Արցախից պաշտոնապես ոչ հերքում, ոչ հաստատում են՝ ՀՀ արտաքին գործերի նախկին նախարար Վարդան Օսկանյանին Արցախի ԱԳ նախարարի պաշտոնում հնարավոր նշանակման մասին լուրը։ Արցախի Հանրապետության նախագահի մամուլի խոսնակ Լուսինե Ավանեսյանը «Փաստինֆո»-ի հետ զրույցում ասաց, որ այս պահի դրությամբ ԱՀ նախագահ Արայիկ Հարությունյանն ԱՀ ԱԳՆ-ի պաշտոնում նշանակելու մասին որևէ հրամանագիր չի ստորագրել։ Ճշգրտող հարցին՝ արդյո՞ք առաջարկ ներկայացվել է Օսկանյանին, Ավանեսյանը պատասխանեց՝ նշելով, որ իր համար հիմքը նախագահի հրամանագիրն է։

Այսօր՝ նոյեմբերի 23-ին, Ստրասբուրգում ձայների մեծամասնությամբ Եվրախորհրդարանը կողմ քվեարկեց Ռուսաստանն ահաբեկչության հովանավոր պետություն ճանաչելու մասին բանաձևին, հաղորդում է DW-ը։

ՀԱՊԿ անդամ երկրների անվտանգության խորհուրդների քարտուղարները դատապարտել են նացիզմի, նեոնացիզմի և ծայրահեղականության հերոսացումը։ Երևանում ՀԱՊԿ անդամ երկների արտգործնախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստում հայտարարություն է ընդունվել։

Սահմանադրությամբ այդպես չէ, որ ձևավորվում է նոր կառավարություն, բայց դե ֆակտո ունենալու ենք նոր կառավարություն, պետնախարար, որ լիազորված է այդ բոլոր իրավունքներով: Այս մասին, այսօր՝ նոյեմբերի 23-ին, Արցախի Ազգային ժողովի արտահերթ նիստում հայտարարեց Արցախի նախագահ Արայիկ Հարությունյանը:

Միավորված ազգերի կազմակերպությունը շնորհակալություն է հայտնում Հայաստանին խաղաղության պահպանման գործում ունեցած ներդրման համար, տեղեկանում ենք ՄԱԿ–ի հայաստանյան գրասենյակի պաշտոնական էջից։

Հավաքական անվտանգության պայմանագրի կազմակերպության (ՀԱՊԿ) ԱԳ նախարարների խորհրդի, պաշտպանության նախարարների խորհրդի, Անվտանգության խորհուրդների քարտուղարների կոմիտեի նիստի և Հավաքական անվտանգության խորհրդի նստաշրջանի մասնակիցները չորեքշաբթի ընդունել են արտաքին գործերի նախարարների մի շարք հայտարարություններ, այդ թվում՝ Մինսկի նախաձեռնությամբ մշակված փաստաթուղթ, որը վերաբերում է միջազգային և տարածաշրջանային անվտանգության ճարտարապետության ամրապնդմանը և սպառազինությունների վերահսկմանը, զինաթափմանը և տարածման կանխմանը։ Այս մասին հայտնում է Բելառուսի ԱԳՆ-ն։

Ռուսաստանի Դաշնության նախագահ Վլադիմիր Պուտինը ժամանել է Երևան, որտեղ կմասնակցի Հավաքական անվտանգության պայմանագրի կազմակերպության Հավաքական անվտանգության խորհրդի (ՀԱԽ) նստաշրջանին, որը կանցկացվի ՀՀ վարչապետ Նիկոլ Փաշինյանի նախագահությամբ։  

Պետական միջոցներով շինարարական աշխատանքներ են ընթանում «Գետավան» հիդրոէլեկտրակայանի կառուցման ուղղությամբ, ԱԺ նիստում ասել է Արցախի նախագահը՝ նշելով, որ այն 17 մեգավատ հզորություն ունի։

Ադրբեջանը շարունակում է իր ահաբեկչական գործողությունները և՛ տեղեկատվական/քարոզչական դաշտում, և՛ առաջնագծում։ Այս մասին գրում է ԱԺ "Պատիվ ունեմ" խմբակցության պատգամավոր Տիգրան Աբրահամյանը: