Հայաստանի անվտանգության խորհրդի քարտուղար Արմեն Գրիգորյանն այսօր ընդունել է ԵՄ Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերտի գլխավորած պատվիրակությանը: Տեղեկությունը հրապարակվել է ԱԽ-ի ֆեյսբուքյան էջում։

Երևանում վերաբացվեց Կանադայի հյուպատոսությունը, որը գտնվում է Նորք Մարաշ վարչական շրջանում։ ՀՀ–ում Կանադայի արտակարգ և լիազոր դեսպան Էլիսոն Լը Քլերը նշեց, որ Կանադան 1997 թվականից Հայաստանում ունեցել է հյուպատոսություն, որի նպատակն է եղել Հայաստանում բնակվող, սովորող և ճանապարհորդող կանադացիներին օգնություն տրամադրել։

ԵՄ էներգետիկայի նախարարները համաձայնության չեն եկել գազի գնի՝ Մվտ/ժ-ի դիմաց 275 եվրոյի մակարդակի սահմանափակման շուրջ քննարկումների ժամանակ, փոխանցում է Reuters-ը։

««Վեոլիա ջուր» ընկերությունն օգոստոսին 208.5 դրամի ջրի սակագնի հայտ է ներկայացրել բոլոր սպառողների համար՝ համաձայն վարձակալության իր պայմանագրի»,-կառավարության շենքի մուտքի մոտ լրագորղներին հայտնեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:

44-օրյա պատերազմում զոհվածների ծնողները ՀՀ քննչական կոմիտեին են փոխանցել սեպտեմբերի 21-ին «Եռաբլուրում» իրենց հանդեպ բռնություն գործադրած ոստիկանների նկարները, դրանցից նաև փակցնելով քննչականի պատերին։ ՔԿ–ում կայացած հանդիպումից հետո տեղեկությունը լրագրողներին հայտնեց զոհված զինծառայողներից մեկի մայրը` Ազգուշ Մարտիրոսյանը։

Արցախի Հանրապետության նախագահի մամուլի խոսնակ Լուսինե Ավանեսյանը մեկնաբանություն է տվել մամուլում շրջանառվող այն լուրերի վերաբերյալ, թե Արցախում Արտաքին գործերի նախարարի պաշտոնում քննարկումներ են ընթանում Վարդան Օսկանյանի և Արա Այվազյանի թեկնածությունների շուրջ, հայտնում է «Արցախպրես»-ը։

Ժամը 17-ից Հանրային հեռուստաընկերության եթերով հեռարձակվում է «Հայաստան» համահայկական հիմնադրամի «Մենք ստեղծում ենք կենսունակ համայնքներ» խորագիրը կրող 25-րդ հեռուստամարաթոնը։

ՀՀ տարածքային կառավարման և ենթակառուցվածքների նախարարության ներկայացուցիչները և Վրաստանում ՀՀ դեսպանության հյուպատոսի պարտականությունները կատարող Հարություն Հայրապետյանը Թբիլիսիի շրջանցիկ ճանապահին հանդիպել են ՌԴ մեկնող հայկական բեռնատարների վարորդներին, որոնք Վերին Լարսի անցակետում կուտակումների պատճառով կանգնեցվել են շրջանցիկ ճանապարհին: Տեղեկությունը հրապարակվել է գերատեսչության ֆեյսբուքյան էջում։

«Զվարթնոց» օդանավակայանի «Կարգո» բեռնային համալիրի մաքսային հսկողության գոտում միջազգային առաքանու միջից 2400 գրամ (2.4 կգ) մարիխուանա է հայտնաբերվել։ Տեղեկությունը հայտնում է ՀՀ պետեկամուտների կոմիտեն։