Առատ ձյան պատճառով ԱՄՆ նախագահ Ջո Բայդենն արտակարգ դրություն է հայտարարել Նյու Յորք նահանգում։ Տեղեկությունը հայտնում է The Washington Times-ը` հղում անելով Սպիտակ տան մամուլի ծառայությանը։

Բարձրագույն դատական խորհրդում այսօր տեղի ունեցավ հակակոռուպցիոն քաղաքացիական գործեր քննող դատավորների ընտրության հարցազրույցի փուլը, որին մասնակցող 10 հավակնորդից ընտրվել է 2 թեկնածու՝ Աննա Շիլաջյանը՝ 7 կողմ, 2 դեմ ձայնով, և Ռուդոլֆ Ավագյանը՝ 6 կողմ, 3 դեմ ձայնով: Այս մասին հայտնում է ԲԴԽ-ն։

«Վիճակը ողբերգական է և օրհասական, բեռնատարների հերթը, որ հասնում էր մինչև 10 կմ-ի, հիմա այդ շարքն ավելի է երկարել»,- Yerevan.Today-ի հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով Վրաստանի տարածքում հայկական բեռնատար վարորդների խնդրին։  

Մեկ ժամ առաջ ադրբեջանցի ընդդիմադիր բլոգեր Օրխան Աղաևը Բեռլինում իր բնակարանի դիմաց հարձակման է ենթարկվել երեք իր հայրենակիցների կողմից։ Օրխան Աղաևը պատմել է, որ 2 հոգի հարձակվել են իր վրա, 1-ը հետևել է կողքից, թե ինչպես են իրեն ծեծում։ Հարձակվողները նրան ոչինչ չեն ասել։ Այս մասին ֆեյսբուքյան իր էջում հայտնել է ադրբեջանցի լրագրող Աֆղան Մուխթարլին և տարածել տեսանյութ։

Ռուբեն Մելքոնյանը միաձայն քվեարկությամբ վերընտրվել է ԵՊՀ արևելագիտության ֆակուլտետի դեկան։ Այդ մասին Մելքոնյանը հայտնել է սոցցանցի իր էջում՝ նշելով, որ շարունակելու է մեծ պատասխանատվությամբ մոտենալ ֆակուլտետը ղեկավարելու գործին։

Գերմանիան հակասություններ չի տեսնում Ադրբեջանից գազ գնելու Եվրամիության ծրագրերում, չնայած նրան, որ այն կարող է ռուսական ծագման լինել, լրագրողներին ասել են Գերմանիայի էկոնոմիկայի նախարարության և ԱԳՆ ներկայացուցիչները, փոխանցում է «ՌԻԱ Նովոստին»։

Ադրբեջանի ՊՆ հաղորդագրությունը, թե իբր ՊԲ ստորաբաժանումները այսօր՝ 10։00-14։25-ն ընկած ժամանակահատվածում, կրակ են բացել Արցախի Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։

Ադրբեջանի նախագահ Իլհամ Ալիևը Հայաստանին մեղադրել է ՀԱՊԿ երկրների հետ Բաքվին բախման մղելու փորձի համար՝ վստահեցնելով, որ այդ փորձերը «տապալվել են»։

Ադրբեջանական վերջին ագրեսիայի հետևանքով տուժած բնակավայրերի վերականգնման գործընթացը գոհացուցիչ է, գույքագրված բոլոր բնակարանների վերականգնման համար համապատասխան գումար տրամադրվել է, աշխատանքներն ընթացքի մեջ են։ Այս մասին ֆեյսբուքյան իր էջում գրել է Գեղարքունիքի մարզպետ Կարեն Սարգսյանը, որը Վարդենիս համայնքի ղեկավար Ահարոն Խաչատրյանի, Սոթք բնակավայրի ղեկավար Սևակ Խաչատրյանի ուղեկցությամբ այցելել է Սոթք` ծանոթանալու ընթացող աշխատանքներին։