Հայաստանի մարդու իրավունքների պաշտպան Քրիստինե Գրիգորյանը ամփոփել է անցնող տարին, ու նշել, որ այն լի էր ներքին ու արտաքին մարտահրավերներով, տեղեկացնում են ՄԻՊ-ի աշխատակազմից։

ՀՀ երրորդ նախագահ Սերժ Սարգսյանի անունից առավոտյան ծաղկեպսակ է դրվել «Եռաբլուր» զինվորական պանթեոնում՝ Հայրենիքի ազատության և անկախության համար իրենց կյանքը զոհաբերած հայորդիների սխրանքը հավերժացնող հուշապատին և հարգանքի տուրք մատուցվել:

Տագնապալի պայմանների մեջ ենք ողջունում Նոր տարին, Հայաստանն ու Արցախը ահավոր վտանգներով են շրջափակված, իր ամանորյա ուղերձում ասել է Մեծի Տանն Կիլիկիո կաթողիկոս Արամ Առաջինը։

Մենք պետք է ամեն կերպ խնդիրը ներկայացնենք աշխարհին, որպեսզի ոչ միայն օգնեն մեզ, այլ նաև հասկանան, որ սա միայն մեր խնդիրը չէ, սա աշխարհի համար նույնպես կարևոր է: Այս մասին Արցախի Հանրապետության Հանրային հեռուստաընկերությանը տված հարցազրույցում ասել է Արցախի պետնախարար Ռուբեն Վարդանյանը:

ԵԱՏՄ-ի և Իրանի միջև Ազատ առևտրի գոտու (ԱԱԳ) շուրջ համաձայնագիրը կարող է ստորագրվել 2023 թվականի առաջին կեսին, ավարտական փուլում Է գտնվում նաև Եգիպտոսի հետ Ազատ առևտրի գոտու շուրջ համաձայնագրի ստորագրման նախապատրաստական աշխատանքը: «Արմենպրես»-ի փոխանցմամբ՝ այս մասին հայտարարել է Եվրասիական տնտեսական հանձնաժողովի կոլեգիայի ղեկավար Միխայիլ Մյասնիկովիչը ТАСС-ին տված հարցազրույցում:

Ընտանեկան և սոցիալական նպաստների, եռամսյակային հրատապ օգնության ամսական չափերը 2023 թվականի հունվարի 1-ից կդառնան 20,000 դրամ (18,000 դրամի փոխարեն), իսկ անապահովության միավորը կպահպանվի 2022 թվականի համար սահմանված չափով՝ 28.00:

Ռուսաստանի Դաշնության նախագահ Վլադիմիր Պուտինը հրամանագիր է ստորագրել մի քանի ռուս դիվանագետների պետական մրցանակներով պարգևատրելու մասին։ Տեղեկությունը հայտնում է ՌԻԱ Նովոստին։

Արցախի Հանրապետության նախագահ Արայիկ Հարությունյանը դեկտեմբերի 30-ին անց է կացրել աշխատանքային խորհրդակցություն ուժային կառույցների ղեկավարների մասնակցությամբ:

Դեկտեմբերի 31-ին` ժամը 18:00-ին, ՀՅԴ Գերագույն մարմնի Ազատամարտիկների հանձնախումբը և ՀՅԴ ՀԵՄ-ը Եռաբլուրում կազմակերպում են մոմավառություն ի հիշատակ հանուն հայրենիքի նահատակված անմահ հերոսների։