Ես ՄԱԿ Մարդու իրավունքների կոմիտեին կոչ եմ արել առաքելություն ուղարկել Լաչինի միջանցք և տեղում ծանոթանալ իրավիճակին։ Այս մասի դեկտեմբերի 29-ին լրագրողների հետ զրույցում ասել է Հայաստանի մարդու իրավունքների պաշտպան Քրիստիննե Գրիգորյանը։

Արդարադատության նախարարությունում 20 տարվա աշխատանքային փորձ ունեցող Արմենուհի Հարությունյանը նշանակվել է արդարադատության նախարարի տեղակալ: Այս մասին NEWS.am-ը տեղեկանում է ՀՀ արդարադատության նախարարության մամուլի ծառայությունից։

Քննադատությունը Ղարաբաղում ռուս խաղաղապահների զորակազմի հասցեին անընդունելի է։ Այս մասի ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով հարցը, թե ՌԴ-ն ի վիճակի չէ ստիպել Ադրբեջանին կատարել 2020թ. նոյեմբերի 9-ի հայտարարությամբ ստանձնած իր պարտավորությունները և բացել Լաչինի միջանցքը, և հնարավոր է արդյոք այս առումով ԵԱՀԿ ՄԽ ձևաչափի վերականգնումը։

Հասկանալի է, մենք հաշվի ենք առնում, որ մեզ կապում են դաշնակցային պարտավորությունները թե՛ Հայաստանի, թե՛ Ադրբեջանի հետ, ուստի որպես միջնորդ անփոփոխ այնպիսի դիրքորոշում ենք որդեգրում, որը թույլ է տալիս արդյունավետ կատարել այդ գործառույթը։

Լաչինի միջանցքի փակումը 2020 թվականի նոյեմբերի 9-ի եռակողմ հայտարարության 6-րդ կետի կոպիտ խախտում է: Այս կետով պարտավորություն են կրում եռակողմ հայտարարության կողմերից երկուսը՝ Ադրբեջանական Հանրապետությունը և Ռուսաստանի Դաշնությունը: Ադրբեջանը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը, իսկ Ռուսաստանի Դաշնության խաղաղապահ զորախումբը վերահսկողության տակ է պահում Լաչինի միջանցքը: Այս մասին Կառավարության նիստում հայտարարեց ՀՀ վարչապետ Նիկոլ Փաշինյանը:

Կառավարությունն իր այսօրվա՝ դեկտեմբերի 29-ի նիստում բացասական եզրակացություն տվեց ԱԺ «Հայաստան» խմբակցության մշակած օրենսդրական նախաձեռնությանը:

Հակակոռուպցիոն դատարանն այսօր՝ դեկտեմբերի 29-ին, մերժել է ՀՀ պաշտպանության նախկին նախարար Դավիթ Տոնոյանին ազատ արձակելու մասին պաշտպանների միջնորդությունը։ Այս մասին NEWS.am-ը տեղեկացավ Տոնոյանի պաշտպան Սերգեյ Հովհաննիսյանից։

Ռուսաստանի Դաշնությունն ամեն կերպ աջակցում է Հայաստանի և Ադրբեջանի միջև խաղաղության պայմանագրի ստորագրման գործընթացին։ Այս մասին ՌԴ արտաքին գործերի նախարար Սերգեյ Լավրովն ասել է ՌԻԱ Նովոստիին տված հարցազրույցում` պատասխանելով հարցին` Ռուսաստանը հույս ունի, որ առաջիկա ամիսներին Հայաստանը և Ադրբեջանը կստորագրեն խաղաղության պայմանագիր և արդյոք դրանում կնշվի Լեռնային Ղարաբաղի կարգավիճակը։

ԼՂ ժողովրդին աջակցելու նպատակով ՀՀ վարչապետ Նիկոլ Փաշինյանն աշխատանքային խումբ ձևավորելու որոշում է կայացրել։ Նա այդ մասին ասաց կառավարության այսօրվա նիստի մեկնարկից առաջ։