Դեկտեմբերի 26-ին տեղի է ունեցել Մարդու իրավունքների պաշտպանին առընթեր Զինված ուժերում մարդու իրավունքների պաշտպանության հարցերով փորձագիտական խորհրդի նիստ, հայտնում են ՄԻՊ աշխատակազմից։

Ստեղծվել է ճգնաժամ, ինչի պատասխանատուն Ադրբեջանն է, այն լուծելու հնարավորությունն ունի Ռուսաստանի Դաշնություն, որովհետև նա լիազորված է դա կատարելու նոյեմբերի 9-ի հայտարարությամբ։ Այս մասին այսօր՝ դեկտեմբերի 26-ին, Հանրային հեռուստաընկերությանը տված հարցազրույցում ասել է Անվտանգության խորհրդի քարտուղար Արմեն Գրիգորյանը։

Կրեմլին «գլխատող հարված» հասցնելու վերաբերյալ Պենտագոնի հայտարարությունները, ըստ էության, խոսում են ՌԴ նախագահին ֆիզիկապես ոչնչացնելու սպառնալիքի մասին։ Այս մասին ՏԱՍՍ–ին հայտարարել է ՌԴ արտգործնախարար Սերգեյ Լավրովը։

Երևանի Հանրապետության հրապարակից մեկնարկված մի խումբ քաղաքացիների ավտոերթը դեպի Ստեփանակերտ ընդհատվել է Արցախ տանող փակ ճանապարհին։ Նրանք հանդիպել են ռուսական զորախմբի հրամանատարի տեղակալի հետ։ Ակցիայի մասնակիցներից մեկը մանրամասներ է ներկայացրել հանդիպումից։  

Թուրքիան Ֆրանսիայի դեսպանին ԱԳՆ է կանչել՝ կապված Փարիզում քրդերի ցույցերի հետ՝ անցած շաբաթվա վերջին քրդական համայնքի երեք անդամների սպանությունից հետո։

Արցախի ժողովուրդը 14 օր շրջափակման մեջ լինելով՝ չի փոխել և չի փոխելու իր դիրքորոշումը. իր որոշումը վերջնական է, որ որևէ կարգավիճակով Ադրբեջանի կազմում Արցախը երբեք չի լինելու։ Այս մասին այսօր՝ դեկտեմբերի 26-ին, Ազնավուրի հրապարակում լրագրողների հետ զրույցում ասաց ԱՀ ՄԻՊ Գեղամ Ստեփանյանը՝ անդրադառնալով Ստեփանակերտում տեղի ունեցած հանրահավաքին։  

Արցախում տեղի ունեցած հանրահավաքը Լեռնային Ղարաբաղի կամքի ցուցիչն է, որ չկատարվի այն, ինչ փորձում են հարկադրել ադրբեջանցիները։ Այս մասին NEWS.am-ի թղթակցի հետ զրույցում ասաց քաղաքագետ Ալեքսանդր Իսկանդարյանը։

Բարձրագույն դատական խորհուրդը դադարեցրեց Երևան քաղաքի ընդհանուր իրավասության դատարանի դատավոր Աննա Փիլոսյանի լիազորությունները։

Վերին Լարսի անցակետի հնարավորությունների ընդլայնման, ինչպես նաև բեռների և ավտոմեքենաների ձևակերպման ընթացակարգերի օպտիմալացման աշխատանքները շարունակվում են։ Այս մասին դեկտեմբերի 26-ին Մոսկվա-Մինսկ-Բիշքեկ-Երևան-Սուխում-Ցխինվալ տեսակամրջի ժամանակ հայտարարել է ՌԴ տնտեսական զարգացման փոխնախարար Դմիտրի Վոլվաչը։