Նոյեմբերի 21-ին՝ ժամը 22:45-ին, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

Լեհաստանը և Գերմանիան պայմանավորվել են լրացուցիչ Patriot համակարգեր տեղադրել լեհ-ուկրաինական սահմանի մոտ, ասվում է Լեհաստանի պաշտպանության նախարար Մարիուշ Բլաշչակի հայտարարության մեջ։

Իրանի և Հայաստանի միջև տարբեր ոլորտներում հարաբերությունների ընդլայնումը կծառայի երկու երկրների շահերին և կամրապնդի կայունությունն ու անվտանգությունը Հարավային Կովկասի տարածաշրջանում։ Այս մասին Հայաստանի ԱԳ փոխնախարար Մնացական Սաֆարյանի հետ հանդիպմանը հայտարարել է Իրանի ԱԳ փոխնախարար Ալի Բաղերի Կանին, հայտնում է Press TV-ն։

Արևմտյան երկրները Կիևին քարտ–բլանշ են տվել Զապորոժիեի ատոմակայանին անդառնալի վնաս հասցնելու անմիտ փորձերը շարունակելու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

ՀՀ արտգործնախարար Արարատ Միրզոյանն այսօր հեռախոսազրույց է ունեցել Իտալիայի փոխվարչապետ, արտաքին գործերի նախարար Անտոնիո Տայանիի հետ։ Տեղեկությունը հայտնում է ԱԳՆ մամուլի ծառայությունը։ Զրուցակիցներն անդրադարձել են տարածաշրջանային կայունությանն ու անվտանգությանը վերաբերող հարցերին։

Արդեն եկող տարվա գարնանը հնարավոր կդառնա Հայաստանից ուղիղ չվերթով Լատվիա հասնել։ 11 տարվա ընդմիջումից հետո «Էյր Բալթիկ» ավիաընկերությունը վերսկսում է Ռիգա–Երևան–Ռիգա ուղիղ չվերթերը։

Իրանն ունի ռազմական տեխնոլոգիաներ, որոնց մասին ոչ ոք չգիտի, և ամերիկացիները կիմանան, երբ մենք դրանք կիրառենք։ Այս մասին հայտարարել է ԻՀՊԿ-ի գլխավոր հրամանատարի տեղակալ ծովակալ Ալի Ֆադավին, հայտնում է Mehr-ը։

Սերբիայի և Կոսովոյի առաջնորդները Բրյուսելում տեղի ունեցած արտակարգ բանակցությունների ժամանակ չեն կարողացել պայմանավորվել Կոսովոյում սերբերի կողմից օգտագործվող ավտոմոբիլային համարանիշների շուրջ: Այս մասին հայտարարել է ԵՄ արտաքին քաղաքականության գերագույն ներկայացուցիչ Ժոզեպ Բորելը։

Այսուհետ Հարկադիր կատարումն ապահովող ծառայության (ՀԿԱԾ) կողմից արգելադրված բանկային հաշվին բռնագանձման ենթակա ամբողջ գումարի առկայության դեպքում գումարի բռնագանձումը և բանկային հաշվի ապաարգելադրումը տեղի են ունենալու մինչև 1 աշխատանքային օրվա ընթացքում՝ նախկին 5-7 օրվա փոխարեն: Տեղեկությունը հայտնում է ՀՀ արդարադատության նախարարությունը։