։ Ընդ որում, ամերիկյան Verisk Analytics ընկերության նախնական գնահատականով՝ այդ գումարի միայն չնչին մասը՝ մոտ մեկ միլիարդ դոլարն է ապահովագրված եղել։ Այս մասին այսօր՝ փետրվարի 16-ին, հայտնում է Reuters-ը։

Արցախի Հանրապետության պետական նախարար, օպերատիվ շտաբի պետ Ռուբեն Վարդանյանը փետրվարի 17-ին ընդլայնված խորհրդակցություն է հրավիրել՝ պետական մարմինների ղեկավար կազմի, շրջանների վարչակազմերի ղեկավարների մասնակցությամբ:

Փոխվարչապետ Մհեր Գրիգորյանը ԵԱՀԿ գործող նախագահի անձնական ներկայացուցիչ Անջեյ Կասպրշիկին է ներկայացրել Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում ստեղծված իրավիճակը: Տեղեկությունը հայտնում է կառավարությունը` հավելելով, որ Մհեր Գրիգորյանն այսօր ընդունել է Անջեյ Կասպրշիկին։

Գեղարքունիքի մարզի Վարդենիսի նյարդահոգեբանական տուն–ինտերնատի տնօրենը ստիպել է հիվանդներից մեկին մաքրել իր խոզանոցը, հիվանդներին խոշտանգել է։ Տեղեկությունը հայտնում է ՀՀ ոստիկանության մամուլի ծառայությունը։